প্রধানমন্ত্রীগী লোইশঙ
প্রধান মন্ত্রীনা য়ুক্রেনগী হিস এক্সেলেন্সী প্রেসিদেন্ত ভোলোদীমীর জেলেন্সকীদা ৱারী শাখি
Posted On:
26 FEB 2022 7:03PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি য়ুক্রেনগী হিস এক্সেলেন্সী প্রেসিদেন্ত ভোলোদীমীর জেলেন্সকীগা ৱারী শাখি।
প্রেসিদেন্ত জেলেন্সকীনা প্রধান মন্ত্রীদা য়ুখ্রেনদা হৌজিক-হৌজিক চত্থরিবা য়ানদবা ফিভম অদুগী মতাংদা খঙহল্লকখি। প্রধান মন্ত্রী প্রধান মন্ত্রীনা হৌজিক-হৌজিক চত্থরিবা য়ানদবা ফিভম অসিনা মরম ওইরগা পুনশিং মাংখিবা অমসুং মাল-চাংদা অমাং-অতা থোক্লিবশিং অদুগী মতাংদা মহাক্না থমোই শোক্না নুংঙাইতবা ফোংদোকখি। মহাক্না হিংশাগী থবকশিং অসিবু অথুবা মতমদা লেপ্ননবা অমসুং ৱারী-ৱাতাই ওইনা শানদুনা শন্দাইননবগী মহাক্কী ৱাফম অদুবু অমুক্কা হন্না হায়খি, অমসুং শান্তিগী মাইকৈদা হোৎনবদা ভারতনা অঙম্বা মতেং পাংনিংবগী ৱাফমদুসু ফোংদোকখি।
প্রধান মন্ত্রীনা মহৈরোইশিং য়াওনা য়ুক্রেনদা লৈরিবা ভারত মচাশিংগী অশোই-অঙাম য়াওদবা অমসুং চেকশিন-থৌরাংগী গীদমক্তা ভারতকী ফাওরিবা অৱাবা অদুবুসু খঙহনখি। মহাক্না ভারত মচাশিং অদুবু য়াম্না অথুবা মতমদা খ্বাইদগী হেন্না ফবা মওংদা অমসুং অশোই-অঙাম য়াওহন্দনা লৌথোক্নবগীদমক্তা য়ুক্রেনগী ওথোরিতীশিংনা মতেং পাংননবা হায়খি।
*****
(Release ID: 1801446)
Visitor Counter : 157
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam