ইকাইখুম্নবদা মতিক চারবা, প্রধান মন্ত্রী, শ্রী নরেন্দ্র মোদি অমসুং অবু ধাবিগী ক্রাউন প্রিন্স, ঐচ.ঐচ. শৈখ মোআম্মদ বিন জায়েদ অল নাহয়ান্না ঙসি ভর্চুৱল সমিত অমা পাংথোকখি। লুচিংবা অনিমক্না সেক্তর খুদিংমক্তা বাইলেতরেল রিলেশন অসিদা লেপ্তনা চাউখৎলকপা অসিগী য়াম্না পেনবা ফোংদোকখি।

ইকাইখুম্নবদা মতিক চারবা প্রধান মন্ত্রী অমসুং হিস হাইনেস দ ক্রাউন প্রিন্সনা জোইন্ত ভিজন স্তেতমেন্ত অমা থোকখি “এদভান্সিং দ ইন্দিয়া এন্দ বু.এ.ই. কমপ্রেহেন্সিব স্ত্রেতেজিক পার্তনর্শিপ: ন্যু ফ্রন্তিয়র্স, ন্যু মাইলস্তোন”। স্তেতমেন্ত অসিনা ভারত অমসুং য়ু.এ.ই.গী মরক্তা তুং-কোইনগী ওইগদবা পার্তনর্শিপ অমগীদমক্তা লম্বি অমা শেম্লি অমসুং মীৎয়েং থমগদবা এরিয়াশিং অমসুং আউৎকমশিং অদুবু মশক খঙদোকই। মাইকৈ অনিমক্না পাম্লিবা পান্দম অসি ইকোনোমী, ইনর্জী, ক্লাইমেত এক্সন, থোরক্লিবা তেক্নোলোজীশিং, স্কিলশিং অমসুং এজুকেশন, ফুদ সেক্যুরিতী, হেল্থকিয়র অমসুং দিফেন্স অমসুং সেক্যুরিতী য়াওনা তোঙান-তোঙানবা সেক্তরশিংদা অনৌবা ত্রেদ, ইনভেস্তমেন্ত অমসুং ইন্নোভেশন দাইনামিক য়োকখৎপবুনি।

ভর্চুৱল সমিত অসিগী মরু ওইবা ৱাফমদি কমর্স অমসুং ইন্দস্ত্রীগী মন্ত্রী, স্রী পিয়ুশ গোয়ল অমসুং য়ু.এ.ই.গী ইকোনোমীগী মন্ত্রী, ঐচ. ই. অবদুল্লাহ বিন তৌক অল মারি, লুচিংবা অনি অসিনা ভর্চুৱল ওইনা উনদুনা ভারত-য়ু.এ.ই. কমপ্রেহেন্সিব ইকোনোমিক পার্তনর্শিপ এগ্রীমেন্ত (সি.এ.পি.এ.)গী খুৎয়েক পীনবা অমসুং এক্সচেঞ্জ তৌবনি। এগ্রীমেন্ত অসিনা মার্কেত এক্সেস হেনগৎহনবা অমসুং তারিফশিং হন্থহনবা য়াওনা, ভারত অমসুং য়ু.এ.ই.গী বিজনেসশিংদা য়াম্না কান্নবা পীগনি। সি.ই.পি.এ. অসিনা লাক্কদবা চহি ৫ অসিদা বাইলেতরেল ত্রেদ অদু হৌজিক ওইরিবা য়ু.এস. দোলার বিলিয়ন ৬০দগী য়ু.এস. দোলর বিলিয়ন ১০০দা হেনগৎহল্লগনি হায়না থাজবা থম্লি। 

লুচিংবা অনি অসিনা ভারতকী নিংখা তমখিবগী ৭৫শুবা কুমওনগী থৌরমদা অমসুং য়ু.এ.ই.গী ফাউন্দেশনগী চই ৫০ শুবগী থৌরমদা জোইন্ত কমেমোরেতিব স্তাম্প রিলীজ তৌখি। সমিত অসিদা ভারত অমসুং য়ু.এ.ই. এন্তাইতীশিংগী মরক্তা খুৎয়েক পীনখিবা এম.ও.য়ু. অনি অদুসু লাউথোকখি। হায়রিবশিং অসি ফুদ সেক্যুরিতী কোরিদোর ইনিসিয়েতিবকী মতাংদা এ.পি.ই.দি.এ. অমসুং দি.পি. ৱার্ল্দ অমসুং অল দাহরাগী মরক্তা থমখিবা এম.ও.য়ু. অমসুং ফাইনান্সিয়েল প্রোজেক্তশিং অমসুং সার্বিসশিংগী মতাংদা তেংবাং পীনবগী মতাংদা ভারতকী গিফ সিতী অমসুং অবু ধাবি গ্লোবল মার্কেতকী মরক্তা থমখিবা এম.ও.য়ু.নি। অতোপ্পা এম.ও.য়ু. অনি- ক্লাইমেত এক্সনগী মতাংদা তেংবাং পীনবা অমসুং অতোপ্পা অমনা এজুকেশনগী মতাংদসু মাইকৈ অনিমক্কী মরক্তা অয়াবা পুরকখি।

প্রধান মন্ত্রীনা কোবিদ লাইচৎ মনুংদা ইন্দিয়ন কম্যুনিতীবু নিংথিনা ঙাক-শেন্দুনা থম্বীবগীদমক্তা হিস হাইনেস অবু ধাবিগী ক্রাউন প্রিন্সপু থাগৎপা ফোংদোকখি। মহাক্না মহাকপু ভারত্তা লাক্নবা হায়রদুনা চেবাউসু পীখি।

*****