وزیراعظم کا دفتر

وزیراعظم نریندرمودی اور فرانس جمہوریہ کے صدر امینول میخوں کے درمیان  فون پر گفتگو

Posted On: 01 MAR 2022 10:56PM by PIB Delhi

وزیر اعظم جناب نریندرمودی نے جمہوریہ فرانس کے صدر عالیجناب امینول میخوں کےساتھ فون  پر گفتگو کی ۔

دونوں رہنماؤں نے یوکرین کی موجودہ صورتحال پرتبادلہ خیال کیا۔ انہوں نے  یوکرین میں  جاری جنگ  اور بگڑتی ہوئی صورتحال ،جس سے لوگ متاثر ہورہے ہیں ،  پر اپنی اپنی تشویش کا اظہار کیا۔

وزیراعظم مودی نے مخاصمانہ کارروائیوں کو بند کرنے اور سفارتکاری   اور مذاکرات کی میز پر لوٹنے کی  بھارت کی لگاتار اپیل کو دوہرایا ۔  انہوں نے بھارت کے اس  اعتماد پر زور دیا کہ  تمام ملکوں  کی علاقائی یکجہتی ، اقتدار اعلیٰ ،  بین الاقوامی قانون  اور ا قوام  متحدہ کے چارٹر کے لئے  احترام عصری عالمی نظا م  کا ایک لازمی حصہ ہے۔

وزیراعظم نے دونوں فریقوں کے درمیان بات چیت کا خیر مقدم کیا اور سبھی لوگوں کو مفت  ،  بلارکاوٹ  اور  انسانی ہمدردی  کی   بنیاد  پردی جانے والی امداد کی رسائی اور آزادانہ نقل وحمل کو یقینی بنانے کی  اہمیت  پر زور دیا۔

وزیراعظم نے  جنگ سے دو چار علاقوں سے اپنے  شہریوں کو بحفاظت نکالنے کے سلسلے میں بھارت کی کوششوں کے بارے میں بھی صدر میخوں کو جانکاری دی  اور متاثر ہ آبادی کے لئے دواؤں سمیت فوری راحتی  سامان  بھیجنے کے بارے میں  بھی مطلع کیا۔

*************

 

ش ح۔ح ا ۔رم

U-2129



(Release ID: 1802227) Visitor Counter : 142


Read this release in: English , Marathi , Hindi , Manipuri , Bengali , Assamese , Punjabi , Gujarati , Odia , Tamil , Telugu , Kannada , Malayalam