অৱাং নোংপোক লমদমগী চাউখৎ-থৌরাং মন্ত্রালয়
অৱাং নোংপোক লমদম চাউখৎপা, তুরিজম অমসুং কলচরগী কেন্দ্র মন্ত্রী, শ্রী জি. কিশন রেদ্দীনা অৱাং নোংপোক লমদম চাউখৎপগী মন্ত্রালয়গী গ্রান্ত তান্নবগী খন্ন-নৈনবগী মীফমদা শরুক য়াখ্রে
ঙাক-শেনগী ফিভম ফগৎহন্নবা অমসুং মদুগী মতুং ইন্না লমদম অসিদা তংদু-লৈতাবগী ফিভম লৈরকপা, ইনফ্রাস্ত্রকচর অমসুং কন্নেক্তিবিতী চাউখৎহন্নবগী পায়খৎপা অচৌবা প্রোজেক্ত পুরক্নবগীদমক্তা মশক থোকপা খোঙথাং পায়খৎখিবশিংদা কেন্দ্রগী মন্ত্রীনা মিৎয়েং চঙখি
Posted On:
16 MAR 2022 2:35PM by PIB Imphal
মরু ওইবা ৱারোলশিং:
- ভারত অমসুং অৱাং নোংপোক লমদম্বু শেমদোকপদা অহেনবা মিৎয়েং চঙবা প্রধান মন্ত্রীগী মঙলানগী মখা পোন্না অৱাং নোংপোক লমদমদা শান্তি লৈবা অমসুং নুংঙাই য়াইফবগী অনৌবা য়ুগ অমা লাক্লে
- লমদম অসিদা তংদু লৈতাবা ফিভম অমা লৈহনখিবনা মরম ওইরগা ইনফ্রাস্ত্রকচর অমসুং কন্নেক্তিবিতী চাউখৎহন্নবা অচৌবা প্রোজেক্ত কয়া পায়খৎপা ঙম্লে
- কেন্দ্রগী মন্ত্রালয় ৫৪না অৱাং নোংপোক লমদমগীদমক্তা পীথবা তেংবাংদা লুপা করোর ৭৬,০৪০ য়ৌদুনা অপুনবা গ্রোস বজেত্তরী সপ্পোর্ত্তা ১১০%গী চাংদা হেনগৎখি
- লমদম অসিগী রেল, শোরোক, নোংথক, ঈশিং অমসুং তেলিকোম কন্নেক্তিবিতী ফগৎহন্নবা চাউরবা খোংথাং কয়া পায়খৎপদগী শেন্মিৎলোন চাউখৎপা, ললোন ইতিক অমসুং ইনভেস্তমেন্তকী খুদোংচাবশিং হেনগৎলক্লি
- ইং ২০১৪-২০২১গী মনুংদা, রেল কন্নেক্তিবিতী ফগৎহন্নবগীদমক্তা লুপা করোর ৩৯,০০০ চাদিং তৌখি
- অৱাং নোংপোক লমদমশিংদা কেন্দ্রগী মন্ত্রীনা চাং নাইনা খোঙচৎ চৎপনা অৱাং নোংপোক রাজ্যশিংগী সরকারগা রাজনিতীগী মরী লৈনরিবশিং ফগৎপগা লোয়ননা সেন্ত্রেল সেক্তর অমসুং সেন্তরনা তেংবাংবা স্কিমশিংবু লমদম অসিদা থবক ওইনা পায়খৎপগী থৌওংদা অফবা অহোংবা পুরক্লি
অৱাং নোংপোক লমদম চাউখৎহনবা মন্ত্রালয় (দোনর)গী থবক তৌবগী মওংশিংবু অপ্পর হাউস্তা খন্ন-নৈনবগী মনুং চনবা পাউখুম পীরদুনা, অৱাং নোংপোক লমদম চাউখৎপা, তুরিজম অমসুং কলচরগী কেন্দ্র মন্ত্রী, শ্রী জি. কিশন রেদ্দীনা অৱাং নোংপোক লমদমদা শান্তি লৈবা অমসুং নুংঙাই য়াইফবগী অনৌবা য়ুগ অমা লাক্লে হায়না পাউদমখি। প্রধান মন্ত্রীনা ভারতপু শেমদোকপগী ৱাখল্লোন অমা থম্লিবা অসিগী শরুক অমা ওইনা অৱাং নোংপোক লমদম চাউখৎহনবা হায়বসিদা অহানবা মিৎয়েং চঙলি হায়না মহাক্না মখা তাখি।
চাউখৎপা পুরক্নবগীদমক্তা তংদু লৈতানা লৈবা অমসুং ঙাক-শেনগী ফিভম ফবা হায়বসি তঙাই ফদবনি হায়না কেন্দ্রগী মন্ত্রীনা হায়খি। লমদম অসিগী ঙাক-শেনগী ফিভম ফগৎহন্নবা অমসুং মদুগী মতুং ইন্না লমদম অসিদা তংদু-লৈতাবগী ফিভম লৈরক্নবা মশক থোকপা খোঙথাং কয়া পায়খৎপনা মরম ওইরগা ইনফ্রাস্ত্রকচর অমসুং কন্নেক্তিবিতী চাউখৎহন্নবগীদমক্তা অচৌবা প্রোজেক্ত কয়া পায়খৎলি। মমাংগী মতমদা তৌরমদবগুম্না, ঙসিদি, লম্বী ব্লোকেদ তৌবা, য়ানীংদবা ইহৌ হৌবা, কর্ফিয়ু অমসুং নোংমৈ কাপ্নবগী থৌওং কয়া অৱাং নোংপোক লমদমদা থোক্ত্রে হায়না মহাক্না মখা তাখি।
ইং ২০১৪দা ওইরম্বা মশিং, ৮২৪দগী হন্থরক্তুনা ইং ২০২০দা শুপ্নগী ইরাং মশিং ১৬৩ খক থোকখিদুনা লালহৌবগা মরী লৈনবা ইরাংসু মশক থোক্না হন্থরক্লি হায়না মন্ত্রীনা ফোংদোকখি। মীচম অমসুং সেক্যুরিতী ফোর্স লৈখিদবগী চাংসু মশক থোক্না হন্থরকখি হায়নসু মহাক্না ফোংদোকখি। মান্নবা ওইনা, শান্তি পুরক্তুনা অমুক্কা হন্না তংদু লৈতানা লৈবখক্তা নত্তনা মখোয়বু মহৌশাগী পুন্সিদা চুশিলহন্নবা তেংবাংবগী শেল-থুমগী পেকেজ কায়থোকপগা লোয়ননা লালহৌবা কাঙলুপশিংগা পুৱারী ওইবা য়ানচে কয়াগী খুৎয়েকসু পীনখি হায়না মহাক্না মরু ওইনা পনখি।
সেক্যুরিতীগী ফিভম য়াম্না হেন্না ফগৎলকপনা মরম ওইরগা, মালেম অমসুং লৈবাক মনুংগী কারবারশিংনা ইনভেস্ত তৌনবগীদমক্তা এন.ই.আর.গী মতিক কয়াগী খুদোংচাবা লৌনবগীদমক্তা শেম শাদুনা লৈনরি হায়না শ্রী রেদ্দীনা মখা তাখি।
মখা তাবা ওইনা, লমদম অসিগী চাউখৎপগী খোঙজেল য়াঙখৎহন্নবগীদমক্তা লমদম অসিগী বজেৎসু মশক থোক্না হেনগৎখ্রে হায়না মহাক্না ফোংদোকখি। কেন্দ্রগী মন্ত্রালয় ৫৪না অৱাং নোংপোক লমদমগীদমক্তা পীথবা তেংবাংদা ইং ২০১৪দা লুপা করোর ৩৬,১০৮ ওইরম্বদগী শেনবা চহি ২০২২-২৩দা লুপা করোর ৭৬,০৪০ য়ৌদুনা অপুনবা গ্রোস বজেত্তরী সপ্পোর্ত্তা ১১০%গী চাংদা হেনগৎলে হায়নসু মহাক্না ফোংদোকখি। লুপা করোর ১৫০০গী অপুনবা শেনফম লৈদুনা হন্দক্তা লাউথোকখিবা অৱাং নোংপোক চাউখৎহন্নবা প্রধান মন্ত্রীগী খোঙথাং, পি.এম.-দেভ.আই.এন.ই. অসিনা ইনফ্রাস্ত্রকচর চাউখৎপবু শৌগত্তুনা অমসুং পুন্সি মহিংগী থবক-থৌরমশিং লৈহন্দুনা গতি শক্তিগী ইথিলগা লোয়ননা চাউখৎপগী খোঙজেল হেনগৎহল্লগনি হায়না মহাক্না মখা তানা ফোংদোকখি।
শ্রী কিশন রেদ্দীনা শোরোক, রেল অমসুং এয়র কন্নেক্তিবিতী ফগৎহন্নবগীদমক্তা পায়খৎপা মশক থোকপা খোঙথাং কয়াগী মতাংদসু পনখি। অৱাং নোংপোক্কী লমদম্বু লৈবাক অসিগী চাউখৎপগী ইঞ্জিন ওইহন্নবগীদমক্তা, রেলগী কন্নেক্তিবিতী হেন্না ফগৎহন্নবগীদমক্তা চাউরবা খোঙথাং কয়া অমসু পায়খৎলি হায়না মহাক্না ফোংদোকখি। ইং ২০১৪-২০২১গী মতমগী মনুংদা, রেল কন্নেক্তিবিতী ফগৎহন্নবগীদমক্তা অপুনবা লুপা করোর ৩৯,০০০ থাদখি হায়নসু মহাক্না মখা তাখি।
থবক থৌরমশিং অসিদা খ্বাইদগী ফবা সাইন্তিফিক অমসুং ইঞ্জিনিয়রিংগী স্তেন্দর্দ শিজিন্নখি অমসুং লমদম অসিগী খুদোংচাদবা লম্মিৎ-তুম্মিৎনা সরকারনা পায়খৎলিবা থবক থৌরমশিংদা অপনবা অমত্তা পীহনখিদে হায়না কেন্দ্র মন্ত্রীনা ফোংদোকখি। মহাক্না মীতর ১৪১ ৱাংদুনা মালেমগী খ্বাইদগী ৱাংবা পাইয়র ব্রিজকী রেকোর্দ থমখ্রবা মনিপুরগী ইম্ফাল-জিরিবাম লাইনগী খুদম পীখি।
কোনুংশিংবু শম্নহনবগী প্রোজেক্তনা অৱাং নোংপোক্কী লমদমশিং চাউখৎহনবগী ৱারীদা অনৌবা তাঙ্কক অমা হাপ্লগনি হায়না মিৎয়েং চঙখি। ইং ২০১৪গী মমাংদা, অসমগী কোনুং গুৱাহাতী খক্তমক রেলনা শম্নরম্বনি হায়বা ৱাফম মহাক্না ফোংদোকখি। ঙসিদি, রাজ্য অহুমদি হায়রিবা রেল লাইন অসিনা শম্নরে অমসুং লেমহৌরিবা কোনুং ৫বু রেলনা শম্নহন্নবগী প্রোজেক্তসু লুপা করোর ৪৫০৬১ চঙদুনা কন্না হোৎনরি।
লমদম অসিগী শোরোক অমসুং হাইৱে নেতৱর্কসু মমাংদা পাংথোকখিদবা মওংদা মপাঙ্গল হাপ্পগী থবক কন্না চত্থরিবা অসিদা মীয়ামগী পুক্নিং চিংশিনখি। ভারত সরকারনা থবক-থৌরমশিং অসিগীদমক্তা হৌজিক ফাওবদা লুপা করোর ৪১,৫৪৬ চাদিং তৌখ্রে হায়না ফোংদোকখি। উরান অমসুং কৃশী উরানগী খুত্থাংদা এয়র কন্নেক্তিবিতীসু মমাংগী চহি খরসিদা মপাঙ্গল য়াম্না ফংখ্রে অমসুং মসিনা মরম ওইরগা লমদমসিগী তুরিজম, ত্রেদ অমসুং ইনভেস্তমেন্তত্তা কান্নবা শাফু অমা ফংবে ঙম্লে হায়না মহাক্না পাউদমখি। মখা তাবা ওইনা, লমদম অসিগী তেলিকোম কন্নেক্তিবিতী ফগৎহন্নবগীদমক্তা জি.বি.এস.কী ১০%গী মখাদা মমাংগী চহি ৭কী মনুংদা লুপা করোর ৩৪৬৬.১০গী শেনফমসু থাদখ্রে হায়না মহাক্না মখা তাখি।
সরকারনা পায়খৎলিবা “এক্ত ইস্ত পোলিসী”দা মিৎয়েং চঙলদুনা, বাঙ্গলাদেশকা ফাওননবা অগরতলা – অখাউরা রেল লিঙ্ক, ম্যান্মারগা ফাওননবা কালাদান মলতিমোদেল প্রোজেক্ত অমসুং ভারত-ম্যান্মার-থাইলেন্দ ত্রাইলেতরেল হাইৱেগুম্বা ইন্তর্নেস্নেল কন্নেক্তিবিতীগীদমক্তা অৱাং নোংপোক লমদমদা পায়খৎলিবা মরু ওইবা প্রোজেক্তশিংদা অহেনবা মিৎয়েং চঙলি হায়নসু ফোংদোকখি।
শ্রী রেদ্দীনা হায়খিবদা, কেন্দ্র সরকারনা ইং ২০১৪দগী হৌদুনা লুপা করোর ১০,০০০গী অহেনবা চাদিং তৌদুনা পাৱর ইনফ্রাস্ত্রকচর শেমগৎনবা থবক পায়খৎলি হায়খি অমসুং কেন্দ্রনা অৱাং নোংপোক লমদমদা ইলেক্ত্রিক্কী কন্নেক্তিবিতী হেন্না খুমাং চাউশিলহন্দুনা ইন্দস্ত্রীগী ইহৌ পুরক্নবা শৌগৎলি হায়নসু ফোংদোকখি।
নেস্নেল ৱাতরৱে-২ (রিভর ব্রহ্মপুত্র, কিমি. ৮৯১) সাদিয়াদগী বাঙ্গলাদেশ ফাওবা অমসুং নেস্নেল ৱাতরৱে-১৬ (রিভর বারাক, কিমি. ১২১) ভাঙ্গা-লখিপুর মশাং (ইন্দো-বাঙ্গলাদেশ প্রোতোকোল (আই.বি.পি.) য়াওনা) শেমগৎপগী প্রোজেক্তশিংসু এন.ই.আর.দা থবক পায়খৎলিবা অসিবু পল্লদুনা এফ.সি.আই.গী হৱাই-চেংৱাই এম.তি. ২০০ পুবা এম.ভি. লাল বহাদুর শাস্ত্রীসু বাঙ্গলাদেশ ফাওদুনা হন্দক্তা গুৱাহাতীগী পান্দু য়ৌখিদুনা এন.ই. লমদমগী শাহৌ লৌবগী ৱারীদা মশক থোকপা থৌদোক অমা ওইখিবা অসিগী মতাংদসু ইকায় খুম্নরবা মেম্বরশিংগী মফমদা মন্ত্রীনা অমুক্কা হনা নীংশিংহনখি।
অৱাং নোংপোক লমদমদা লৌউ-শিংউগী কান্নবগী মতাংদা মহাক্না মিৎয়েং চঙলদুনা এন.ই.আর.গী হৌজিক লৈরিবা হেক্ত্যার ৩৮,০০০গী লমগী মাইয়োক্তা হেক্ত্যার লাখ ৩.৩৮দা থাবগী পান্দমগা লোয়ননা অপুনবা শেনফম লুপা করোর ১১,০৪০গী ৫০%গী চাংদগী হেনবগী শেনফম কায়থদুনা ইং ২০২১-২২দগী ২০২৫-২৬ ফাওবগী ওইনা নেস্নেল মিসন ওন ইদিবল ওইল – ওইল পাল্ম (এন.এম.ই.ও.-ও.পি.)গী হন্দক্তা অয়াবা পীখিবগী ৱাফমসু পনখি।
নহারোলশিংগী অপাম্বশিংবু খঙবগী মতাংদা সরকারনা মরু ওইবা মিৎয়েং চঙলিবা অসিদসু মন্ত্রীনা ময়েক শেংনা পাউদমখি। নহারোলশিংনা শান্ন-খোৎনবদা লৈরিবা মতিকপু শকখঙলদুনা নেস্নেল স্পোর্ত য়ুনিভর্সিতীবুসু মনিপুরদা লুপা করোর ৬৪৩ চঙনা শাগৎলি হায়না মহাক্না মখা তাখি।
সরকারনা হকশেলগী সেক্তরদসু ইং ২০১৪-১৫দগী হৌদুনা লুপা করোর ২৫,৫৮৯.৭২ চাদিং তৌখ্রে হায়না মহাক্না হাউস্তা মখা তানা পাউদমখি। মসিগী মনুংদা দোনর মন্ত্রালয়না অৱাং নোংপোক লমদমদা হকশেলগী ইনফ্রাস্ত্রকচর শেমগৎনবা অমসুং খ্বাইদগী নৌবা ওইনা কোবিদ-১৯গী লাইচৎ মাইয়োক্ননবগীদমক্তা লুপা করোর ৫৪৮.৩২ কাইথোকখিবসু মনুং চল্লি। গুৱাহাতীদা লুপা করোর ১,১২৩গী শেনফম চঙদুনা ইং ২০২২ ফাওবগী মনুংদা লোইশিনবগী পান্দম থমদুনা শাগৎলিবা এমসকী মতাংদসু মন্ত্রীনা পনখি।
কেন্দ্র মন্ত্রীনা মেম্বর খুদিংনা অৱাং নোংপোক লমদম্বু চাউখৎহন্নবগীদমক্তা পুন্না হোৎনমিন্ননবা হায়রদুনা অৱাং নোংপোক্না চাউখৎত্রিঙৈ ভারতনা চাউখৎপা ঙম্লোই হায়বা ৱাফম থমখি।
************
(Release ID: 1806748)
Visitor Counter : 135