মুম্বাই, ফেব্রুৱারী ২২, ২০২২

ঙসি মুম্বাইদা বেঙ্কশিং, নন-বেঙ্কিং ফাইনান্সিয়েল ইন্সতিত্যুসনশিং(এন.বি.এফ.সি.শিং) অমসুং ফাইনান্সিয়েল ইন্সতিত্যুসনশিংগী হেদশিংগা লোইননা শেল-থুম অমসুং কোর্পোরেৎ এফিয়র্সকী কেন্দ্র মন্ত্রী শ্রীমতি নির্মলা সিতারামননা পোস্ত-বজেৎ মীফম অমদা সভাপতি ওইনা শরুক য়াখি৷

মীফম অসিদা শেল-থুমগী কেন্দ্রগী রাজ্য মন্ত্রী দা. ভগৱত কিসানরাউ করাদ; দিপার্তমেন্ত ওফ ফাইনান্সিয়েল সর্বিসেসকী সেক্রেতরী, শ্রী সঞ্জে মালহোত্রা; ইকোনোমিক এফিয়র্স দিপার্তমেন্তগী সেক্রেতরী শ্রী অজে সেথ অমসুং চীফ ইকোনোমিক এদভাইজর দা. ভি. অনন্থা নাগেস্বারননা শরুক য়াখি৷ পব্লিক সেক্তর বেঙ্কশিং, খনগৎলবা প্রাইভেৎ সেক্তর বেঙ্কশিং, এন.বি.এফ.সি.শিং অমসুং ফাইনান্সিয়েল ইন্সতিত্যুসন পুম্নমক্কী হেদশিংসু মীফম অসিদা শরুক য়াখি৷

ই-পাউ সেয়র তৌনবা অমদি কোলাবোরেসনগী মরু ওইবা অদু পল্লদুনা, অপিকপা বোরোৱরশিংগীদমক ক্রেদিৎ ফ্লা লাইনা তৌহনগদৌরিবা অমদি দিজিতেল লেন্দিং প্রমোত তৌগদৌরিবা একাউন্ত এগ্রীগেতর মোদেলদা সাইন অপ তৌনবা শেল-থুম মন্ত্রীনা বেঙ্ক পুম্নমক্তা তকশিনখি৷ বরানাসি জিলাদা লৈরিবা বেঙ্ক অনিনা লৌখৎপা ইনিসিয়েতিব অসিগা মান্ননা অৱাং-নোংপোক লমদম য়াওনা লৈবাক অসিগী তোঙান তোঙানবা মফমশিংদা একাউন্ত এগ্রীগেতর মোদেল অমসুং কেশফ্লো-বেজ লেন্দিংগী পাইলোতশিং শন্দোক্লবা য়াই হায়না মন্ত্রী অসিনা খঙহনখি৷

ফাইনান্সিয়েল সেক্তরদা অনৌবা খুদোংচাবশিং পীরিবা অনৌবা মেনুফেচরিং য়ুনিৎশিং অমসুং স্তার্ত-অপশিংদা তেক্স কন্সেসন পীনবা, পি.এম. গতিশক্তি, দিফেন্স, তেলিকোম, মেনুফেকচরিং অমসুং এক্সপোর্তশিং অমসুং ইমর্জেন্সী ক্রেদিৎ লাইন গরেন্তী স্কিম(ই.সি.এল.জি.এস.)গী মতাংদা মীফম অসিনা বজেৎ এনাউন্সমেন্ত কয়ামরোমদা কুপথনা খন্ন-নৈনখি৷ কোবিদ-১৯ লাইনা-লাইচৎনা পীরিবা শাফু অসিদগী বোরোৱরশিং অমসুং বেঙ্কশিংদা খুদক্কী ওইনা রিলিফ পীখিবা ক্রেদিৎ আউত্রিচ প্রোগ্রাম, অত্ম নির্ভর ভারত স্কিমশিং, কে.সি.সি. অমসুং এম.এস.এম.ই.শিংদা পীরিবা সবওর্দিনেত দেবতকুম্বা তোঙান তোঙানবা স্কিমশিং/প্রোগ্রাম কয়ামরোম মীফম অসিনা খন্ন-নৈনখি৷ লুপা কোতি লাখ ৫দা হেনগৎখ্রবা অমদি ৩১.৩.২০২৩ ফাওবা শাংদোকখ্রবা ই.সি.এল.জি.এস.সু খন্ন-নৈনখি৷

বেঙ্কশিংনা ইন্তরমেদিয়েসন কোস্ত হন্থহন্নবগী অনৌবা লম্বীশিং পুথোকপদা অমদি কোস্ত-ইফেক্তিব ওইবা সর্ভিসশিং পীনবগীদমক দিজিতেল বেঙ্কিং, দিজিতেল পেমেন্তশিং অমসুং ফিন্তেখ ইন্নোবেসনশিং অসি খুদোংচাবা অমা ওইরগনি অমদি কঞ্জুমর ফ্রেন্দলী ওইবা মওং অমদা দিজিতেল বেঙ্কিংগী কান্নবশিং অসি লৈবাক অসিগী মফম খুদিংমক্তা য়ৌহনগদবনি হায়না ফোংদোকখি৷ বেঙ্কিং ইন্দস্ত্রীনা জন ধন য়োজনাগী মখাদা বেঙ্ক একাউন্তশিং হাংদ্রিবা মপুং-মরৈ ফারবা মীওইশিংগী একাউন্তশিং হাংদোকহন্নবা মীৎয়েং থমগদবনি অমদি ইলিজিবল ওইরবা মপুং-মরৈ ফারবা মীওই পুম্নমক ইন্সুরেন্স/পেন্সন কবর তৌহন্নবা হোৎনগদবনি হায়না মখাতানা ফোংদোকখি৷

এফ.ৱাই. ২০-২১দা লুপা কোতি লাখ ১.২২ অমসুং ঐচ.ৱাই. ২১-২২দা লুপা কোতি লাখ ০.৭৯গী শেন্দোং রেকোর্দ তৌদুনা, মতম পুম্নমক্তা ৱাংদুনা লৈরিবা গ্রোস এন.পি.এ. ফিগরশিং ১১.২০%(মার্চ ১৮ ফাওবদা)দগী ৬.৯০%দা (সেপ্তেম্বর ২১ ফাওবদা) হন্থরক্তুনা অমদি ১১.৫%গী রিগুলেতরী মেন্দেৎ অসিগা য়েংনবা মতমদা (সেপ্তেম্বর ২১ ফাওবদা) মতম পুম্নমক্কী ওইনা ৱাংদুনা লৈরিবা সি.আর.এ.আর. ১৬.৫%গা লোইননা বফরশিং মরাং-কাইনা থমদুনা, বেঙ্কশিংনা মতুং তাবা তুংগী পুন্সিদা চাওখৎপা পুরকপদা মতেং পাংনবা অমদি লৈবাক অসিগী শেল-থুমগী ফিভম অসিবু ফগৎহনবা ঙম্নবগী ফিভম অমদা শেম-শাদুনা লৈরি হায়না মীফম অসিদা পনখি৷

বিজিনেসশিং অমসুং ইন্দিবিজ্যুলশিংগীদমক অফবা ক্রেদিৎ এনবাইরোনমেন্ত অমা শেমগৎনবা অমদি লেন্দিং এক্তিবিতীগী খোংজেল য়াংখৎহন্নবগী লম্বী অদুসু মীফম অসিদা খন্ন-নৈনখি৷

******