অৱাং নোংপোক লমদমগী চাউখৎ-থৌরাং মন্ত্রালয়
অরুনাচল প্রদেশকী চাংলাংদা এন.ই.আর.সি.আর.এম.এস.না মীৎয়েং চংবা – দোনর মন্ত্রালয়গী লুচিং মখাদা লৈরিবা রেজিস্তর তৌরবা সোসাইতী অমা
Posted On:
17 MAR 2022 12:08PM by PIB Imphal
অরুনাচল প্রদেশকী বোরদুমসাগী মনুং চনবা বিজোয়পুর – III খুঙ্গংগী খুঞ্জা, শ্রী শিহা মোগ। এন.ই.আর.সি.আর.এম.এস.না মীৎয়েং চংলক্ত্রিঙৈ মমাংদা মহাক অসি লুহোংলবা মতুংদা মহাক্কী ইমুংদগী তোখাইখি অমসুং মঙোন্দা মতেং ফংগদবা অমত্তা লৈখিদে। মহাক্না অতোপ্পা রাজ্যদা থবক থিনবা চৎখি, অদুবু মহাক্কী ইমুং পুবা ঙমদবা খুৎশুম পীগদবা থবক অমত্তা মহাক্না ফংবা ঙমখিদে। মহাক্না মতুংদা য়ুমদা হল্লকখি অমসুং মহাক্কী মপাগা লম য়েন্নদুনা লৌউ-শিংউ তৌখি। মহাক্কী ইমুং মনুংগী মথৌ তাবশিং অদু লৌ-উবা খক্তা মেনখৎপা ঙমখিদে।
ইং কুমজা ২০১৯দা খুঙ্গং অদুদা এন.ই.আর.সি.আর.এম.এস.না লাকপা মতম অদুদা মহাক্না এন.এ.আর.এম.জি. মীফমদা মহাক্না পাম্বা য়ুনিৎ অমগী মতাংদা পুথোকপা ঙমখি। মসি এ.দবল্যু.পি.বি. ২০১৯-২০২০গী খুত্থাংদা থমখি। ইং কুমজা ২০১৯দা ইলেক্ত্রিক এক্তিবিতীগা লোয়ননা এন.ই.আর.সি.আর.এম.এস.কী মখাদা প্রোজেক্তকী বেনিফিসরী ওইবা ঙমখি। মহাক্না প্রোজেক্ত অসিগী লুপা ২৫,০০০/- ফংখি। মহাক্না তুংশিনখিবা লুপা ৫,০০০/-গা লোয়ননা মহাক্না খুঙ্গং অদুদা ইলেক্ত্রিকেল দুকান অমা হাংখি।
অহানবদা মহাক্না মহাক্কী ইমুং পুবা ঙম্নবা য়ুমগী মৈ পানবগী থবক তৌখি। মতুংদা মসি অহেনবা শিনফম অমা ওইরকখি। মহাকপু লৌউ-শিংউদা মীপাল চাংবা মীওই অমদগী তেক্নোলোজীদা মীপাল তাংবা মীওই অমা ওইনা অওনবা পুরক্তুনা প্রোজেক্ত অসিনা মহাক্কী পুন্সিদা অহোংবা পুরকখি। মহাক্না থা অমদা লুপা ১২,০০০/- গী শেনফম তানবা ঙমদুনা মহাক্না শেল-থুমগী ফীভম ফনা অমসুং মহাক্কী তেক্নিকেল প্রোফেসন অসিদা মীৎয়েং চংবা ঙমখি। থৌরাং অসিনা মরম ওইদুনা প্রোজেক্ত অসিনা মহাক্কী ইমুং পুবা ঙম্নবা মহাক্কী চহিগী চাগা অসি হেনগৎহন্নবা খুদোংচাবা অমা মঙোন্দা পীখি।
*********
(Release ID: 1806901)
Visitor Counter : 188