উপ-রাস্ত্রপতি, শ্রী এম. ভেঙ্কাইয়া নাইদুনা মার্চ ৯দগী ওইগদবা নুমিৎ মরিনিগী মিজোরম অমসুং সিক্কিম খোঙচৎতা ঙসি আইজোলদা থুংখ্রে। 

শ্রী নাইদুবু মিজোরমগী রাজ্যপাল দাঃ হরি বাবু কমভমপতি, মিজোরমগী হেলথ অমসুং ফেমিলী ৱেলফিয়রগী মন্ত্রী দাঃ আর. লালথাঙ্গলিয়ানা, রাজ্য সভাগী এম.পি. শ্রী কে. বানলালবেনা অমসুং অতোপ্পা দিগ্নতরীশিংনা লেঙপুই এয়রপোর্ত্তা তরাম্না ওকখি।

মতুংদা, মিজোরমগী মুখ্য মন্ত্রী জোরমথাঙ্গানা শ্রী নাইদুগা রাজ ভবন্দা উনখি অমসুং মহাক্না হরাও তয়াম্বা ফোংদোকখি।

নুমিদাংৱাইরমদা, শ্রী নাইদুনা রাজ ভবন্দা রাজ্যপালনা য়ুম্বু ওইবা কলচরেলগী থৌরম অমদা শরুক য়াখি। উপ-রাস্ত্রপতিনা মিজোরমগী নাৎকী জগোই, মিং ওইনা পল্লবদা – সর্লমকাই, ছৈয়া লম অমসুং চেরৌ, অতৈ অতোপ্পা নাৎকী ওইবা থৌরম কয়া উবা ফংখি। শ্রী নাইদুনা আর্তিস্তশিংবু মখোয়গী মিজোরমগী নাৎকী ওইবা নিংথিজনা উৎখিবা খুদোলশিং অদুদা থাগৎপা ফোংদোকখি।

উপ-রাস্ত্রপতিনা ২০২২গী মার্চকী ১০, শগোলশেল নুমিৎতা মিজোরমগী লেজিস্তলেতিব এসেমব্লীদা ৱা ঙাংগনি।

*****