আয়ুশ অমসুং পোর্তস শিপ্পিং & ৱাতরৱেজকী কেন্দ্র মন্ত্রী শ্রী সর্বানন্দা সোনোৱালনা মিজোরামদা আয়ুশ সেক্তরবু ইনোৎ পীনবা খোংথাংশিং লাউথোকখ্রে। মন্ত্রীনা মিজোরামগী মুখ্য মন্ত্রী জোরামথাঙ্গাগা লোয়ননা মিজোরামদা আয়ুশ হোস্পিতাল তরুক্কীদমক উরেপ উয়ুং তমখি। অৱাং-নোংপোক্কী চিংগী রাজ্যদা হেল্থকেয়র ইনফ্রাস্ত্রকচর মখা তানা ইনোৎ পীনবা অমদা, ঙসি মফম অসিদা পাংথোকখিবা থৌরম অমদা মিজোরামগী মফম কয়াদা আয়ুশ হেল্থ অমসুং ৱেলনেস সেন্তর (আচ.দবল্যু.সি.) ২৪ শঙ্গাখ্রে।

রাজ্য অসিদা আইজোল, চমপাই অমসুং নহাথিয়ালদা ফমুং ৫০ লৈবা হোস্পিতাল অহুম দিবেলপ তৌরগনি। রাজ্য অসিদা খাৱজোল, সাইতুল অমসুং হোর্তোকিদা ফমুং ১০ লৈবা হোস্পিতাল অহুম দিবেলপ তৌরগনি। কেন্দ্রগী মন্ত্রীনা ত্রেদিস্নেল ইন্দিয়ন মেদিসিনগী মরুওইবগী মতাংদা ফোংদোক্লদুনা পেলিএতিব, প্রিভেন্তিব, ক্যুরেতিব পেসেন্ত কেয়রদা মোদর্ন হেল্থকেয়রগা লোয়ননা অৱাং নোংপোক্কী ফোল্ক মেদিসিন্না লৌরিবা থৌদাং অদু পনখি।

কেন্দ্রগী মন্ত্রীনা মিজোরাম অমসুং অৱাং-নোংপোক্কী ফোল্ক মেদিসিন য়াওনা ভারতকী ইনাক খুল্লবা ত্রেদিস্নেল মেদিসিনেল প্রেক্তিসকী ভেল্যু অনলোক তৌবগী মরুওইবা অদু ফোংদোকখি। পেসিএন্ত কেয়র মেনেজমেন্তদা আয়ুশনা লৌবা য়াবা থৌদাংগী মতাংদা ঙাংলদুনা শ্রী সোনোৱালনা মখা তানা হায়খি মদুদি আয়ুশনা মীৎয়েং থম্লিবা ত্রেদিস্নেল মেদিসিনগী ইনাক খুল্লবা হেরিতেজ অসি পেসেন্ত কেয়রদা ইফেক্তিব ওই হায়না সাইন্তিফিকেল্লি প্রুব তৌরে। মহাক্না হায়খি মদুদি ফোল্ক মেদিসিনবু তম্বা অমসুং পুখৎপদা আয়ুশ মন্ত্রালয়না অৱাং নোংপোক্কী ইথিনিক কম্ম্যুনিতীশিংগী মরক্তা ক্রিতিকেল্লি এপ্পরাইজ অমসুং ভেলিদেত লোকেল হেল্থ ত্রেদিসনস (এল.ঐচ.তি.), ওরেল হেল্থ ত্রেদিসনস (ও.ঐচ.তি.) অমসুং ইথনো মেদিসিনেল প্রেক্তিসেস (ই.এম.পি.)দা মল্তি সেন্ত্রিক রিসর্স প্রোজেক্ত অমা কন্দক্ত তৌরি।

ভারতকী অনৌবা চহিগী ইকোনোমিক গ্রোথতা মিজোরাম অমসুং অৱাং-নোংপোক্কী থৌদাংগী মতাংদা ঙাংলদুনা কেন্দ্রগী মন্ত্রীনা হায়খি, “এক্ত ইস্ত পোলিসীগী থোংদা প্রধান মন্ত্রীনা অৱাং-নোংপোক্তা গ্রোথকী অনৌবা ইঞ্জীনদা শক্তি পীগদবা ভারতকী খ্বাইদগী মরুওইবা রিজন ওইনবা মীৎয়েং থম্লি। অৱাং-নোংপোক্কী রাজ্য পুম্নমক্কা লোয়ননা মিজোরামসু ঐখোয়গী ৱাখল লৌশিং হেনগৎহনদুনা, কোওপরেসন অমসুং পার্তনরশিপদা থবক তৌদুনা, এবিলিতীশিং দিবেলপ তৌদুনা মালেমগী থাক্তা থেংনদুনা অৱাং নোংপোক্কী অসতা লক্ষমিবু মপুং ফানা রিএলাইজ তৌবা ঙমগনি।”

******