প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদী অমসুং ফ্রেঞ্চ রিপব্লিক্কী প্রেসিদেন্ত, হিস এক্সেলেন্সী ইমান্যুএল মেক্রোনগী মরক্তা ফোনদা ৱারী শানবা
Posted On:
01 MAR 2022 10:56PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ফোনদা ফ্রেঞ্চ রিপব্লিক্কী প্রেসিদেন্ত, হিস এক্সেলেন্সী ইমান্যুএল মেক্রোনগা ৱারী শানখ্রে।
লুচিংবা অনি অসিনা য়ুক্রেনদা হৌজিক-হৌজিক লৈরিবা ফিভম অসিগী মতাংদা খন্নখি। মখোয়না য়ুক্রেনদা লেপ্তনা চত্থরিবা লান অমসুং মীওইবা খুনাইগী ফৎলক্ত্রিবা ফিভমগী মতাংদা মখোয়গী অৱাবশিং অদুবু শরুক য়ামিন্নখি।
প্রধান মন্ত্রী মোদীনা খৎন-চৈনবা অদুবু য়াম্না থুনা লেপ্নবা অমসুং ৱারী-ৱাতাই শানদুনা শন্দাইননবগীদমক্তা ভারতনা তত্তনা তৌখিবা আপীল অদুবু অমুক্কসু হন্না হায়খি। মহাক্না ইন্তর্নেস্নেল লো, য়ু.এন. চার্তর অমসুং রাজ্য কুদিংমক্কী তেরিতিরিয়েল ইন্তেগ্রিতী অমসুং সোভরেনতীগীদমক্তা ইকাইখুম্নবনা হৌজিক্কী ৱার্ল্দ ওর্দরবু হেন্না মপাঙ্গল কনখৎহল্লি হায়বা ভারতকী থাজবা অদুবু মরু ওইনা পনখি।
প্রধান মন্ত্রীনা পার্তী অনিমক্কী মরক্তা ৱারী-ৱাতাই শানবা অসিবু তরাম্না ওকখি অমসুং নিংখা তম্না অমসুং অথিংবা–অপনবা লৈতবা হ্যুমেনিতেরিয়ন এক্সেস লৈহনবা অমসুং মীশিংগী মরক্তা য়াম্না কোম্না চৎথোক-চৎশিন য়াবগী মরু ওইবা অসিগী মতাংদা য়াম্না মরু ওইনা পনখি।
প্রধান মন্ত্রীনা প্রেসিদেন্ত মেক্রোনদা ইরাং থোক্লিবা মফমশিংদগী প্রাজাশিংবু লৌথোক্নবা অমসুং মসিনা শোকহল্লবা মীশিংগীদমক্তা হিদাক-লাংথকশিং য়াওনা অথুবা মতমদা রিলীফ সপ্লাইশিং থানবা ভারতনা হোৎনরিবশিং অদুগী মতাংদা খঙহনখি।
*****
(Release ID: 1802299)
Visitor Counter : 122
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam