“চহি অসিদা লৈবাক অসিনা খুঙ্গংগী য়ুমথোংদা তোতিগী ইশিং কোতি ৪রোম শমহন্নবা পান্দম থম্লিবনা পান্দম অসিগী প্রোগ্রেস অদু য়েংশিন্নবা অমদি একাউন্তেবিলিতী ফিক্স তৌনবা স্ত্রাতিজী শেমগৎলু অমদি তেক্নোলোজী শিজিন্নৌ”, হায়না প্রধান মন্ত্রী শ্রী নরেন্দ্র মোদীনা ইশিং অমসুং সেনিতেসনগী মতাংদা য়ুনিয়ন বজেৎ ২০২২গী পোজিতিব ইম্পেক্ত ইফিসিয়েন্ত অমসুং ইফেক্তিব ওইনা চৎনহন্দুনা ‘প্রজা অমতবু লেমহৌদনা থম্বা’ হায়বা থীম অসিগী মখাদা ঙসি শিনখিবা ৱেবিনার অমদা ৱা ঙাংলদুনা ফোংদোকখিবনি৷

জল শক্তিগী কেন্দ্র মন্ত্রী শ্রী গজেন্দ্র সিংহ সেখৱত, জল শক্তিগী রাজ্য মন্ত্রী শ্রী প্রহলাদ সিংহ পতেল, জল শক্তিগী রাজ্য মন্ত্রী শ্রী বিস্বেস্বর তুদু, দি.দি.দবল্যু.এস.কী সেক্রেতরী শ্রীমতি বিনি মহাজন, দি.দি.দবল্যু.এস.কী এদিস্নেল সেক্রেতরী শ্রী অরুন বরোকাগা লোইননা ৱাশ, য়ু.এন. এজেন্সীগী মরু ওইবা স্তেকহোল্দরশিং, সরকারগী ওফিসিয়েলশিং, দোমেন্দগী ইন্দস্ত্রী অমসুং তেক্নিকেল এক্সপর্তশিংনা থৌরম অসিদা শরুক য়াখি৷ মসিগী ৱেবিনারগী পরিং অসি প্রোগ্রাম অসিগী মখাদা মরী লৈনরিবা তোঙান তোঙানবা স্তেকহোল্দশিংগা খন্ন-নৈনখিবা অমদি ৱারি শানখিবা অনৌবা প্রেক্তিস অদুগী শরুক অমনি৷

ৱেবিনার অসিদা ৱা ঙাংলদুনা, প্রধান মন্ত্রীনা হায়খি, “অপিবা তাইমফ্রেম অমগী মনুংদা রাজ্যশিং/য়ু.তি.শিংনা তার্গেৎ অসি ফংবা ঙম্নবা তশেং-তশেংবা রোদমেপ অমা শেমগদবনি৷ অৱাং-নোংপোক ঙমখৈদা লৈরিবা রাজ্যশিং, হিল্লী রিজন অমসুং এস্পিরেস্নেল জিলাশিংদা প্রাইয়োরিতী পীগদবনি৷”

প্রধান মন্ত্রীনা মখাতানা ফোংদোকখি, “খুঙ্গং চাওখৎহনবা হায়বসিনা মাংদা থমগদবনি অমদি ক্বালিতী লৈহনগদবনি৷ ২০২৪ ফাওবগী মনুংদা খুঙ্গংগী য়ুমথোং খুদিংদা তোতিগী ইশিং শমহন্নবগী পান্দম থম্লিবা অসি য়ৌনবা হোৎনবদা ফন্দশিং ৱাৎপা লৈতে৷”

খুঙ্গং চাওখৎহনবদা য়ুনিয়ন বজেৎনা পীরিবা পোজিতিব ইম্পেক্তকী মতাংদা শিল্লিবা ৱেবিনারদা প্রধান মন্ত্রীনা পীখিবা ৱারোলগী ইংলিসতা হন্দোকপা অদু পানবা মফম অসিদা নম্বিয়ু (লিঙ্ক চংবিয়ু: https://www.pib.gov.in/PressReleasePage.aspx?PRID=1800489 )

ৱেবিনার অদু রুরেল দিবেলপমেন্ত মন্ত্রালয়না শিনখি, মসিদা তোঙান তোঙানবা মন্ত্রালয় তরানা ‘প্রজা অমতবু লেমহৌহন্দবা’ হায়না থীম অসিগী মখাদা শরুক য়াখি৷ হর ঘর জল অমসুং হর ঘর উজ্জৱালাগী ব্রেকআউত সেসনদা পেনেলিস্ত ওইখিবশিং অদুদি একজিক্যুতিব ভি.পি. অমসুং হেদ এল. অমদি তি. শ্রী কে. অসোক কুমার, চীফ ৱাশ য়ুনিসেফ ইন্দিয়া শ্রী নিকোলাস ওসবর্ত, হাউজিং অমসুং আর্বান দিবেলপমেন্ত ওরিশাগী প্রিন্সিপাল সেক্রেতরী শ্রী জি. মথি বাথনম, সোলিনাস ইন্তিগ্রিতীগী সি.ই.ও. শ্রী দিবানশু কুমার, তাতা কেমিকেল্সকী এম.দি. অমসুং সি.ই.ও. শ্রী আর. মুকুন্দন, তাতা সন্সকী ভি.পি. শ্রী গিরিশ কৃষ্ণমুর্থী, ইঞ্জিনিয়রিং স্তাফ কোলেজ হায়দ্রবাদকী শ্রী রামেশ্বর রাউ, শ্রী অমিত নফাদে ক্রুশি বিকাস ভি গ্রামিন প্রশিক্সন সন্সথা বলদানা, হিমালয়ান ইন্সতিত্যুত ফোর এনবাইরোনমেন্ত দেহরাদুনগী দা. কমল বাহুগুনু, রিতাইয়র্দ চীফ ইঞ্জিনিয়র কোইম্বাতরগী শ্রী গোপালা কৃষ্ণন অমসুং আর্বান দিবেলপমেন্ত উত্তরখন্দগী সেক্তেরী শ্রী সাইলেশ বগোলিনি৷ সেসন অসি দ্রিঙ্কিং ৱাতর অমসুং সেনিতেসনগী সেক্রেতরী শ্রীমতি বিনি মহাজননা মোদিরেতর ওইখি৷

‘হর ঘর জল’গী ব্রেকআউত সেসন অসি জল শক্তিগী কেন্দ্র মন্ত্রী শ্রী গজেন্দ্র সিংহ সেখৱতনা সভাপতি ওইখি৷ থৌরম অসিদা ৱা ঙাংলদুনা কেন্দ্রগী মন্ত্রীনা হায়খি, “অফবা থক্নবা ইশিংনা ইশিংদগী শন্দোকপা লাইনাশিংগী থৌদোকশিং অসি হন্থহন্দুনা মরু ওইবা হেল্থ ইম্পেক্ত কয়া অমা পীরি৷ জে.জে.এম., ১৫শুবা ফাইনান্স কম্মিসন, এস.বি.এম., এম.জি.এন.আর.ই.জি.এ.দগী ফংখিবা ফন্দিং অদু ইশিংগী সোর্স অসি হেন্না ফগৎহনবদা অমদি গ্রাউন্দ ৱাতর রিচার্জ তৌবদা শিজিন্নগদবনি৷”

শ্রী সেখৱতনা মখাতানা হায়খি, “অরাপ্পা মফমশিংদগী ইশিং থিবা চৎপদা নুপীশিং অমদি অঙাশিংনা থেংনখিবা অৱাংবা অদু জল জীবন মিসননা হন্থহনখ্রে৷ ঙসিদি তেল্লবা চহি অনি মখায়গী মনুংদা য়ুমথোং কোতি ৯ হেনবনা কোতিগী ইশিং শমহনখ্রে৷ এস্পিরেস্নেল জিলাশিংদা লৈরিবা য়ুমথোং কোতি ১.৩৭না তোতিগী ইশিং ফংখ্রে অদুগা জে.ই.-এ.ই.এস. ৱাতর ক্বালিতী এফেক্তেদ রিজনদা লৈরিবা য়ুমথোং কোতি ১.২৩না অফবা তোতিগী ইশিং ফংবা হৌরক্লি৷”

থৌরম অসিদা ৱা ঙাংলদুনা জল শক্তিগী রাজ্য মন্ত্রী শ্রী প্রহলাদ সিংহ পতেলনা হায়খি, “২০২৪ ফাওবগী মনুংদা খুঙ্গংগী য়ুমথোং খুদিংদা য়ৌহনবা ঙম্নবগীদমক পান্দম থম্লিবা অদু ফংবা ঙম্নবগীদমক খোংজেল য়াংখৎহনবগী তঙাই ফদবা লৈ, মসিগীদমক মতম চানা দি.পি.আর.শিং শেমগৎকদবনি অমদি এপ্রুব তৌগদবনি৷ ইশিং ক্বালিতী ফৎতবা অমসুং এস.তি./এস.সি.না খুন্দারিবা লমশিংদা ‘মীওই অমতা চিথহন্দনা’ মখোয়বু সমাজ অসিগী করম্বা সোসিয়ো-ইকোনোমিক স্ত্রাতাদা মনুং চল্লি হায়বা থিদনা মফম অদুদা প্রাইয়োরিতী ওইনা থবক পাইখৎনবা হোৎনগদবনি৷ মতম অমতা মাংদনবা সরকারগী লৈরিবা তেন্দরিং প্রোসেস অদু লাইথোকহনগদবনি৷ ত্রান্সপরেন্সী অমসুং একাউন্তেবিলিতীদা থাজদুনা, প্রোগ্রাম অসিগী মখাদা ফংলিবা প্রোগ্রেসকা মরী লৈনবা ই-পাউ পুম্নমক দাশবোর্দতা য়েংবা য়াগনি৷”

য়ুনিয়ন বজেৎকী মখাদা চৎলিবা শেনবা-চহি অসিদা লুপা কোতি ৬০,০০০ কাইথখ্রে হায়না দি.দি.দবল্যু.এস.কী সেক্রেতরীনা ফোংদোকখি৷ নোংমদা য়ুমথোংশিংদা তঙাই ফদনা চংলিবা থক্নবা ইশিং অসি থিবদা নুপীশিং অমদি অঙাংশিংনা থাপ্ল-থাপ্লবা মফমশিংদা চৎপগী অৱাবা অসি লোইশিন্নবা হর ঘর জলনা য়াম্না মরু ওইবা থৌদাং অমা লৌরি৷ হেন্না সেক্যোর ওইবা মওংদা ইশিং ফংনবা খুঞ্জাশিংগী মরক্তা অফবা মওংদা চাংদম্নরিবা অসিসু পুক্নিং থৌগৎকদবনি৷”

‘হর ঘর জল’ অসি নেস্নেল গভর্মেন্তগী এম্বিসিয়র্স স্কিম অমনি হায়না একজিক্যুতিব ভি.পি. অমসুং হেদ, এল.অমসুং তি. শ্রী কে. অশোক কুমারনা ফোংদোকখি৷ লৈবাক অসিনা মহাক্কী পোপুলেসনগী ৫০%রোমগী চাং য়ৌনা তোতিগী ইশিং শম্নহন্নবা নকশিল্লিবা অসিদা, তোঙান তোঙানবা দিপার্তমেন্তশিংদগী লেন্দ এক্যুইজিসন য়াওনা সিঙ্গল ক্লিয়রেন্স ৱিদো অমা অমদি কম্বাইন মল্তি-ভিলেজ স্কিম শেমগৎপগী দরকার ওইরি৷”

“‘হর ঘর জল’ স্কিম চৎনহন্নবগীদমক অচৌবা শেনফম কাইথখিবনা স্কিম অসিনা পোলিতিকেল ৱিল অদু উৎলি, মসিনা মখাতানা এস.দি.জি.শিং অসি ফংনবা হোৎনবদা থবক পাংথোক্নবা মালেমগী লিদরশিংবু থৌনা হাপলগনি৷ কোবিদ ৱেব অহুম্না মালেম অসিবু খুবাকনুংদা পাইশিনখ্রবা মতম অসিদা য়াম্না মরু ওইরিবা মাইক্রো জোব মিলিয়ন ৭.৫৫রোম ফংহনখ্রে৷ অফবা অমসুং অরুবা ইশিংনা ‘হিংবগী পুন্সি মরেলবু লাইথোকহন্দুনা’ নুপীশিং অমদি মার্জিনেলাইজ মীওইশিংগী পুন্সিবু চাওনা ফগৎহনখ্রে” হায়না ৱাশ চীফ য়ুনিসেফ শ্রী নিকোলাস ওসবর্তনা ফোংদোকখি৷

তাতা সন্সকী ভি.পি. শ্রী গিরিশ কৃষ্ণমুর্থীনা জল জীবন মিসননা শেমগৎখিবা মোবাইল এপ অদুগী মতাংদা পনখি৷ তাতা গ্রুপনা লৈবাক অসিগী রাজ্য ১০দা শন্দোক্লিবা মহাক্কী পাইলোত প্রোজেক্ত ১৫গী খুৎথাংদা সরকার অসিবু সপোর্ত তৌরি হায়না মহাক্না মখাতাখি৷

ভিলেজ এক্সন প্লান শেম্বা মতমদা কম্ম্যুনিতী এনগেজমেন্তগী মরু ওইবা অদু পল্লদুনা ক্রুশি বিকাস ভি গ্রামিন প্রশিক্সন সন্সথা বলদানাদগী শরুক য়ারিবা শ্রী অমিত নফাদেনা মহাক্কী ওইবা ৱাখল্লোনশিং ফোংদোকখি৷ “জল শক্সরপ মোবাইল এপ্লিকেসন অমা শেমগৎখ্রে অমদি এপ অসি গ্রাউন্দ লেবেল স্তেকহোল্দশিংদগী অফবা রেস্পোন্স ফংলি৷ ত্রোনিং প্রোগ্রামগী মনুংদা শেমখিবা গ্রুপশিং অদুনা ত্রেনিং লোইরবা মতুং ফাওবদা মখোয়গী এক্সপরিয়েন্সশিং অদু সেয়র তৌরি অমদি চাং-নাইনা মখোয়না থেংনরিবা প্রোব্লেমশিং অদুগী সোলুসন পুথোকপদা মখোয় অমনা অমগী মতেং পাংনরি” হায়না মহাক্না ফোংদোকখি৷

উত্তরখন্দনা হিমালয়ান ইন্সতিত্যুত ফোর এনবাইরোনমেন্ত দেরাদুনবু ইমপ্লিমেন্তিং সপোর্ত এজেন্সী ওইনা মথৌ তৌহল্লি৷ পানি সমিতিনা মতৌ করম্না বেজলাইন সর্ভে পাংথোক্লিবগে হায়বদুগী মতাংদা ইন্সতিত্যুত অসিগী দা. কমল বাহুগুনা ফিল্দদগী ফংলিবা মহাক্কী এক্সপরিয়েন্স সেয়র তৌখি৷ প্রোগ্রাম অসিগী সস্তেনেবিলিতী ফংবা ঙম্নবগীদমক ইফুৎশিং য়াওনা হৌজিক হৌজিক লৈরিবা ইশিংগী সোর্সশিং হেন্না ফগৎহন্নবা হোৎনরি৷ জে.জে.এম. গাইদলাইনশিংগী মতুং ইন্না ইনফ্রাস্ত্রকচর শেমগৎপদা মীয়াম্না মদুগী ফন্দশিংগী ৫% কন্ত্রিব্যুত তৌরি৷”

সেসন অদুবু দি.দি.দবল্যু.এস.কী সেক্রেতরী শ্রীমতি বিনি মহাজননা মরু ওইবা ৱাফমশিং থমখি অমদি তোঙান তোঙানবা পেনেলিস্তশিংনা থমখিবা মরু ওইবা ৱাফমশিং অদু সেয়র তৌখি৷ সেসন অসিনা খন্ন-নৈনখিবা অমদি সজেসন পীনখিবা অসি প্রধান মন্ত্রী শ্রী নরেন্দ্র মোদীগী মংলান ওইরিবা “সবকা সাথ, সবকা বিকাস, সবকা বিস্বাস অমসুং সবকা প্রয়াস”কী অশেংবা শকফম্নি৷ জিলা ১০০, ব্লোক ১,১৪৪, গ্রাম পঞ্চায়ত ৬৬,৭৬৩ অমসুং খুঙ্গং ১,৩৭,৯৪০না ‘হর ঘর জল’ ওইখ্রে৷ রাজ্য অহুম – গোৱা, তেলঙ্গনা অমসুং হরিয়ানা অমদি য়ু.তি. অহুম – এ. অমসুং এন. ইথৎশিং, দি. অমসুং এন. হাভেলি অমদি দামন অমসুং দিউ, পুদুচেরীনা কোতিগী ইশিং ১০০% পীখ্রে৷ অতোপ্পা রাজ্যশিংনা খোংজেল য়াংনা লাক্তুনা অথুবা মতমদা চাদা চাম্মা কবর তৌনবা নকশিল্লক্লি৷ মসিগী মনুংদা পঞ্জাবনা ৯৯%দা লৈরি, হিমাচল প্রদেশনা ৯৩%দা লৈরি, গুজরাতনা ৯২%দা লৈরি অমসুং বিহারনা ৯০%দা লৈরি৷ হায়রিবা রাজ্যশিংনা অসিনা খুঙ্গংগী য়ুমথোং খুদিংমক্তা তোতিগী ইশিং ফংহন্নবা ২০২২বু দেদলাইন ওইনা থমখ্রে৷

******

(Release ID: 1800718) Visitor Counter : 131