লৈবাক ৩২রোম অমদি মালেমগী ওর্গনাইজেসন মরিগী ইলেক্সন মেনেজমেন্ত বোদীশিংগীদমক(ই.এম.বি.শিং) ইলেক্সন কম্মিসন ওফ ইন্দিয়ানা(ই.সি.আই.)না ঙসি ভর্চুএল ইন্তরনেস্নেল ইলেক্সন বিজিতর্স প্রোগ্রাম(আই.ই.ভি.পি.) ২০২২ শিনখি৷ গোৱা, মনিপুর, পঞ্জাব, উত্তরখন্দ অমদি উত্তর প্রদেশকী লেজিসলেতিব এসেমব্লীশিংগীদমক হৌজিক চৎথরিবা ইলেক্সনশিং অসিগী ওভরভ্যু অমা ওনলাইনগী খুৎথাংদা ই.এম.বি. দেলিগেৎ ১৫০ হেনবনা শরুক য়ারিবা অসিদা উৎখি৷ লৈবাক মাপনদগী ভারত্তা বেজ তৌবা দিপ্লোমেতিক কোর্পশিংগী মেম্বরশিং, এম্বাসেদরশিং/হাই কম্মিশনারশিংনা ঙসিগী ভর্চুএল আই.ই.ভি.পি. ২০২২ অসিদা শরুক য়াখি৷

ইন্তরনেস্নেল দেলিগেৎশিংনা পোল্লিং স্তেসনশিং অসিদা চৎতুনা য়েংশিন্নবা অমদি মখোয় মশানা হকথেংননা ইলেক্তোরেল প্রোসেসশিং অদু য়েংজনবা ভারতনা ২০১২ ইলেক্সনশিংদগী হৌদুনা ইন্তরনেসনেল ইলেক্সন বিজিতর্স প্রোগ্রাম(আই.ই.ভি.পি.) শিন্দুনা লাক্লি৷ কোবিদ লাইনা-লাইচৎকী মতমদা চৎথোক-চৎশিন তৌবদা অথিংবশিং থম্লবা ফাওবদা, ভারত্তা আই.ই.ভি.পি. লেপখিবা লৈতে অমদি ইন্নোবেতিব ওইবা ভর্চুএল মোদতা শিন্নবা চৎথরক্লিবনি৷ ঙসিগী হাল্ফ দে সেসনগী মতমদা, রাজ্য মঙাদা ভোৎ থাদনখিবগী রেকোর্দ তৌখিবা ভিদিও শোতশিং অদু শরুক য়ারিবা মীওইশিংদা উৎখি৷ বরানাসি, উত্তর প্রদেশকী পোল্লিং স্তেসনশিংদগী ঙসিগী ভোৎ থাদনখিবশিংগী লাইব স্ত্রিমিং তৌবা অদু ইলেক্তোরেল প্রোসেসকী ব্রিফিং সেসন অমগা লোইননা উৎখি৷ থৌরম লোইশিল্লকপদা, চীফ ইলেক্সন কম্মিশনার অমদি ইলেক্সন কম্মিশনারশিংনা দেলিগেৎশিংদা ৱারোল থমখি৷

উত্তর প্রদেশকী বনারাসিগী পোল্লিং স্তেসন অমগী পোল এক্তিবিতীশিং লাইব স্ত্রিমিং থাবা

ইন্তরনেসনেল দেলিগেৎশিং অসিদা ৱা ঙাংলদুনা, ভারতকী চীফ ইলেক্সন কম্মিশনার অমদি চিয়রপর্সন এ-ৱেব, শ্রী সুসিল চন্দ্রনা ফোংদোকখ্রে মদুদি কোবিদ-১৯ লাইনা-লাইচৎ অসিনা ইলেক্সনশিং পাংথোকপা মতমদা তোঙান তোঙানবা লোজিস্তিক চেলেঞ্জশিং পীবা তারবসু, ভারতনা রাজ্য মঙাগী এসেমব্লী কন্সতিত্যুয়েন্সী ৬৯০দা ইলেক্তর মিলিয়ন ১৮৩.৪গা লোইননা অমুক্কা হন্না ইলেক্সন পাংথোকখ্রে, মসিগী ঐখোয়গী ইলেক্তোরেল সিস্তদেম অসি হেন্না ইনক্লুসিব, এসেসিবল অমদি পার্তিসিপেতিব ওইহল্লি৷ সেনিয়র সিতিজনশিং, পি.দবল্যু.দি. অমদি নুপী ভোতরশিংদা লাইথোকহন্নবগীদমক ভারতকী ইলেক্সন কম্মিসননা লৌখৎখিবা তোঙান তোঙানবা ইনিসিয়েতিবশিং অদু পল্লদুনা, ভোতরশিংগী তোঙান তোঙানবা কাংলুপনা মাইয়োক্নহল্লিবা পলশিং অদু লান্থোকপা ঙম্নবা ফিল্দ ওফিসরশিংনা চলাইরিবা ইন্নোবেতিব অমদি লোকেলাইজ সোলুসনশিং অদু মহাক্না থাগৎখি৷ রাজ্য মঙাদা হৌজিক হৌজিক পাংথোক্লিবা ইলেক্সনশিং অসিগীদমক অনৌবা ভোতর মিলিয়ন ১১ হেন্না হাপচিনখ্রে হায়না মহাক্না ফোংদোকখি৷ সেনিয়র সিতিজনশিং অমদি পি.দবল্যু.দি. ভোতরশিংদা পোস্তেল বেল্লোত ফেসিলিতী ফংহল্লকপা অসিনা ই.সি.আই.বু তশেংনা ভোতরশিংগী থোংজিলদা পুরকখ্রে অমদি হায়রিবা ইলেক্সনশিং অসিদা নুপাগা চাংদম্নদুনা নুপী ভোতরশিংনা পামজনা শরুক য়ানবা লেপ্প-লৈতনা হোৎনখ্রে হায়না মহাক্না মখাতাখি৷ খুদম ওইনা উত্তরখন্দদা, নুপা ভোতরগী তর্নআউত ৬২. ৬% ওইরিবা অসিগা চাংদম্নবা মতমদা নুপী ভোতরগী তর্নআউত অসি ৬৭.২%নি; গোৱানা নুপীগী তর্নআউত ৮০.৯৬% রেকোর্দ তৌখি অদুগা নুপা তর্নআউতনা ৭৮.১৯% রেকোর্দ তৌখি৷

কোবিদ সোসিএল দিস্তেন্সিং নোর্মশিং অমদি পোল্লিং স্তেসনশিংদা ইলেক্তরশিংগী মশিং হন্থহন্নবগীদমক, রাজ্য মঙাদা পোল্লিং স্তেসন লাখ ২.১৫ হেন্না শেমগৎলকখি, মসি ২০১৭কী মমাংগী ইলেক্সনশিংদা ওইরম্বা পোল্লিং স্তেসনশিং অদুদগী পোল্লিং স্তেসন ৩১,০০০রোম হেনগৎলকখ্রে হায়না শ্রী চন্দ্রনা ফোংদোকখি৷ ‘ভোতর অমতবু লেমহৌদনা থমদবা’হায়বা মোতো অসি ইন্দুনা, ঐখোয়গী পোল্লিং পর্সোনেলনা অঙম্বা চিংশাংশিং অমদি ঊননা কুপশিল্লিবা উত্তরখন্দগী মফমশিংদা চৎখি অমদি মনিপুরগী অথাপ্পা অমদি সেন্সিতিব ওইবা লমদমশিংদসু য়ৌখি৷ সেক্যুরিতী ওইহন্নবগীদমক ঙমখৈগী মফমশিংদা, দ্রোনশিং সর্ভিলেন্স তৌহনখি৷ পোল প্রোসেস অদুদা লান্না লমজিংবা য়াবা অরানবা ই-পাউ শন্দোকহন্দনবগীদমক সোসিএল মেদিয়া পোস্তশিংদসু মীকুপ-নাহুম শিংনা য়েংশিনখি৷ এক্সপেন্দিচর মোনিতরিং তীমশিংনা হোৎনরিবশিং অসিনা ইলেক্সনশিং অসি ফ্রী ওইনা পাংথোকপা ঙমহনখিবনি৷

কোবিদ-১৯ লাইনা-লাইচৎ শন্দোকপবু হন্থহন্নবা অমদি ভোতরশিংগীদমক পোল্লিং স্তেসনশিং অসিবু হেন্না শাফবা মফম অমদা ওন্থোক্নবগীদমক হৌজিক হৌজিক রাজ্য মঙাদা ইলেক্সনশিং পাংথোক্লিবা মতম অসিদা ই.সি.আই.না পুরকখিবা অখন্নবা অহোংবশিং অদু সি.ই.সি.না মহাক্কী ৱারোলদা পনখি৷ অয়াম্বা মতমদা ভর্চুএল মোদতা কেম্পেন্দ পাংথোকখিবা, ভোৎ থাদগদৌরিবা রাজ্যশিংদা ভেক্সিন মপুং ফানা কাপথোকপগী স্তেতস ফংনবা হোৎনখিবা, হেল্থ ওথোরিতীশিংগা লোইননা চাং-নাইনা ইন্তরেক্সনশিং তৌখিবা অসিনা ই.সি.আই.না কোবিদ সেফ ওইবা ইলেক্সনশিং অসি পাংথোকপা ঙমহনখিবদা মতেং পাংখি৷

কোবিদ-১৯ লাইনা-লাইচৎনা পীরিবা চেলেঞ্জশিং অদু পল্লদুনা, কম্মিসন অসিনা ওবজেক্তিব অহুম-কোবিদ সেফ ওইবা ইলেক্সনশিং পাংথোকপা, অয়েৎ-অপন লৈতনা  ভোতিং এক্সপরিয়েন্স নিংথিনা ফংহনবা অমদি খ্বাইদগী য়াম্না ভোৎ থাদহনবা হায়বা অসিদা মীৎয়েং থমদুনা হোৎনখিবনি হায়না ইলেক্সন কম্মিশনার শ্রী রজিব কুমারনা ফোংদোকখি৷ কোবিদ সেফ ওইবা ইলেক্সনশিং পাংথোকহন্নবা ই.সি.আই.না লৌখৎখিবা অখন্নবা খোংথাংশিং অদু শন্দোক্না পল্লদুনা, ওইরক্লিবা কোবিদ-১৯গী ফিভম অমদি কেমপেন্দ চৎথবা মতমদা কেন্দিদেৎশিং অমদি পার্তীশিংগী মরক্তা বেলেন্স থমদুনা কম্মিসন অসিনা অফবা রেস্পোন্স অমা পীখি, মসিনা ভোতরশিং অমদি পোল্লিং পর্সোনেলবু হেন্না শাফহনখি হায়না মহাক্না ফোংদোকখি৷ হৌজিক হৌজিক পাংথোক্লিবা ইলেক্সনশিং অসিদা  তোঙান তোঙানবা কাংলুপকী ভোতরশিংনা লাইনা শরুক য়ারিবা অদু পল্লদুনা, শ্রী কুমারনা অসুম্না ফোংদোকখি মদুদি ই.সি.আইনা সর্বিস ভোতর লাখ ৫.৩রোম, পি.দবল্যু.দি. ভোতর লাখ ১৩ অমদি মশিং য়াম্লবা সেন্তিনারিয়ান ভোতরশিংদা য়ৌখ্রে৷

দেলিগেৎশিংবু তরাম্না ওক্লদুনা, ফ্রী অমসুং ফেয়র, ত্রান্সপরেন্ত অমদি ইথিকেল ওইবা ইলেক্সনশিং পাংথোক্নবগীদমক হৌখিবা চহি ৭০গী ভারতকী ইলেক্সনশিং মঙাল নাইনা পাংথোকপগী খোংচৎতা  মোদেল কোদ ওফ কন্দক্ত শিজিন্নবা, ইলেক্সন ওবজর্বরশিং খনবগী সিস্তেম, ই.ভি.এম.-ভি.ভি.পি.এ.তি. অমদি ইনফোর্মেসন অমসুং কম্ম্যুনিকেসন শিজিন্নবা য়াওনা মরু ওইবা মাইলস্তোন অদু ইলেক্সন কম্মিশনার শ্রী অনুপ চন্দ্র পান্দেনা ফোংদোকখি৷ এস.ভি.ই.ই.পি.গী খুৎথাংদা ভোতর কন্নেক্ত তৌবা, ভোতর রেজিস্ত্রেসন তৌবা লাইথোকহন্নবা পোল্লিং স্তেসনশিংবু ভোতরদা ফ্রেন্দলী ওইহনবা অমদি তোঙান তোঙানবা কাংলুপকী ভোতরশিংনা ইলেক্সন হেন্না লাইনা শরুক য়াবা হেনগৎহনবা য়ওনা ই.সি.আই.না লৌখৎখিবা তোঙান তোঙানবা ইনিসিয়েতিবশিং অদুগী ওভরভ্যু অমসু মহাক্না পীখি৷

মালেম পুম্বদা লৈরিবা ইলেক্সন মেনেজমেন্ত বোদীশিংগা ভারতকী ইলেক্সন কম্মিসনগা চৎমিন্নবগী ওভরভ্যু অমা পীরদুনা ই.সি.আই.গী সেক্রেতরী জেনেরেল অমদি হেদ ওফ ইন্দিয়া এ –ৱেব সেন্তরনা অসুম্না ফোংদোকখি মদুদি মসিগী আই.ই.ভি.পি. প্রোগ্রাম অসিনা তোঙান তোঙানবা লৈবাকশিংগা ইলেক্তোরেল মেনেজমেন্তগী ফিল্দদা খ্বাইদগী ফবা প্রেক্তিসশিং, স্কিলশিং অমদি এক্সপরিয়েন্সশিং সেয়র তৌননবা অমদি ৱাখল্লোনশিং ফোংদোক্ননবগী প্লেতফোর্ম অমা পীরি৷ খ্বাইদগী ফজরবা থবক-থৌরমশিং পাংথোকপা মতমদা ভারত্তা পাংথোক্লিবা  ইন্তরনেস্নেল ইলেক্সন বিজিতর্স প্রোগ্রাম, লৌখৎলিবা ইনিসিয়েতিবশিং অমদি অমনা অমদগী তম্নরিবা এক্সপরিয়েন্সশিং অসিনা মখোয়গী অখন্নবা ৱাৎলিবশিং অসি চুনখি৷

মালেম অসিদা লৈরিবা লৈবাক ৩২রোম, ওস্ত্রেলিয়া, বহামাস, বঙ্গলাদেশ, ভুতান, কম্বোদিয়া, ক্রোসিয়া, ইথোইপিয়া, ফিজি, জিওর্জিয়া, গিনি, গুয়ানা, কেনয়া, লিবেরিয়া, মালদ্বীপ, মাউরিতস, মোলদোবা, মোঙ্গোরিয়া, ম্যান্মার, ফিলিপিন্স, রোমানিয়া, সেচেলিস, সিয়রা লিওনি, সোলোমোন ইথৎশিং, সাউথ কোরিয়া, সুরিনাম, তাঞ্জানিয়া অমদি উজবেকিস্তানদগী অমদি মালেমগী ওর্গনাইজেসন মরি, ইন্তরনেস্নেল আই.দি.ই.এ., ইন্তরনেস্নেল ফাউন্দেসন ওফ ইলেক্তোরেল সিস্তেম(আই.এফ.ই.এস.), এসোসিয়েসন ওফ ৱার্ল্দ ইলেক্সন বোদীস(এ-ৱেব) অমসুং কম্ম্যুনিতী ওফ দেমোক্রেসীসনা ঙসিগী আই.ই.ভি.পি. অসিদা শরুক য়াখি৷ এসোসিয়েসনশিং ওফ ৱার্ল্দ ইলেক্সন বোদীসকী সেক্রেতরী জেনেরেল শ্রী জোঙ্গয়ুন চোই, ওস্ত্রেলিয়া, ভুতান, বঙ্গলাদেশ, ব্রজিল, ফিজি, নেপাল, সাউথ অফ্রিকা, শ্রী লঙ্কা অমদি স্বিতজর্লেন্দগী হাই কম্মিশনারশিং অমদি দিপ্লোমেতশিংনা থৌরম অসিদা শরুক য়াখি৷

******