01.03.2022 ਤੱਕ, ਓਐੱਮਸੀ’ਸ ਨੇ ਉੱਜਵਲਾ 2.0 ਦੇ ਤਹਿਤ 1 ਕਰੋੜ ਐੱਲਪੀਜੀ ਕਨੈਕਸ਼ਨ ਜਾਰੀ ਕੀਤੇ ਹਨ

ਸਰਕਾਰ ਨੇ ਇਹ ਸੁਨਿਸ਼ਚਿਤ ਕਰਨ ਲਈ ਕਈ ਹੋਰ ਕਦਮ ਚੁੱਕੇ ਹਨ ਕਿ ਦੇਸ਼ ਦੇ ਸਾਰੇ ਘਰਾਂ ਵਿੱਚ ਖਾਣਾ ਪਕਾਉਣ ਵਾਲੇ ਸਵੱਛ ਰਸੋਈ ਈਂਧਣ ਦੀ ਪਹੁੰਚ ਹੋਵੇ

ਪੈਟਰੋਲੀਅਮ ਅਤੇ ਕੁਦਰਤੀ ਗੈਸ ਰਾਜ ਮੰਤਰੀ, ਸ਼੍ਰੀ ਰਾਮੇਸ਼ਵਰ ਤੇਲੀ ਨੇ ਅੱਜ ਰਾਜ ਸਭਾ ਵਿੱਚ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ ਦੱਸਿਆ ਕਿ ਸਰਕਾਰ ਨੇ 2016 ਵਿੱਚ ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ (ਪੀਐੱਮਯੂਵਾਈ) ਸ਼ੁਰੂ ਕੀਤੀ ਸੀ ਤਾਂ ਕਿ ਗ਼ਰੀਬ ਪਰਿਵਾਰਾਂ ਨੂੰ ਖਾਣਾ ਪਕਾਉਣ ਦਾ ਸਵੱਛ ਈਂਧਣ ਮੁਹੱਈਆ ਕਰਵਾਇਆ ਜਾ ਸਕੇ ਅਤੇ ਸਤੰਬਰ, 2019 ਵਿੱਚ 8 ਕਰੋੜ ਡਿਪਾਜ਼ਿਟ ਰਹਿਤ ਐੱਲਪੀਜੀ ਕਨੈਕਸ਼ਨ ਪ੍ਰਦਾਨ ਕਰਨ ਦਾ ਲਕਸ਼ ਪ੍ਰਾਪਤ ਕੀਤਾ ਗਿਆ ਸੀ। ਪੀਐੱਮਯੂਵਾਈ ਦੇ ਅਧੀਨ ਬਾਕੀ ਰਹਿੰਦੇ ਪਰਿਵਾਰਾਂ ਨੂੰ ਕਵਰ ਕਰਨ ਲਈ, ਉੱਜਵਲਾ 2.0 ਨੂੰ 10 ਅਗਸਤ, 2021 ਨੂੰ ਪੈਨ ਇੰਡੀਆ ਅਧਾਰ 'ਤੇ ਸ਼ੁਰੂ ਕੀਤਾ ਗਿਆ ਸੀ ਤਾਕਿ ਮੁਫ਼ਤ ਪਹਿਲੀ ਰੀਫਿਲ ਅਤੇ ਸਟੋਵ ਦੇ ਨਾਲ ਹੋਰ ਇੱਕ ਕਰੋੜ ਐੱਲਪੀਜੀ ਕਨੈਕਸ਼ਨ ਪ੍ਰਦਾਨ ਕੀਤੇ ਜਾ ਸਕਣ। 01.03.2022 ਤੱਕ, ਆਇਲ ਮਾਰਕੀਟਿੰਗ ਕੰਪਨੀਆਂ (ਓਐੱਮਸੀ’ਸ) ਨੇ ਉੱਜਵਲਾ 2.0 ਦੇ ਤਹਿਤ 1 ਕਰੋੜ ਐੱਲਪੀਜੀ ਕਨੈਕਸ਼ਨ ਜਾਰੀ ਕੀਤੇ ਹਨ। ਇਸ ਤੋਂ ਇਲਾਵਾ, ਸਰਕਾਰ ਨੇ ਮੌਜੂਦਾ ਤੌਰ-ਤਰੀਕਿਆਂ 'ਤੇ ਉੱਜਵਲਾ 2.0 ਦੇ ਤਹਿਤ ਹੋਰ 60 ਲੱਖ ਐੱਲਪੀਜੀ ਕਨੈਕਸ਼ਨ ਜਾਰੀ ਕਰਨ ਦੀ ਪ੍ਰਵਾਨਗੀ ਦੇ ਦਿੱਤੀ ਹੈ। ਯੋਜਨਾ ਦੀ ਸ਼ੁਰੂਆਤ ਤੋਂ ਲੈ ਕੇ 01.03.2022 ਤੱਕ ਪੀਐੱਮਯੂਵਾਈ ਦੇ ਤਹਿਤ ਜਾਰੀ ਕੀਤੇ ਗਏ ਐੱਲਪੀਜੀ ਕਨੈਕਸ਼ਨਾਂ ਦੇ ਰਾਜ/ਕੇਂਦਰ ਸ਼ਾਸਿਤ ਪ੍ਰਦੇਸ਼-ਵਾਰ ਵੇਰਵੇ ਅਨੁਸੂਚੀ ਵਿੱਚ ਦਿੱਤੇ ਗਏ ਹਨ।

ਇਸ ਤੋਂ ਇਲਾਵਾ, ਸਰਕਾਰ ਨੇ ਇਹ ਸੁਨਿਸ਼ਚਿਤ ਕਰਨ ਲਈ ਕਈ ਹੋਰ ਕਦਮ ਚੁੱਕੇ ਹਨ ਕਿ ਦੇਸ਼ ਦੇ ਸਾਰੇ ਘਰਾਂ ਵਿੱਚ ਖਾਣਾ ਪਕਾਉਣ ਵਾਲੇ ਸਵੱਛ ਈਂਧਣ ਦੀ ਪਹੁੰਚ ਹੋਵੇ, ਜਿਸ ਵਿੱਚ ਪ੍ਰੇਸ਼ਾਨੀ ਰਹਿਤ ਕਨੈਕਸ਼ਨ, 5 ਕਿਲੋਗ੍ਰਾਮ ਸਿਲੰਡਰ, ਮੌਜੂਦਾ ਘਰੇਲੂ ਐੱਲਪੀਜੀ ਖਪਤਕਾਰ ਲਈ ਸੈਕੰਡਰੀ ਕਨੈਕਸ਼ਨ, ਪੀਐੱਮਯੂਵਾਈ ਸਮੇਤ ਨਵੇਂ ਕਨੈਕਸ਼ਨ ਲਈ ਔਨਲਾਈਨ ਅਪਲਾਈ ਕਰਨ ਦਾ ਵਿਕਲਪ ਅਤੇ ਈ-ਸਬਸਕ੍ਰਿਪਸ਼ਨ ਵਾਊਚਰ ਜਾਰੀ ਕਰਨਾ, ਐੱਲਪੀਜੀ ਪੰਚਾਇਤਾਂ ਦਾ ਆਯੋਜਨ ਕਰਨਾ ਅਤੇ ਰਾਜ/ਕੇਂਦਰ ਸ਼ਾਸਿਤ ਪ੍ਰਦੇਸ਼ ਸਰਕਾਰਾਂ ਨੂੰ ਸ਼ਾਮਲ ਕਰਨ ਵਾਲੀ ਜਨ ਜਾਗਰੂਕਤਾ ਮੁਹਿੰਮਾਂ ਆਦਿ ਸ਼ਾਮਲ ਹੈ।

ਅਨੁਲੱਗ

ਸਰੋਤ : ਓਐੱਮਸੀ’ਸ

************

ਵਾਈਬੀ/ਆਰਕੇਐੱਮ