دیہی ترقی اور پنچایتی راج کے مرکزی وزیر جناب گری راج سنگھ نے آج پبلک ڈومین میں دیہی کنیکٹیویٹی GIS ڈیٹا جاری کیا۔ اس میں پوائنٹس کے طور پر 800,000+ دیہی سہولیات کے لیے GIS ڈیٹا، 1 ملین+ رہائش گاہیں اور 25,00,000+ کلومیٹر دیہی سڑکیں شامل ہیں جنھیں PMGSY اسکیم کے لیے تیار کردہ GIS پلیٹ فارم کا استعمال کرتے ہوئے جمع کیا گیا اور ڈجیٹل بنایا گیا ہے۔ دیہی ترقی کے مرکزی وزیر مملکت جناب فگن سنگھ کلستے اور سادھوی نرنجن جیوتی بھی اس موقع پر موجود تھے۔

پی ایم جی ایس وائی اسکیم کی نوڈل نفاذ ایجنسی این آر ڈی اے نے 3 مشہور جی آئی ایس فرموں – ای ایس آر آئی انڈیا، میپ مائی انڈیا، ڈیٹا میٹ کے ساتھ مفاہمت نامے پر دستخط کیے اور عوامی ڈومین میں دیہی کنیکٹیویٹی GIS ڈیٹا کو جاری کرنے کے لیے Gati Shakti کے ساتھ تعاون کیا۔

جناب گری راج سنگھ نے یاد دلایا کہ پی ایم جی ایس وائی اسکیم کے آغاز سے لے کر اب تک 2.69 لاکھ کروڑ کی لاگت سے 1,61,508 بستیوں کو جوڑنے کے لیے 6.90 لاکھ کلومیٹر سے زیادہ سڑکیں تعمیر کی گئی ہیں۔ پی ایم جی ایس وائی کے تحت دیہی سڑکوں کی تعمیر کی رفتار میں پچھلے سات سالوں کے دوران بڑے پیمانے پر اضافہ دیکھا گیا ہے اور نئی ٹیکنالوجی پر زور دیا گیا ہے جس کے نتیجے میں تقریباً 5000 کروڑ روپے کی بچت ہوئی ہے۔ وزیر نے بتایا کہ پبلک ڈومین میں دستیاب ڈیٹا اسٹارٹ اپس، کاروباری افراد، کاروبار، سول سوسائٹی، ماہرین تعلیم اور دیگر سرکاری محکموں کے لیے مصنوعات بنانے، تحقیق کرنے، سرمایہ کاری کی منصوبہ بندی، خدمات کی فراہمی کو بہتر بنانے اور آفات کے فوری ردعمل کے لیے فائدہ مند ثابت ہو سکتا ہے۔

جناب این این سنہا، سکریٹری (آر ڈی) نے بتایا کیا کہ دیہی انفراسٹرکچر جی آئی ایس ڈیٹا شہری اور دیہی ہندوستان کے درمیان فرق کو ختم کرنے اور ہندوستان کو آتم نربھر بھارت میں تبدیل کرنے میں مدد کرے گا۔ انھوں نے یہ تصور بھی پیش کیا کہ پورٹل پر تمام پتے ڈجیٹل ہونے کے بعد ضروری اشیا جیسے ویکسین کی ترسیل کے لیے ڈرون کا استعمال کیا جا سکتا ہے۔

جی آئی ایس ڈیٹا کے اجرا کے بعد ایک تکنیکی سیشن ہوا جہاں ای ایس آر آئی انڈیا، میپ مائی انڈیا، ڈیٹا میٹ، گتی شکتی اور CDAC پونے کی طرف سے پرزنٹیشن پیش کیے گئے۔

پی ایم جی ایس وائی دیہی کنیکٹیویٹی ڈیٹاسیٹ (PRCD) کو جاری کیے جانے کے مطابق ڈاؤن لوڈ کرنے کا لنک:

https://geosadak-pmgsy.nic.in/OpenData

یہ ڈیٹا حکومت ہند کے اوپن ڈیٹا لائسنس کے تحت جاری کیا گیا ہے اور عوام کے استعمال کے لیے مفت دستیاب ہے۔

                                               **************

ش ح۔ ف ش ع- م ف

U: 1906