অৱাং নোংপোক লমদমগী চাউখৎ-থৌরাং মন্ত্রালয়
মালেমগী নুপীশিংগী নুমিৎকী থৌরমগা মরী লৈননা কেন্দ্রগী মন্ত্রী শ্রী জি কিশন রেদ্দীনা ‘অৱাং নোংপোক্কী নারী শক্তি’ হৌদোকখ্রে
Posted On:
04 MAR 2022 5:51PM by PIB Imphal
মার্চ ৮, ২০২২ অসি মালেমগী নুপীশিংগী নুমিৎ হায়না পালন তৌই। আজাদী কা অমৃত মহোৎসবকী শরুক অমা ওইনা অৱাং নোংপোক লমদমগী চাউখৎ-থৌরাং মন্ত্রালয় (এম.দোনর)না মালেমগী নুপীশিংগী নুমিৎকী মাংওইননা অৱাং নোংপোক ভারত্তা নুপী অমদি নুপীমচাশিংনা অখন্ননা হোৎনরিবশিং অসিবু শকখঙলদুনা চয়োল অমা চুপ্না চত্থগফবা অখন্নবা কেম্পেন ‘অৱাং নোংপোক্কী নারী শক্তি’ অমা পাঙথোক্লি।
এম.দোনর মন্ত্রী, শ্রী জি, কিশন রেদ্দীনা ঙসি এম.দোনরগী সোসিএল মেদিয়া চেনেলশিংদা কেম্পেন অসি হৌদোকখি। লিঙ্কশিং মখাদা পীরি:
https://fb.watch/bxyPg0x28g/
TWEET
শ্রী রেদ্দীনা মহাক্কী পাউজেলদা অসুম্না হায়খি “গুৱাহারিগী লৌবুকশিংদগী কোহিমাগী চীংশাং ফাওবা নুপী অমদি নুপীমচাশিংনা থৌদাং লৌরি অমসুং লমদম অসিগী অমদি লৈবাক অসিগী মরাইবক অমুক হন্না লেপ্পি।”
শ্রী রেদ্দীজীনা মখা তারদুনা হায়খি “ঐহাক্না মতম চুপ্পদা ‘নুপীমচা অমা এম্পাৱর তৌবনা অদোম্না লৈবাক অমা এম্পাৱর তৌই’ হায়বা অসিদা থাজদুনা লাকখি। অৱাং নোংপোক লমদমগী চাউখৎ-থৌরাং মন্ত্রালয়না লমদম অসিদা ঐখোয়গী নারী শক্তি অসি এম্পাৱর তৌনবা মাইকৈদা চংশিল্লি অমসুং খোঙফম চেৎনা লেপ্পি।”
নারী শক্তি ৱীক’ মনুংদা সোসিএল মেদিয়াদা থবক-থৌরম মথং-মথং প্লান তৌখি। এম.দোনরনা ভর্চুএল “তাউন হোল” মীতিং অমা শিনগদৌরি মসিদা মন্ত্রী শ্রী জি কিশন রেদ্দীনা এম.দোনর, নোর্থ ইস্তর্ন কাউন্সিল অমসুং ভারতকী সরকারগী মরী লৈনবা তোঙান-তোঙানবা বিভাগশিংগী নুপী ৱর্ক ফোর্সশিংগা লোয়ননা ৱারী-ৱাতায় শাগনি।
অতোপ্পা সোসিএল মেদিয়া কেম্পেনশিং অসিদা অৱাং নোংপোক লমদমদা নারী শক্তিগী পুন্সিশিংদা অহোংবা পুরক্নবা মন্ত্রালয়গী থৌরাংশিংদা উৎপা য়াওগনি।
পীরিবা সোসিএল মেদিয়া চেনেলশিং অসিদা অৱাং নোংপোক্কী নারী শক্তিগী মতাংদা অনৌবা অমসুং নুংঙাইবা অপদেৎশিং য়েংবীয়ু:
https://twitter.com/MDoNER_India
https://www.facebook.com/MdonerIndia
https://www.instagram.com/donerindia/
https://www.youtube.com/c/MDoNERIndia
*******
(Release ID: 1803082)
Visitor Counter : 181