কম্যুনিকেসন অমসুং ইনফোর্মেসন তেক্নোলোজী মন্ত্রালয়
প্রধান মন্ত্রীনা “তেক্নোলোজীনা তেংবাংদুনা চাউখৎপা পুরকপা” হায়বসিগী মতাংদা পাংথোকপা বজেৎ মতুংগী ৱেবিনার হৌদোকপগী ৱারোল থমখি
“বজেৎ অসিনা ৫জি. স্পেক্ত্রম ওক্সন তৌবগী ময়েক শেংলবা থৌরাং অমা লৈহনবগা লোয়ননা মপাঙ্গল লৈবা ৫জি. ইকোসীস্তেম অমগা মরী লৈনবা দিজাইন্না লমজিংবা মেন্যুফেকচরিং তৌনবগীদমক্তা পি.এল.আই. স্কিমশিংগী ৱাহৌদোকসু থম্লি”, পি.এম.
তেলিকম্ম্যুনিকেসন বিভাগনা “সর্বিস দেলিবরীগীদমক্তা মপাঙ্গল লৈবা ৫জি. ইকোসীস্তেম অমা শেমগৎপা” হায়বসিগী মতাংদা ৱেবিনার শীনখি
Posted On:
02 MAR 2022 7:26PM by PIB Imphal
শেল-থুম মন্ত্রীনা কেন্দ্রগী বজেৎ ২০২২গী মখাদা লাউথোকখিবশিংবু মশক থোক্না থবক্তা ওন্থোকপদা তেংবাংনবগীদমক্তা তোঙান-তোঙানবা সেক্তর শীনবা থুংনা ভারত সরকারনা ৱেবিনার পরিং অমা শীন-লাঙলি। ৱেবিনার পরিং অসিনা সেক্তর শিনবা থুংবদা থবক পাংথোক্নবা থৌরাং য়াৎনবা ৱাখল্লোন পুথোক্নবগীদমক্তা পব্লিক অমসুং প্রাইভেৎ সেক্তর, একাদমিয়া অমসুং ইন্দস্ত্রীগী অখঙ-অহৈ কয়াবু প্লেৎফোর্ম অমদা পুরক্লি।
প্রিন্সিপাল সাইন্তিফিক এদভাইজর (পি.এস.এ.)গী ওফিসনা ভারত সরকারগী সাইন্তিফিক্কী অতোপ্পা মন্ত্রালয় অমসুং বিভাগশিংগা লোয়ননা “তেক্নোলোজীনা তেংবাংদুনা চাউখৎপা পুরকপা” হায়না মিংথোনবা ৱেবিনার অমা ঙসি শীন-লাঙখি। প্রধান মন্ত্রীনা প্লেনরী/হৌদোকপগী সেসন্দা মশাগী ৱাফম থমদুনা ৱেবিনার অসি হৌদোকখি।
প্রধান মন্ত্রীনা বজেৎ মতুংদা ৱেবিনার পাংথোকপগী অচুম্বা ৱাখল্লোন শন্দোক্না তাক্লদুনা হায়খিবদা, “ৱেবিনার অসিদি বজেৎ অসিদা মিৎয়েং চঙলদুনা, মসিদা লাউথোকখিবশিংবু খোঙজেল থুনা, পরিং নাইনা অমসুং মীয়ামদা মতিক চানা কান্নবা পীনবগীদমক্তা মতৌ করম্না শোইদনা পাংথোক্কদগে হায়না ঐখোয় মশেলনা পুন্না হোৎনমিন্নবগী থৌওং অমনি”।
আর্তিফিসিএল ইন্তেল্লিজেন্স, জিও-স্পেতিএল সীস্তেম, দ্রোন, সেমি-কন্দক্তর, স্পেস তেক্নোলোজী, জীনোমিক্স, ফার্মাস্যুতিকেল্স অমসুং ৫জি.গীদমক্তা ক্লিন তেক্নোলোজী পীবগুম্বা সনরাইস সেক্তরশিংদা বজেৎ অসিনা অহেনবা মিৎয়েং চঙলিবসিগী মতাংদা প্রধান মন্ত্রীনা ফোংদোকখি। বজেৎ অসিনা ৫জি. স্পেক্ত্রম ওক্সন তৌবগী ময়েক শেংলবা থৌরাং অমা লৈহনবগা লোয়ননা মপাঙ্গল লৈবা ৫জি. ইকোসীস্তেম অমগা মরী লৈনবা দিজাইন্না লমজিংবা মেন্যুফেকচরিং তৌনবগীদমক্তা পি.এল.আই. স্কিমশিংগী ৱাহৌদোকসু থম্লি হায়না মহাক্না মখা তাখি। মহাক্না প্রাইভেৎ সেক্তরশিংদা হায়রিবা হীরমশিং অসিদা মখোয়না শরুক য়াবগী চাংসু হেনগৎহন্নবা হায়খি।
প্রধান মন্ত্রীনা লৈবাক অসিদা পোত্থোকপ পুথোকপগী থৌওংশিংবু হেন্না খুমাং চাউশিলহন্নবগীদমক্তা মরু ওইবা সেক্তর ১৪দা লুপা করোর লাখ ২গী শেনফমগী পি.এল.আই. স্কিমশিং হৌদোকখিবগী মতাংদসু পনখি। সিতিজন সর্ভিসশিংদা ওপ্তিকেল ফাইবর শিজিন্নবা, ই-ৱেস্ত মেনেজমেন্ত, সর্ক্যুলর ইকোনোমী অমসুং ইলেক্ত্রিক মোবিলিতীগুম্বা লমশিংদা থবক ওইনা পাংথোকপদা তেংবাংগদবা পাউতাক পীনবগীদমক্তা প্রধান মন্ত্রীনা স্তেকহোলদরশিংদা ময়েক শেংনা খঙহনখি।
প্রধান মন্ত্রীগী পি.এস.এ. ওইরিবা, শ্রী কে. বিজয় রাঘবন্না সেসন হৌদোকপগী থৌরমগী মনুংদা “সাইন্স অমসুং তেক্নোলোজীগী মাইকৈদা মরোমদোম লেপচবা ঙমজবা ভারত অমগীদমক্তা” হায়বা হীরমগী মতাংদা শম্লপ্পা প্রজেন্তেসন অমা লান্থোকখি। ৱেবিনার অসিগী অনিশুবা তাঙ্কক্তা অখন্নবা হীরম খরগা মরী লৈনবা ব্রেকআউত সেসন মরি লৈখি। হায়রিবা সেসনশিং অসিবু তেলিকম্ম্যুনিকেসন বিভাগ (দি.ও.তি.), ইনফোর্মেসন অমসুং তেক্নোলোজী মন্ত্রালয় (এম.ই.আই.তি.ৱাই.), সাইন্তিফিক অমসুং ইন্দস্ত্রীএল রিসর্চ (দি.এস.আই.আর.) অমসুং সাইন্স অমসুং তেক্নোলোজী বিভাগ (দি.এস.তি.)না সেসন অমমম লুচিংখি।
“মপাঙ্গল লৈবা ৫ জি. ইকোসীস্তেম অমবু সর্বিস পীনবগীদমক্তা শেম্বা” হায়বসিগী মতাংদা পাংথোকপা থীমেতিক ব্রেকআউত সেসনগী শরুক অমা ওইনা, তেলিকম্ম্যুনিকেসন বিভাগ (দি.ও.তি.)না মখাদা পীরিবা হীরমশিং অসিগী মতাংদা পেনেল দিস্কসন অনি শীনখিঃ
- দোত অমসুং মৈতীগী পি.এল.আই. স্কিমশিং –সেমিকন্দক্তর ফেব, মোবাইল ফোন অমসুং দিজাইন্না লমজিংবা মেন্যুফেকচরিং য়াওনা ৫ জি. পোত্থোকশিংগী মেক ইন ইন্দিয়াবু পুক্নিং থৌগৎপা।
- খুঙ্গং অমসুং মনুং হঞ্জিনবা মফমশিংদা এফোর্দেবল ব্রোদবেন্দ অমসুং মোবাইল সর্বিস ফংবা হেনগৎহন্নবগীদমক্তা তেক্নোলোজী দিজাইন তৌবা, শেমগৎপা অমসুং চাউখৎহনবা।
“দোত অমসুং মৈতীগী পি.এল.আই. স্কিমশিং –সেমিকন্দক্তর ফেব, মোবাইল ফোন অমসুং দিজাইন্না লমজিংবা মেন্যুফেকচরিং য়াওনা ৫ জি. পোত্থোকশিংগী মেক ইন ইন্দিয়াবু পুক্নিং থৌগৎপা” অসিগী মতাংদা পাংথোকপা পেনেল দিস্কসন অসিবু তেলিকোমগী সেক্রেতরী, শ্রী কে. রাজারামন্না লমজিং লমতাকখি। তেজাস নেতৱর্ক্কী সি.ই.ও., শ্রী সঞ্জয় নাইয়ক; লাভা ইন্তর্নেস্নেলগী সি.এম.দি., শ্রী হরি ওম রাই; আই.সি.ই.এ.গী প্রসিদেন্ত, শ্রী পঙ্কজ মোহিন্দ্রু; আই.আই.তি. মদ্রাসকী প্রোফঃ ভাস্কর রামামুর্তী; ভি.ভি.দি.এন. তেক্নোলোজীজকী সি.ই.ও., শ্রী পুনীত অগর্ৱালনা পেনেলিস্ত ওইনা শরুক য়াখি। পেনেলিস্তশিং অসিনা ৫ জি. প্রদক্তশিংগী ইকোসীস্তেম শাবা, ৫ জি., ইলেক্ত্রোনিক্স অমসুং সেমিকন্দক্তরশিংগী প্রদক্সন্দা ইন্সেন্তিবাইজ তৌবা অমসুং ৫ জি., ইলেক্ত্রোনিক্স অমসুং সেমিকন্দক্তর মেন্যুফেকচরিংদা অনৌবা থবক কয়া হেনগৎহপগী মতাংদা খন্ন-নৈনখি।
“খুঙ্গং অমসুং মনুং হঞ্জিনবা মফমশিংদা এফোর্দেবল ব্রোদবেন্দ অমসুং মোবাইল সর্বিস ফংবা হেনগৎহন্নবগীদমক্তা তেক্নোলোজী দিজাইন তৌবা, শেমগৎপা অমসুং চাউখৎহনবা” অসিগী মতাংগী পেনেল দিস্কসনবু তেলিকম্ম্যুনিকেসন বিভাগকী মেম্বর (তেক্নোলোজী), শ্রী অশোক কুমার তিৱারীনা লমজিং লমতাকখি। আই.আই.তি. কানপুরগী প্রোফঃ অভয় করন্দিকার; তেজস নেতৱর্ক্কী সি.তি.ও., দাঃ কুমার সিবরাজন; সি. দোতকী ই.দি., দাঃ রাজকুমার উপাধ্যায়; ক্বাল্কোম ইন্দিয়াগী ভি.পি. অমসুং প্রসিদেন্ত, শ্রী রাজেন ভগাদিয়া অমসুং তি.সি.এস.কী সি.ও.ও., শ্রী এন.জি. সুব্রমনিয়ম্না পেনেলিস্ত/ৱাঙাংলোই ওইনা শরুক য়াখি। পেনেলিস্তশিংনা সেসন অসিগী মনুংদা সেমিকন্দক্তর য়াওনা ৫জি. ইকোসীস্তেম শেম্বদা তেক্নোলোজী শিজিন্নবা, দীপ তেক স্তার্ত-অপ অমসুং দোমেস্তিক এস.এম.ই.বু শৌগৎপদা মথৌ তাগদবশিং, ৫জি. অমসুং ইলেক্ত্রোনিক্স তেস্ত ইনফ্রাস্ত্রকচর শেমগৎপা অমসুং খুঙ্গং অমসুং মনুং হঞ্জিনবা মফমশিংদা সর্বিস পীনবগীদমক্তা ভারতনেত শিজিন্নবগী মতাংদা মশা-মশাগী ৱাখল্লোন ফোংদোক্নখি।
পেনেল দিস্কসন অসিগী শরুক অমা ওইনা, মথংগী চহি ১০-১৫গী মনুংদা ৫জি.না শেন্মিৎলোন্দা পীগদবা শাফু, সেক্যুরিতীগা মরী লৈনবা হীরম অমসুং মসিনা ভারত্তা কান্নবা পীগদবগী ৱাফম কয়া য়াওনা ৫জি. তেলিকোম ইক্বিপমেন্তকী লমদা মরোমদোম লেপচবগা মরী লৈনবা তোঙান-তোঙানবা হীরম কয়াগী মতাংদা খন্ন-নৈনখি। পেনেলিস্তশিংনা পীরকখিবা ইনপুৎশিং অসিদা য়ুম্ফম ওইরগা বজেত্তা য়াওরিবা থবক-থৌরমশিংবু থবক্তা ওন্থোক্কনি।
রেলৱেজ, কম্ম্যুনিকেসন, ইলেক্ত্রোনিক্স অমসুং ইনফোর্মেসন তেক্নোলোজী মন্ত্রী, শ্রী অশ্বিনি বৈশ্নোনা লোইশিনবগী ৱারোল থমখি। মেন্যুফেকচরিং, স্পেক্ত্রম শিজিন্নবা, আর. এন্দ দি.দা প্রাইভেৎ সেক্তরশিংগী থৌদাং চাউথোকহনবা অমসুং দিজাইন্না লমজিংবা মেন্যুফেকচরিং অসিনা ব্রেকআউত সেসন খুদিংমকপু অমত্তা ওইনা পুন্সিনবা মরু ওইবা হীরম ওইখি হায়না মহাক্না ফোংদোকখি। মহাক্না ইন্দস্ত্রীশিংনা পি.এল.আই. অমসুং পি.এম.এ. স্কিমশিংগী কান্নবা লৌনবা অমসুং ইলেক্ত্রোনিক্স মেন্যুফেকচরিংগী লমদা অহেনবা থৌওং কয়া পাংথোকপা ঙম্নবা অনৌবা ৱাখল্লোন কয়া পুথোক্নবা পুক্নিং থৌগৎখি।
প্রধান মন্ত্রীগী পি.এস.এ., শ্রী কে. বিজয় রাঘবন্না থাগৎ ৱাহৈ পীদুনা ৱেবিনার লোইশিনখি।
*********
(Release ID: 1802563)
Visitor Counter : 150