মহৈ-মশিং মন্ত্রালয়না ভারতকী স্কুল এজুকেসনদা য়ুনিফাইদ দিস্ত্রিক ইনফোর্মেসন সিস্তেম ফোর এজুকেসন প্লস (য়ু.দি.আই.এস.ই.+) ২০২০-২১গী  অকুপ্পা মরোল য়াওবা রিপোর্ত অমা রিলিজ তৌরগনি৷

মহৈলোইশঙশিংদগী ওনলাইন দাতা খোমজিনবগী য়ু.দি.আই.এস.ই.+ সিস্তেম অসি দিপার্তমেন্ত ওফ স্কুল এজুকেসন অমসুং লিতরেসীনা ২০১৯-১৯ চহিদা শেমগৎখিবনি, মসিনা মমাংগী মতমদা পেপর ফোর্মেত্তা মেনুএল দাতা মেনশিনবা অমদি ২০১২-১৩দগী হৌদুনা য়ু.দি.আই.এস.ই. দাতা কল্লেক্সন সিস্তেমদা ব্লোক নত্রগা জিলাগী থাক্তা কম্প্যুতরদা তাংজদুনা লৈবগী ইসুশিং অসিদগী লান্থোকপা ঙম্লগনি৷

য়ু.দি.আই.এস.ই.+ সিস্তেমদা, দাতা কেপচর তৌবা, দাতা মেপ্পিং তৌবা অমদি দাতা বেরিফিকেসনদা মরী লৈনবা এরিয়াশিংদা মরু ওইনা ইমপ্রুবমেন্তশিং লাকখ্রে৷

মহৈলোইশঙশিংদা লৈরিবা মহৈরোইশিং অমদি ওজাশিং:

২০২০-২১দা, প্রাইমরীদগী হাইয়র সেকেন্দরী ফাওবদা স্কুল এজুকেসনদা মমিং চনখিবা অপুনবা মহৈরোই মশিং অসি কোতি ২৫.৩৮ ওইখি৷ ২০১৯-২০দা কোতি ২৫.১০ এনরোল তৌখিবা অসিগা য়েংনবা মতমদা এনরোল তৌবগী চাং লাখ ২৮.৩২ হেনগৎলকখি৷

স্কুল এজুকেসনগী লেবেল পুম্নমক্তা শরুক য়াবগী জেনেরেল লেবেল ওল্লিবা গ্রোস এনরোলমেন্ত রেসিও (জি.ই.আর.) অসি ২০১৯-২০গা য়েংনবা মতমদা ২০২০-২১দদি হায়গৎলকখ্রে৷ ২০১৯-২০গা য়েংনবা মতমদা ২০২০-২১দা লেবেল লেবেলগী ওইখিবা জি.ই.আর. অদুদি: অপ্পর প্রাইমরীদা ৮৯.৭%দগী ৯২.২%দা, ইলিমেন্তরীদা ৯৭.৮%দগী ৯৯.১%দা, সেকেন্দরীদা ৭৭.৯%দগী ৭৯.৮%দা অমদি হাইয়র সেকেন্দরীদা ৫১.৪%দগী ৫৩.৮%দা ওইখি৷

২০২০-২১গী মতমদা ওজা লাখ ৯৬.৯৬না স্কুল এজুকেসনদা লৈরি৷ মশিং অসি ২০১৯-২০দা স্কুল এজুকেসনদা লৈরমখিবা ওজাশিংগী মশিং অদুগা য়েংনবা মতমদা ৮৮০০রোম হেন্না ৱাংলি৷

২০২০-২১দা, পুপিল তিচর রেসিও (পি.তি.আর.) অসি প্রাইমরীগী ওইনা ২৬, অপ্পর প্রাইমরীগী ওইনা ১৯, সেকেন্দরীগী ওইনা ১৮ অমদি হাইয়র সেকেন্দরীগী ওইনা ২৬ ওইদুনা ২০১৮-১৯দগী চাওনা ফিভম ফগৎলকখ্রে৷ ২০১৮-১৯গী মতমদা প্রাইমরী, অপ্পর প্রাইমরী, সেকেন্দরী অমদি হাইয়র সেকেন্দরীগী ওইবা পি.তি.আর. অদু মথংশিৎনা ২৮,২০,২১ অমদি ৩০ ওইখি৷

২০২০-২১দা, নুপী কোতি ১২.২ হেনবনা প্রাইমরীদগী হাইয়র সেকেন্দরীদা মমিং চল্লি, মসিনা ২০১৯-২০দা নুপীমচাশিং মমিং চনখিবগী চাং অদুগা য়েংনবা মতমদা নুপী লাখ ১১.৮ হেনগৎলকপা উৎলি৷

নন-তিচিং স্তাফশিং

চহিশিং অসিদা নন-তিচিং স্তাফশিংগী মশিং অদুসু হেনগৎলকখ্রে৷ ২০২০-২১গী মতমদা লৈরমখিবা নন-তিচিং স্তাফকী অপুনবা মশিং অদু  ২০১৮-১৯দা লাখ ১২.৩৭ ওইখিবা অসিদা য়েংনবা মতমদা লাখ ১৫.৮ ওইখি৷ নন-তিচিং স্তাফশিংগী মনুংদা, একাউন্তেন্তশিং, লাইব্রেরী এসিস্তেন্তশিং, লেবোরেতরী এসিস্তেন্স, হেদ ক্লকশিং, এল.দি.সি./য়ু.দি.সি. স্তাফশিংগী মশিং অদু ২০১৮-১৯দগী ২০২০-২১দা লাখ ২.০৫ হাপচিন্দুনা স্তাফ মশিং লাখ ৫.৭৯দগী লাখ ৭.৮দা হেনগৎলকখ্রে৷

স্কুল ইনফ্রাস্ত্রকচর:

২০২০-২১গী মতমদা অহেনবা স্কুল ৫৭,৭৯৯দা মৈ ফংহন্দুনা মৈ নিংথিনা ফংহল্লিবা স্কুলশিংনা ফজরবা প্রোগ্রেস পুরকখ্রে৷ ২০১৮-১৯দা ৭৩.৮৫% খক্তমক মৈ ফংহল্লিবা অসিগা য়েংনবা মতমদা হৌজিক্তি অপুনবা স্কুলশিংগী ৮৪% মৈ ফংহনখ্রে, মসিনা মতম অসিদা ১০.১৫%গী ইমপ্রুবমেন্ত লাকখিবা অদু উৎলি৷

থক্নবা ইশিং পীবা স্কুলশিংগী পর্সেন্তেজ অদু ২০১৯-২০দা ৯৩.৭% ওইরম্বদগী ২০২০-২১দা ৯৫.২%দা হেনগৎলকখ্রে৷

চহি অসিদা নুপীশিংগী ওইবা শিজিন্নবা য়াবা তোইলেত ফেসিলিতী ফংবা স্কুল ১১,৯৩৩ হাপচিল্লক্তুনা ২০১৯-২০দা তোইলেত ফেসিলিতী ফংবা স্কুল ৯৩.২% ওইখিবা অসিগা য়েংনবা মতমদা ২০২০-২১দা ৯৩.৯১দা হেনগৎলকখ্রে৷

খুৎ-শা চামথোক্নবগী ফেসিলিতীশিং য়াওবা স্কুলশিংগী পর্সেন্তেজ অদু ২০২০-২১গী মতমদা ফিভম ফগৎলকখ্রে অমদি ২০১৯-২০দা ৯০.২% ওইখিবা অসিগা য়েংনবা মতমদা হৌজিক হৌজিক ৯১.৯% ওইরি৷

কম্প্যুতরশিং মথৌ নিংথিনা তৌহনবা স্কুলশিংগী মশিং অদু ২০১৯-২০দা লাখ ৫.৫. ওইরম্বদগী ৩ % হেনগৎলক্তুনা ২০২০-২১দা লাখ ৬তা হেনগৎলকখ্রে৷ হৌজিক্তি স্কুলশিংগী ৪০%দি কম্প্যুতরশিং চলাইরি৷  ইনরনেত ফেসিলিতী ফংহনবা স্কুলশিংগী মশিং অসি ২০১৯-২০দা লাখ ৩.৩৬ ওইরম্বদগী ২.৬% হেনগৎলক্তুনা ২০২১-২২দা লাখ ৩.৭তা হেনগৎলকখি৷

এনরোলমেন্তদা কোবিদ-১৯ লাইনা-লাইচৎনা পীবা শাফু:

২০২০-২১গী মতমদা, সরকারনা এদেদ তৌবা, প্রাইভেৎ স্কুলগী মহৈরোই লাখ ৩৯.৭ সরকারগী স্কুলশিংদা হোংলকখি৷

******