صحت اورخاندانی فلاح وبہبود کی مرکزی وزارت میں وزیرمملکت ڈاکٹربھارتی پروین پوارنے آج راجیہ سبھامیں ایک تحریری جواب میں یہ جانکاری فراہم کی ہے۔

فیئربینک کی بیماری (لمبی ہڈیوں سے علیحدہ  نشونماء  پانے والی ہڈی کی بے ڈھنگی ساخت کے کثیرمعاملات ) کے مریضوں  کو عام طورپردرد کی روک تھام اورہڈیوں وغیرہ کے نقائص کی درستی کے علاج کی ضرورت ہوتی ہے ۔ جس کے لئے بھارت میں طبی دیکھ بھال سے متعلق سہ سطحی نگہداشت  مراکز میں سہولتیں موجود ہیں ۔

اس کے علاوہ ایک اورشاذونادر ہونے والی بیماری کبرالجوارح (ہاتھ پاؤں یاچہرے کے بے ہنگم طورپربڑھ جانے کا مرض )، نشونما ء سے متعلق ہارمون کی کثیر مقدار میں ریزش  کی وجہ سے ہوتی ہے ۔ اس جسمانی خامی کی وجہ سے جب یہ بچوں اور نوعمر افراد میں نمایاں ہوتی ہے تو ان کے قد میں اضافہ ہوجاتاہے ۔

ان دونوں قسم کی بیماریوں میں مبتلا مریضوں کا میڈیکل کالجوں ، ایمس جیسے مرکزی اداروں اورمرکزی حکومت کے اسپتالوں  جیسے مختلف  طبی سہولتوں میں علاج کیاجاتاہے ۔ ان سہولتوں اوراداروں  میں بالکل مفت یا رعایتی شرحوں  پرعلاج دستیاب ہوتاہے اوراس کے علاوہ تیسرے درجے کی دیکھ بھال سے متعلق نجی اسپتالوں میں بھی اس کا علاج کیاجاتاہے ۔ کبرالجوارح  کے علاج میں استعمال کی جانے والی دوا، لازمی ادویات کی قومی فہرست 2015کے تحت ایک درج شدہ دواہے ۔اس لئے دواؤ ں کی فروخت کی قیمتیں طے کرنے والی قومی اتھارٹی نے قیمتوں کی اوپری حدطے کردی ہے ۔

*****

ش ح ۔ع م ۔ ع آ

U-1296