হন্দক্তা মমিং লৈরবা ইন্তর্নেস্নেল জর্নেল অমদা মেথমেতিকেল মোদেলিং এক্সর্সাইজ অমদা য়ুম্ফম ওইরগা লৈবাক কয়াগী ওল কোস এক্সেস মোর্তেলিতীগী মশিং পুম্নমক এস্তিমেৎশিং পীখি। স্তদী অসিনা জনুৱারী ১, ২০২০ অমসুং দিসেম্বর ৩১, ২০২১গী মনুংদা কোবিদ-১৯না লৈখিদবগী পুন্না রিপোর্ত তৌরকখিবা অসি অসি মালেম শিনবা থুংবগী ওইনা মিলিয়ন ৫.৯৪ ওইখি অদুবু হায়রিবা মতম অসিগী মনুংদা কোবিদ-১৯ লাইচৎ (এক্সেস মোর্তেলিতীনা থীবদা) অসিনা মরম ওইরগা মালেম শিনবা থুংনা মীওই মিলিয়ন ১৮.২ (৯৫% অনসর্তেন্তী ইন্তর্বেল ১৭.১-১৯.৬) ওই হায়না এস্তিমেৎ তৌখি।

মসি অতোপ্পা রিসর্চকী সেৎ অমনা কোবিদ-১৯না মরম ওইরগা এক্সেস মোর্তেলিতীদা অতোপ্পা এস্তিমেৎ অমনি। প্রিদিক্সন অমা তৌনবা তশেংবা মালেমগী সিনারিও অমগী মেথমেতিকেল রিপ্রজেন্তেসন  অমা শেম্বদা মেথমেতিকেল মোদেল্লিং তেক্নিকশিং অসি তঙাই ফদবা প্রোসেসনি। অসিগুম্বা প্রিদিক্সন অসি তশেংবা মালেমগী সিনারিওশিং নত্ত্রগা ফংদবা ইনপুৎশিং (শীজিন্নবা তেক্নিক্কী মতুং ইন্না এক্যুরেসীদা খেন্নবা য়াবা) এপ্রোক্সিমেসনশিংদা য়ুম্ফম ওইবা ইনপুৎশিংগী সেৎ খরদা য়ুম্ফম ওইখি। অয়াম্বনা স্তদীশিং অসিদা য়াম্না য়ামদবা তশেংবা সেম্পলশিং লৌই অমসুং অপুনবা মীশিংগী ফল এক্ত্রাপোলেৎ তৌই। অমরোমদা মসি অপীকপা হোমোজিনস লৈবাক/রিজন অমগী অনকপা এক্যুরেৎ রিজল ফংবা য়াই, অদুবু অসিগুম্বা তেক্নিকশিং অসিনা অচৌবা, দাইভর্স পোপুলেসনগী ওইনদি থাজবা বাবা ফলশিং পীবদা হঞ্জিন-হঞ্জিন শোইবা থেংনখি। স্তদী অসিনা তোঙান-তোঙানবা লৈবাকশিংগী ওইনা তোঙান-তোঙানবা মেথোদোলোজীশিং শীজিন্নৈ অমসুং ভারতকী ওইনা খুদম ওইনা, স্তদী অসিগীদমক শীজিন্নখিবা দেতা সোর্সশিং অসি পাউচেগী রিপোর্তশিং অমসুং নন-পিয়র রিভ্যু স্তদীজশিংদগী লৌখি। মসিগী মোদেল অসিনা ইনপুৎ ওইনা ওল কোস এক্সেস মোর্তেলিতীগী (অতোপ্পা নন-পিয়র রিভ্যু মোদেল) দেতা শীজিন্নখি অমসুং মসিনা স্তেতিস্তিকেল এক্সর্সাইজ অসিগী ফলশিংগী এক্যূরেসীদা চীংনবা পোকহনখি।

ঙক্নীংঙাই ওইনা, মেথোদোলোজী অসিনা স্তদী চত্থখিবা মতম অদুদা তোঙান-তোঙানবা ইন্তর্বেলশিংদগী এক্সত্রাপোলেৎ ফাওবদা পাউচেশিংদগী দেতা শীজিন্নখি। লাইচৎ অসি মতম অমা হেক্তদা তোঙান-তোঙানবা রাজ্যশিংদা (সব স্তেৎ লেবেলসু) তোঙান তোঙানবা মতম অমসুং ত্রেজেক্তরীশিংদা সর্জ কয়ামরুম লৈখি। মরম অসিনা স্তদী অসিদা শীজিন্নখিবা মেথোদোলোজী অসি রোবস্ত ওইদে।  ছত্তিসগরগী এক্সেস মোর্তেলিতী অসি আর্তিকল অমদা (https://www.thehindu.com/news/national/other-states/chhattisgarhs-excess-deaths-at-least-48-times-covid-19-toll/article35067172.ece) য়ুম্ফম ওইরগা হোৎখি, মসিনা এপ্রিল অমসুং মে ২০২১দা লৈখিদবশিংদগী শরুক ৪০ হেল্লি হায়না লৌখি। লোকদাউন, কন্তেনমেন্ত জোনশিং, তেস্তিং অমসুং কন্তেক্ত ত্রেসং, ক্লিনিকেল মেনেজমেন্ত প্রোতোকলশিং পাকশন্না খঙহনবা অমসুং ইমপ্লিমেন্ত তৌবা অমসুং লৈবাক অসিগী পেন্দেমিক মেনেজমেন্তগী য়ুম্ফম ওইরিবা মালেমগী খ্বাইদগী চাউবা ভেক্সিনেসন দ্রাইব য়াওনা পেন্দেমিক মেনেজমেন্তগী খোঙথাং কয়ামরুম অসি লৌদবা ২০১৮ অমসুং ২০১৯গী চপ মান্নবা মতম অসিদা রিপোর্ত তৌরকখিবা লৈখিদবগী চাংচৎশিং অসিগা লোয়ননা সিবিল রেজিস্ত্রেসন সিস্তেম লৈবা রাজ্যশিংগী লাইচৎ মনুংদা রিপোর্ত তৌরকখিবা লৈখিদবশিংগা চাংদম্নখি।

কোবিদ-১৯না মরম ওইরগা লৈখিদবশিং রিপোর্ত তৌবগী অকুপ্পা মরোল য়াওবা গাইদলাইনশিং রাজ্য/য়ু.তি. পুম্নমক্তা কেন্দ্রগী হকশেল মন্ত্রালয়না পীখি। ‘গাইদেন্স ফোর এপ্রোপ্রিএৎ রেকোর্দিং ওফ কোবিদ-১৯ রিলেতেদ দেথ ইন ইন্দিয়া’ হায়না ইন্দিয়ন কাউন্সিল ফোর মেদিকেল রিসর্চ (আই.সি.এম.আর.)না মে ১০, ২০২০দা থোকখি। লৈখিদবশিংগী রিপোর্তিং অসি চাং নাইনা ত্রান্সপরেন্ত ওইবা মওং অমদা তৌরি অমসুং নুমিৎ খুদিংগী কেন্দ্রগী হকশেল মন্ত্রালয়গী ৱেবসাইৎতা পব্লিক দোমেন্দ অপদেৎ তৌখি। কোবিদ-১৯ মোর্তেলিতী দেতাদা বেকলোগ লৈবগী রাজ্যশিংনা তোঙান-তোঙানবা মতমশিংদা পীশিল্লকপা অসিচাং নাইনা ভারত সরকারগী দেতাদা হাপ্পি। মখা তানা ভারত্তা কোবিদ-১৯না মরম ওইরগা লৈখিদবদা শেলগী তাংবাং অমা পীবনা মসি রিপোর্ত তৌবা তাখি। মরম অসিনা মসিদা অন্দররিপোর্তিং তৌবগী ওইথোকপা য়াবা অসি য়াম্না হন্থৈ।

অইবশিংনা মশানা ‘ওল-কোস মোর্তেলিতী দেতাদা য়ুম্ফম ওইদনা এক্সেস মোর্তেলিতী অসি এস্তিমেৎ তৌনবা লোকেসনশিং অদুমক্তগী হেন্না রোবস্ত ওইবা দাইরেক্ত মিজরমেন্ত শীজিন্নগনি’ হায়না ফোঙদোকচখিবনি। মখা তানা মখোয়না “নিদরলেন্দস অমসুং স্বিদেন য়াওনা খনগৎলবা লৈবাক খরগী স্তদীশিংনা, লাইচৎ মনুংগী এক্সেস মোর্তেলিতী অয়াম্বদি কোবিদ-১৯দগীনি হায়না সজেস্ত তৌখি। অদুম ওইনমক লৈবাক অয়াম্বদা মতিক চাবা এম্পিরিকেল ইভিদেন্স ফংখিদে। লৈবাক কয়াগী ইপিদেমিওলোজিকেল প্রোফাইলশিংদা হেতেরোজেনিতীগী চাং য়াম্না ৱাংবা অসি য়েংলগা হীরম অসিদা রিসর্চ হেন্না তৌদ্রিঙৈ মমাংদা ৱাখলনা শাগৎপা অসি লানগনি হায়বা অসি চুমগনি’ হায়না ফোঙদোকখি।

অইবাশিংনা মসিসু য়াজখি মদুদি ‘অকনবা লোকদাউন অমসুং মেদিএসনগী খোঙথাংশিং অসিনা লাইচৎ মনুংদা নেগেতিব এক্সেস মোর্তেলিতী লাকহনখি’ অমসুং ‘তুংদা অহেনবা ইনফোর্মেসন লৈরকপগা লোয়ননা ঐখোয়গী এস্তিমেৎশিং অসি মখা তানা ফগৎলক্তুনা ৱারেন্ত ওইরক্কনি.’ অমসুং ‘পোপুলেসন অমদা ওল-কোস অমসুং কোস-স্পেসিফিক মোর্তেলিতীদা অহোংবশিং লাকহন্নবা তোঙান-তোঙানবা দ্রাইবরশিংদা য়ুম্ফম ওইগনি। মরম অসিনা কোবিদ-১৯না মরম ওইরগা এক্সেস মোর্তেলিতী এস্তিমেৎ তৌবদা, লাইচৎ মনুংদা মোর্তেলিতীদা অহোংবশিং লাকহনবগী কনফাউন্দরশিংগী থৌদাং অসি লেপথোকপা তাই’।

মখোয় মশামক্না মসি য়াজখি মদুদি ‘অরোইবদা সার্স-কোব-২ ভেক্সিনশিংগী দিবেলপমেন্ত অমসুং দিপ্লোইমেন্ত অসিনা ভাইরস অসি লৌরকপা মীওইশিংগী মরক্তা অমসুং জেনরেল পোপুলেসনগী মরক্তা মোর্তেলিতীগী রেৎশিং হন্থহনখি। মরম অসিনা ঐখোয়না কোবিদ-১৯না মরম ওইবা এক্সেস মোর্তেলিতীদা লাকপা ত্রেন্দশিং অসি পোপুলেসনশিংগী মরক্তা ভেক্সিনেসনগী কবরেজ হেনগৎলকপা অমসুং অনৌবা ভেরিএন্তশিং থোরকপগা লোয়ননা অহোংবা লাকপা য়াই হায়না পান্নরি। মসি অমদি অতোপ্পা ফেক্তরশিংদা মতমগা লোয়ননা অহোংবা লাকপা বাবা অসিনা এক্সেস মোর্তেলিতী এস্তিমেৎ তৌবদা মসিনা চাউনা কান্নবা পীগনি’।

মসিনা কোবিদ-১৯ লাইচক অসিগুম্বা মালেমগী পব্লিক হেল্থ ক্রাইসিস অমগী মনুংদা অশীবা হায়বা সেন্সিতিব ইস্যু ক্বোৎ তৌবা অসি অচুম্বা ৱাফমশিং নৈনবা অমসুং মথৌ তাবা সেন্সিতিবী ঙাকপা মথৌ তাই হায়না উৎলি। অসিগুম্বা ৱাখলনা শাগৎপা রিপোর্ত অসিনা কম্ম্যুনিতীদা অকিবা পোকহনবা, মীয়ামবু লান্না লমজিংবা য়াই অমসুং মসি তৌরোইদবনি।

****