ফাইনান্স মন্ত্রালয়না ঙসি ‘ফাইনান্সিং ফোর গ্রোথ এন্দ এস্পিরেস্নেল ইকোনোমী’ হায়বা থীম অসিগী মতাংদা বজেত মতুংগী ৱেবিনার অমা শিনখ্রে। ৱেবিনার অসিদা মন্ত্রালয় কয়া অমা, নিতি অয়োগ, কেপাসিতী বিল্দিং কমিসন অমসুং রাজ্য সরকারশিং অমসুং আর.বি.আই., সেবি, অই.এফ.এস.সি.এ., আই.আর.দি.এ.আই., নাবার্দ, গিফ সিতী, ইন্দস্ত্রী এসোসিয়েশনশিং অমসুং সবজেক্ত মেতর এক্সপার্তশিং/ইনভেস্তর কম্যুনিতীদগী কয়া অমনা শরুক য়াখি।

হৌদোকপগী ৱারোলদা, প্রধান মন্ত্রী, শ্রী নরেন্দ্র মোদীনা ফোরেন কেপিতল ফ্লোশিং, নেস্নেল ইনভেস্তমেন্ত এন্দ ইনফ্রাস্ত্রকচর ফন্দ (এন.আই.আই.এফ.), গিফ সিতী অমসুং দেবেলপমেন্ত ফাইনান্সিয়েলল ইন্সতিত্যুশন (দি.এফ.আই.)গুম্বা এস্তাব্লিশ ওইরবা ইন্সতিত্যুশনশিং অসিগী খুত্থাংদাইনফ্রস্ত্রকচর ইনভেস্তমেন্তশিং চিংশিন্নবা অমসুং ভারতকী ফাইনান্সিয়েল অমসুং ইকোনোমিক গ্রোথ হেনগৎহন্নবা তেক্সশিং হন্থহনবগীমরু ওইবগী মতাংদা ঙাংখি। প্রধান মন্ত্রীনা স্তেকহোল্দরশিংগী মরক্তা থাজবা লৈহন্দুনা িকোনোমী অসিদা য়ামদ্রবদা সেক্তর ১০দা মালেম অসিগী মকোক থংবা ফম অহুমগী মনুং চলহন্নবা হায়খি। শ্রী নরেন্দ্র মোদীনা মখাতানা এসপিরেস্নেল দিস্ত্রিক্ত প্রোগ্রামগুম্বা রিফোর্মশিং অসিগী খুত্থাংদা লৈবাক অসিদা ফাইনান্সিয়েল ইনক্লুজন ফংনবা হোৎনবদা ফাইনান্সিয়েল ইন্সতিত্যুশনশিংনা লৌরিবা থৌদাংশিং অদুগি মতাংদা হায়খি।প্রধান মন্ত্রীনা ইন্দস্ত্রী ৪.০গী মখাদা স্কিল দেবেলপমেন্তকী মরু ওইবগী মতাংদসু হায়খি।

প্রধান মন্ত্রীনা মহাক্কী অহৌবগী ৱারোল অদুদা  হায়খি মদুদি ৱেবিনার অসিগী পান্দমদি ফংবা ঙমগদবা আউৎকমশিংগী ৱাফম পুথোরকপা অমসুং অকক্নবা মতমগী মনুংদা ২০২২-২৩গী কেন্দ্রগী বজেত অসিবু থবক ওওইনা ওন্থোকপা হায়বসিনি। শ্রী নরেন্দ্র মোদীনা পেনেলিস্তশিং, পার্তিসিপেন্তশিং অমসুং ইন্দস্ত্রী অসিদগী এক্সপার্তশিংদা পুনশিং মখোয়না থেংনখিবশিং, মায়োক্নখিবা অৱাবশিং অদু ময়ামদা খঙহন্নবা  অমসুং মসিগী িশুশিং অসিবু করম্না মায়োক্নগনি হায়বগী মতাংদা ওইথোকপা য়াবা উপাইশিং খন্ননবা হায়খি।

মতুং তারকপদা, প্লেনরী সেসন অসিগী লোইশিল্লকপদা, মোদরেতরশিং অদুনা ব্রেকঅৱে সেসন অসিগী মনুংদা খন্নখিবা মরু ওইবা ৱাফমশিং অদুবু কেন্দ্রগী ফাইনান্স অমসুং কোর্পোরেত এফিয়র্স কী মন্ত্রী, শ্রীমতি নির্মলা সিতারামনদা উৎখি।

ৱাবিনার অসিদা মহাক্কী লোইশিনবগী ৱারোলদা, ফাইনান্স মন্ত্রীনা প্রধান মন্ত্রীগী লুচিংবা অসিবু থাগৎখি অমসুং হন্না হায়খি মদুদি পি.এম.গী ভিজন অমসুং স্ত্রেতেজীগী খুত্থাংদা, কেনদ্রগী বজেতনা মথংগী তাঙ্কক্কী গ্রোথ অমসুং এস্পিরেস্নেল ইকোনোমীবু মপুং ফানা সপোর্ত তৌই: ইকোনোমীগী সেক্তর খুদিংমক্তা দিজিতেলনা মরম ওইরগা অওনবা অমা পুরকপা, পব্লিক ইনভেস্তমেন্ত চাউনা থাদদুনা মতম অসিগী অনৌবা ইনফ্রস্ত্রকচর শেমগৎপা, থবক ফংবগী খ্বাইদগী হেন্না পোতেন্সিয়েল লৈবা মফমশিংদা প্রাইভেত ইনভেস্তমেন্তশিং থৌগৎপা, বেঙ্কিং অমসুং ফাংইনান্স চাউথোকহনবা, ক্লীন ইনর্জীদা ত্রঞ্জিশন তৌবা, ক্লাইমেত এক্সন, ক্লাইমেত অসমুং সস্তেন্নেবল ফাইনান্স এদোপ তৌবা অমসুং সনরাইস সেক্তরশীং ফাইনান্স তৌবা।  স্রীমতি সিতারামন্না মখাতানা এস্পিরেস্নেল ইকোনোমী অমগীদমক্তা ‘আত্মানির্ভর ভারত কা বজেত’তা মফুং ফানা য়ুমফম ওইবা সেসনশিংগীদমক্তা খল্লিবা থীমশিং অদুগীদমক্তা থাগৎখি।

ফাইনান্স মন্ত্রীনা খঙহনখি মদুদি ব্লেন্দেদ ফাইনান্সকীদমক্তা থীমেতিক ফন্দশিং প্রোমোত তৌনবা সরকারগী ফিরেপ অদু লাউথোকপগা লোইননা ক্লাইমেত এক্সন, দীপ-তেক, দিজিতেল ইকোনোমী, ফার্মা অমসুং এগ্রি-তেকগুম্বা সেক্তরশিং অসিদা লীৱে কয়া অমা পীখ্রে। মহাক্না পার্তিসিপেন্তশিং অদুদা খঙহনখি মদুদি ভারত সরকার অমসুং আর.বি.আই.না এম.এস.এম.ই.শিংদা ক্রেদিৎকী ফ্লো হেনগৎহন্নবা খোংথাং কবা অমা লৌখৎখি অমসুং মখাতানা লেপ্তনা অদুমক তৌখিগনি। হাউসিং সেক্তরগী সোসিয়ো-ইকোনোমিক্কী মরু ওইবা অদু খল্লগা, তার্গেত কঞ্জুমরশিংদা ফিস্কেল বেনিফিতশিং পীদুনা অমসুং এফোর্দেবল হাউসিং ইন্দস্ত্রীদা ইনফ্রস্ত্রকচর স্তেতস পীদুনা খোংথাং কয়া লৌখৎখ্রে।

মহাক্কী ৱারোল অদু লোইশিল্লদুনা, ফাইনান্স মন্ত্রীনাফাইনান্সিয়েল ইনক্লুজনগী মাইকৈদা খোংথাং অমা ওইনা চেকশিং, পে-ইন-স্লিপশিং, দিমান্দ দ্রাফগুম্বা পেপরৱার্কশিং অসিগী মপাল তাংদনবা অসমুং লেপ্নবা অমসুং মসিগী থবকশিং অসি দিজিতেল ওইনা পাংথোক্নবগী পান্দমগা লোইননা লৈবাক অসিগী জিলা ৭৫দা দিজিতেল বেঙ্কিং য়ুনিৎ (বি.বি.য়ু.শিং) ৭৫ থম্নবা ২০২২-২৩গী কেন্দ্রগি বজেত্তা সরকার অসিনা লাউথোকখিবা অদু শম্লপ্না হায়খি।  

মমাংদা, প্রধান মন্ত্রীগী অহীবগী ৱারোল অদুগী মগী মতুংদা, দিপার্তমেন্ত ওফ ইকোনোমিক্স (দি.ই.এ.) অমসুং দিপার্তমেন্ত ওফ ফাইনান্সিয়েল সার্বিসেস (দি.এফ.এস.)না থীমেতিক ব্রেকঅৱে সেসন মঙা অমুক্তদা পাথোকখি।

ফাইনান্সিং ওফ ইনফ্রাস্ত্রকচরগী থীম অসিগী মতাংদা পাংথোকখিবা পেনেল দিসকসন অদু দিপার্তমেন্ত ওফ ইকোনোমিক এফিয়র্স (দি.ই.এ.)গী সেক্রেতরী, শ্রী অজয় সেথনা মোদেরেতর ওইখি, অমসুং শক্নাইরবা পেনেলিস্ত এস.ঐচ. কে.ভি.কামথ, চেয়রমেন, এন.এ.বি.এফ.আই.দি.; শ্রী দিনেশ কুমার খারা, সি.এম.দি., এস.বি.আই.; শ্রী শ্রী সুরেশ গোয়ল, এম.দি. অমসুং সি.ই.ও. ঐন.ঐচ.এ.আই. ইনভিত; শুকুমারি অনিতা অমরানগোলী জোর্জ, স্স্তেন্নেবল ইনভেস্ত এক্সপার্ত, এক্স এম.দি. সি.দি.পি.ক্যু.; শ্রি ভিনায়ক চেতর্জী, চেয়রমেন, সি.আই.আই. অমসুং শ্রী ও য়ুন জ্যোঙ, দিপ্যুতী কন্ত্রী দাইরেক্তর, এ.দি.বি.না খন্না-নৈনবগী থবক চত্থখিবা অদু উবা ফংখি। পেনেলিস্তশীং অদুনা এন.এ.বি.এফ.আই.দি., পি.পি.পি., দেত ফাইনান্সিং, তেকআউৎ ফাইনান্সিং অমসুং এমপ্লোইমেন্ত ফোকসপু সব-থীমশিং ওইনা খন্নখি।

ফাইনান্সিং সেক্তরস ৱিত হাই এমপ্লাওমেন্ত পোতেন্সিয়েলগী থীম অসিদা পাংথোকখিবা পেনেল দিসকসন অদু দিপার্তমেন্ত ওফ ফাইনান্সিয়েল সার্বিসেস (দি.এফ.এস.) কী এদিস্নেল সেক্রেতরী, শ্রী সঞ্জীব কোশিকনা মোদরেতর ওইখি অমসুং শক্নাইরবা পেনেলিস্ত শ্রী সঞ্জিব চধা, এম.দি. অমসুং সি.ই.ও. বেঙ্ক ওফ বারোদা; শ্রী শরদ শর্মা, কো-ফাউন্দর আই.স্পিরিত; শ্রী জি.আর. চিন্তালা, চেয়রমেন নাবার্দ; শ্রী প্রসুন কুমার দাস, সেক্রেতরী জেনরেল, এ.পি.আর.এ.সি.এ.; শ্রী সারদা কুমার হোতা, এম.দি. এন.ঐচ.বি.; শ্রী আদি কেসাবন, সি.জি.এম., এস.বি.আই. অমসুং শ্রী অনুজ পুরি, চেয়রমেন, অনারোক প্রোপর্তি কন্সল্তেন্ত প্রাইভেত লিমিতেদনা খন্ন-নৈনবা ঊখি। পেনেলিস্তশিং অদুনা এগ্রিকলচর, এম.এস.এম.ই. অমসুং হাউসিংবু সব-থীমশিং ওইনা খন্না-নৈনখি।

ক্রিয়েতিং ইনেব্লরস ওফ ইনফ্রাস্ত্রকচরগী থীমদা পাংথোকখিবা পেনেল দিসকসন অদু দি.ই.এ.গী জোইন্ত৬ সেক্রেতরী, শ্রী পীয়ুশ কুমারনা মোদরেতর ওইখি অমসুং শক্নাইরবা পেনেলিস্ত শ্রী আদিল জাইনুল্যাই, কেপাসিতী বিল্দিং কমিসন; শ্রি জুনাইদ কমল অহমদ , কন্ত্রী দাইরেক্তর, ৱার্ল্দ বেঙ্ক; ঈকাইখুম্নরবা জস্তিস (রিতায়র তৌরবা), এ.কে. সিক্রি, শক্নাইরবা আর্বিত্রেতর, দা. প্রবির সিনহা, এম.দি. অমসুং সি.ই.ও., তাতা পাৱর; শ্রী কৃষ্ণ চৈতন্যারাও, সেনিতেশন প্রোজেক্তশিংগী ইন্তর্নেস্নেল এক্সপার্তনা খন্ন-নৈনখিবা অদু উবা ফংখি। পেনেলিস্তশিং অদুনা কেপাসিতী বিল্দিং, ইনফ্রস্ত্রকচরগীদমক্তা এনহান্স ভায়েবিলিতী, কন্ত্রেক্ত এনফোর্সমেন্ত-কন্সিলিয়েশন মেকানিজম অমসুং জি.আই.এফ.তি. আই.এফ.এস.সি.বু গ্লোবল আর্বিত্রেশনগী হব ওইনা হায়রিবা থীম অসিবু সব-থীম ওইনা  খন্ন-নৈনখি।।

নেভিগেতিং দ দিজিতেল ওপোর্চুনিতী ফোর বেঙ্কিং এন্দ ফাইনান্স হায়বা থীম অসিদা পাথোকখিবা পেনেল দিসকসন অদু দি.এফ.এস.কী সেক্রেতরী, শ্রী সঞ্জয় মলহোত্রানা মোদরেতর ওইখি অমসুং শক্নাইরবা পেনেলিস্ত , তি. রবি সঙ্কর, দি.জি., আর.বি.আই.; শ্রী উদয় কোতক, এম.দি.অমসুং সি.ই.ও., কোতক মহিন্দ্র বেঙ্ক; স্রী রাম রস্তোগি, গোবর্নেন্স কাউন্সিলগী মেম্বর, এফ.এ.সি.ই.; শ্রী নিতিন কামথ, এম.দি. অমসুং সি.ই.ও., জেরোধা; শ্রী দিলিপ অস্বে, এম.দি. অমসুং সি.ই.ও., এন.পি.সি.আই.; শ্রী সামীর নিগম, এম.দি., ফোন পে; শ্রী সি.এস.শেত্তী, এম.দি., এস.বি.আই. অমসুং শ্রী অশিস গার্গ, মেম্বর , বি.সি.জি.না  খন্না-নৈনখিবা অদু ঊবা ফংখি। পেনেলিস্তশিং অদুনা দিজিতেল বেঙ্কিং-দিজিতেল বেঙ্কিং য়ুনিৎশিং, নিয়ো বেঙ্কশিং, ফাইনান্সিয়েল ইনক্লুজনঅমসুং লাস্ত মাইল রীচ; দিজিতেল পামেন্তশিং- বিল্দিং ওন দ মোমেন্তম অমসুং দিজিতেল করেন্সী- ৱে ফোরৱার্দ অসিনা সব-থীমশিং ওইদুনা খন্নখি।

ক্লাইমেত এন্দ সস্তেন্নেবল ফাইনান্স এন্দ ফাইনা্সিং ফোর সনরাইস সেক্তরগী থীম অসিদা পাংথোকখিবা পেনেলম দিসকসন অদু দি.ই.এ.গী এদিস্নেল সেক্রেতরী, শ্রী অনন্দ বাজাজনা মোদরেতর ওইখি অমসুং শক্নাইরবা পেনেলিস্ত প্রোফেসর অমিত গার্গ, আই.আই.এম. (এ.); শ্রী গোপাল স্রিনিবাসন, সি.এম.দি., তি.ভি.এস. কেপিতল; সুকুমারি কাকু নহাতে, ইন্দিয়া হেদ, বেঙ্ক ওফ অমেরিকা; শ্রী প্রকাশ সুব্রমানিয়ন, এম.দি. স্ত্রেতেজি স্তেন্দার্দ চার্তর্দ বেঙ্ক; সুকুমারি রোশিকা সিং, সেনিয়র কন্ত্রী ওফিসর, আই.এফ.সি. অমসুং শ্রী সি.কে.মিস্রা, এক্স –সেক্রেতরী, এম.ও.ই.এফ.সি.সি.না খন্ন-নৈনখিবা অদু উবা ফংখি। পেনেলিস্তশিং অদুনা ক্লাইমেত ফাইনান্স ফোর সস্তন্নেবল দেবেলপমেন্ত , সোভরেন গ্রীন বোন্দশিং, ফাইনান্স ফোর স্তার্ত-অপস এন্দ সনরাইজ সেক্তরস এন্দ পুলিং ওফ গ্লোবল কেপিতল ফোর সস্তেন্নেবল ফাইনান্স –জি.আই.এফ.তি. আই.এফ.এস.সি.বু সব-থীমশিং ওইনা খন্নখি।

*****