মরুওইবা ৱাফমশিং

দেভেলপমেন্ত ওফ নোর্থ ইস্ত রিজন, তুরিজম অমসুং কলচরগী কেন্দ্র মন্ত্রী শ্রী জি. কিসন রেদ্দীনা কেন্দ্র লৈঙাক্না এম.এস.এম.ই.শিং মপাঙ্গল কনখৎহন্নবা খোঙফম চেৎনা লেপ্লি অমদি হন্দক্কী বদজেত অসিনা মখোয়বু হেন্না হিদান্নবা ঙমহন্নবা ইনোৎ হাপ্লি হায়না হায়খ্রে‍।

এম.এস.এম.ই.শিংনা ‘অমৃতকাল’গী লাক্কদৌরিবা চহি ২৫সিদা লৈবাক্কী শেন্মিৎলোন চাওখৎহনবদা মরুওইবা থৌদাং অমা লৌগনি হায়না কেন্দ্র মন্ত্রীনা হায়খি‍।

এম.এস.এম.ই. সেক্তরদা অৱাং নোংপোক লমদমদা চাউরবা লোকশিন্দ্রিবা মতিং লৈ অমদি লৌউ-শিংউও ফুদ প্রোসেসিং, তুরিজম, মিনরেল বেজ ইন্দস্ত্রিজ, আই.তি., ইনফ্রাস্ত্রকচরনচিংবদা লৈরিবা খুদোংচাবশিং অসি থিজিন্বা মথৌ তাই হায়না শ্রী রেদ্দঈনা ফোঙদোকখি‍।

মহাক্না অৱাং নোংপোক্কী চাওখৎ মায়কৈদা হোংলক্লিবা ফীভম অসিদগী মপুং ফানা কান্নবা লৌনবগীদমক অমদি এম.এস.এম.ই. সেক্তর য়োকখৎনবগীদমক স্তেকহ,ল্দর পুম্নমক পুন্না থবক পায়খৎমিন্ননবা ৱাফমসু থমখি‍।

দেভেলপমেন্ত ওফ নোর্থ ইস্ত রিজন, তুরিজম অমসুং কলচরগী কেন্দ্র মন্ত্রী শ্রী জি. কিসন রেদ্দীনা কনফিদরেসন ওফ ইন্দিয়ন ইন্দস্ত্রিজ (সি.আই.আই.)না পাঙথোকপা ‘নোর্থ ইস্ত এম.এস.এম.ই. কনক্লেব: বিল্দিং কম্পিতিতিবনেস ফোর লেভরেজিং ওপোর্চুনিতিজ’তা ৱা ঙাঙখ্রে‍।

এম.এস.এম.ই. সেক্তর অসি শেন্মিৎলোনগী য়াংলেন শরুনি হায়না শিংথারদুনা আত্মনির্ভর ভারতগী খোঙচত্তা মসিনা মাঙগিল থাহনগদবনি, হায়না কেন্দ্র মন্ত্রীনা হায়খি‍।

এম.এস.এম.ই.শিংনা ‘অমৃতকাল’গী লাক্কদৌরিবা চহি ২৫সিদা লৈবাক্কী শেন্মিৎলোন চাওখৎহনবদা মরুওইবা থৌদাং অমা লৌগনি হায়বা ৱাফমসু কেন্দ্র মন্ত্রীনা থমখি‍।

মহাক্না মখা তারদুনা লৌউ শিংউ, ফুদ প্রোসেসিং, তুরিজম, মিনরেল বেজ ইন্দস্ত্রিগ, আই.তি., ইনফ্রাস্ত্রকচরদা ওইরবসু অৱাং নোংপোক্তা এম.এস.এম.ই.শিংগী চাউরবা মতিং লৈ হায়না ফোঙদোকখি‍। লমদমসিদা মপুং ফানা চাওখৎপা পুরক্নবগীদমক হায়রিবা চাউরবা মতিং অসিবু লোকশিনবা মথৌ তাই হায়না মহাক্না হায়খি‍।

কেন্দ্র লৈঙাক্না এম.এস.এম.ই.শিং মপাঙ্গল কনখৎহন্নবা খোঙফম চেৎনা লেপ্লি অমদি হীরমসিদা য়াম্লবা থৌরাংশিং পায়খৎখ্রে‍ হায়নসু কেন্দ্র মন্ত্রীনা ফোঙদোকখি‍। হন্দক্তা লাউথোকখিবা লুপা করোর ১,৫০০গী প্রধান মন্ত্রী দেভেলপমেন্ত ইনিসিএতিব ফোর দি নোর্থ ইস্ত (পি.এম.-দিভাইন) স্কিম অসি সেক্তর অসিগী হেন্না খুমাঙ চাওশিন্নিংঙাই ওইগনি হায়না মহাক্না মখা তাখি‍।

অৱাং নোংপোক লমদমসি য়াম্লবা অনৌবা খুদোংচাবশিং থোরক্তুনা চাওখৎপগী অনৌবা মাইওন অমদা চঙশিল্লক্লি অমদি হোংলক্লিবা ফীভমসিগী কান্নবা মপুং ফানা লৌশিনবা মথৌ তাই হায়না মহাক্না মখা তাখি‍।

মায়কৈ খুদিংদা চাওখৎপা পুরক্নবগীদমক হেন্না ফবা তুংলমচৎ লমগী মঙলান মঙফাওননবা মশক মচু থোকপা খোঙচৎ অমদা এম.এস.এম.ই.শিং য়াওনা স্তেকহোল্দর পুম্নমক্না পুক্না খুৎশম্ননা চৎমিন্নবা মরুওই হায়না মন্ত্রীনা হায়খি‍।

****