য়ুনিয়ন বজেৎ ২০২২ এনাউন্সমেন্তশিং অসি ইফেক্তিব ওইনা অমদি খোংজেল য়াংনা লাইনা চৎনহন্নবা, ভারত সরকারনা তোঙান তোঙানবা মরু ওইবা সেক্তরশিংদা ৱেবিনারশিংগী পরিং অমা পাংথোক্লি৷ পরিং অসিগী শরুক ওইনা, মন্ত্রালয় তরেৎ য়াওরিবা সেক্তোরেল গ্রুপ ওন রিসোর্সেসনা  বজেৎ ২০২২দা ইনর্জী অমসুং রিসোর্সেসকী মতাংদা লাওথোকখিবা ভারত সরকারগী ইনিসিয়েতিবশিং অদু ইফেক্তিব ওইনা চৎনহন্নবা পীরকখিবা ৱাখল্লোনশিং অমদি পাউতাকশিং অদু পুথোক্তুনা খন্ন-নৈননবা ২০২২গী মার্চ ৪দা “ইনর্জী ফোর সস্তেনেবল গ্রোথ”গী মতাংদা ৱেবিনার অমা শিনখি৷ ৱেবিনার অসিদা থীম তরুক্কী সেসনশিং য়াওখি অমদি মসিদা ইন্দস্ত্রী লিদরশিং, সরকারগী ওফিসিয়েলশিং অমদি এক্সপর্তশিংনা শরুক য়াখি৷

প্রধান মন্ত্রী শ্রী নরেন্দ্র মোদীনা ৱেবিনার  অসিগী প্লেনরী সেসনদা অখন্নবা ৱারোল ঙাংখি৷ ক্লাইমেত এক্সন অমসুং ইনর্জী ত্রাঞ্জিসনদা ভারতকী থৌদাং অদু হঞ্জিন-হঞ্জিন পল্লদুনা, মরু ওইবা বজেৎ এনাউন্সমেন্তশিং খুদম ওইনা গ্রীন হাইদ্রোজেন মিসন, কোইল গ্যাসিফিকেসন, বেত্তরী স্তোরেজ , ক্লিন কুক্কিং অমদি ইফিসিয়েন্সী ৱাংবা পি.ভি. সোলর মোদ্যুলশিংগীদমক পি.এল.আই.গী ওইনা লুপা কোতি ১৯৫০০ কাইথখিবগী মতাংদা খন্ন-নৈননবা প্রধান মন্ত্রীনা তকশিনখি৷ থোক্লক্লিবা চৎনবা য়াবা এক্সন প্লানশিং অসিদা মতেং পাংনবা তশেংবা অমদি প্রেক্তিকেল ওইবা সজেসনশিং পীরক্নবা প্রধান মন্ত্রীনা ইন্দস্ত্রী লিদরশিংদা তকশিনখি৷

‘রিন্যুএবল ইনর্জী হেনগৎহনবা’ হায়বা ন্যু অমসুং রিন্যুএবল ইনর্জী মন্ত্রালয়গী ব্রেকআউত সেসন অসিনা সোলর পি.ভি. মেনুফেকচরিং অমদি হাইদ্রোজেন মিসন অমসুং ইকাই খুম্নরবা প্রধান মন্ত্রীনা থমখিবা মংলান অদুদা মীৎয়েং থমখি৷ পেনেল অসি  এম.এন.আর.ই.গী সেক্রেতরী শ্রী ইন্দু সেখর চতুর্বেদিনা মোদিরেতের ওইখি অমদি শরুক চারিবা পেনেলিস্তশিং অদুদা সি.এম.দি. এন.তি.পি.সি. লিমিতেদ শ্রী গুর্দীপ সিংহ,অদানি ইনর্জী বর্তিকেলগী এম.দি. অমদি সি.ই.ও. শ্রী অনিল সর্দানা,সুজলোন ইনর্জীগী সি.এম.দি. শ্রী তুলসি তান্তি,রিন্যু পৱারগী সি.এম.দি. শ্রী সুমন্ত সিনহা অমদি ওহমিয়মগী দাইরেক্তর শ্রী পশুপতী গোপালন য়াওখি৷

ইন্দস্ত্রী লিদরশিংনা সোলর মোদ্যুলশিংবু লৈবাক অসিদা পুথোকচবদা সপোর্ত পীরিবা অসি সবকম্পোনেন্তশিং অমদি মেতরিএলশিং য়াওনা ভেল্যু চেন পুম্বা ফাওবদা সপোর্ত পীবা য়াই হায়না ফজরবা সজেসেন কয়া অমা পীনরকখি৷ মসিনা এম.এস.এম.ই. সেক্তরদা য়াওনা এন্সিল্লরী ইন্দস্ত্রী চাওখৎহনবা ঙম্লগনি৷ গ্রীন হাইদ্রোজেনগী মতাংদা, ইন্দস্ত্রী অসিনা হন্দক্তা ইকুই কুইদ্রিঙৈদা বেঙ্কিং প্রোবিজনশিংগী মতাংদা লাওথোকখিবা অমদি গ্রীন হাইদ্রোজেনগী আই.এস.তি.এস. ৱেবর অদু তরাম্না ওকখি৷ গ্রীন হাইদ্রোজেন প্রদক্সনগী মমল অসি মখাতানা শেমদোক্নবা, আর.ই.গী ইন্তর-স্তেত বেঙ্কিংগী মেকানিজম অমা খন্নরবা য়াই হায়না ফোংদোকখি৷ গ্রীন হাইদ্রোজেনগী ওইনদি, সরকার অসিনা পি.এল.আই. মেকানিজম অমা অমসুং গ্রীন হাইদ্রোজেন এন্দ য়ুজকী মতেংদগী ইলেক্ত্রোলাইজরশিংগী দোমেস্তিক মেনুফেকচরিং অনিমক ইন্সেন্তিবাইজিং তৌনবা খন্নরবা য়াই হায়না ফোংদোকখি৷ ইলেক্ত্রিক অমসুং থর্মেল রুতশিং শিজিন্নদুনা নুংশাগী মঙালদা চাক থোংবা অসিসু প্রমোত তৌবা য়াই হায়না ইন্দস্ত্রী লিদরশিংনা ফোংদোক্নরকখি৷ স্তার্তঅপশিংনা গ্যাস অমসুং সোলর পৱার অনিমক্তা শিজিন্নবা য়াবা হাইব্রিদ স্তোবশিং শেমগৎখ্রে, হায়রিবশিং অসিসু এক্সপ্লোর তৌবা য়াই৷ নৌনা থোক্লক্লিবা তেক্নোলোজীশিং অসিগী ওইনা কার্বোন প্রাইসিং মেকানিজম অসিসু কান্নবা য়াই৷ কার্বোন কেপচর অমসং য়ুতিলাইজেসন অসিসু সরকার অসিনা ইন্সেন্তিবাইস তৌনবা খন্নরবা য়াই৷ হিরম  অসিগী মতাংদা এম.এন.আর.ই.গী কম্মিতীনা খন্নরিবা  সর্কুলর ইকোনোমী প্রিন্সিপলশিংসু খন্ন-নৈনবা অসিদা য়াওথি৷ বজেৎ এনাউন্সমেন্তশিং অসি চৎননবগীদমক এম.এন.আর.ই.না মতম চানা এক্সন লৌখৎলগনি৷

সেসন অসি লোইশিল্লকপদা, থিমেতিক সেসন পুম্নমক্কী মোদিরেতরশিংনা সজেসনশিং অমসুং মরু ওইবা ৱাফমশিং তেল্লপনা পৱার অমসুং ন্যু অমদি রিন্যুএবল ইনর্জীগী মন্ত্রী শ্রী আর.কে. সিংহদা ফোংদোকখি৷ সজেসনশিং অদু  ‘তুং’গী খোংথাংশিংনি হায়না পল্লদুনা, সজেসনশিং অদু মতম চানা অথুবা মতমদা ইন্নবা মহাক্না মন্ত্রালয় পুম্নমক্তা খঙহনখি৷

******