داخلی امور اور تعاون کےمرکزی وزیر جناب امت شاہ نے مرکزی بجٹ کو دور اندیشی  پر مبنی  قرار دیا ہے اور کہا ہے کہ یہ ہندوستان کی معیشت کے لیے پیمانے کو بدلنے والا بجٹ ثابت ہوگا۔ سلسلہ وار ٹویٹس میں جناب امت شاہ نے کہا کہ مودی حکومت کا یہ بجٹ ہندوستان کو خود انحصار بنائے گا اور آزادی کے 100ویں سال کے لیے ایک نئے ہندوستان کی بنیاد رکھے گا اور میں وزیر اعظم جناب نریندر مودی اور وزیر خزانہ محترمہ نرملا سیتا رمن کو  اس کے لیے مبارکباد دیتا ہوں۔

 داخلی امور  اورتعاون کے مرکزی وزیر نے کہا کہ بجٹ کے حجم کو 39.45 لاکھ کروڑ روپے تک بڑھانا کووڈ-19 وبائی امراض کے دوران بھی ہندوستان کی تیزی سے ترقی کرتی ہوئی معیشت کو ظاہر کرتا ہے۔ مالیاتی خسارے کے ہدف کو 6.9فیصد سے کم کر کے 6.4فیصد کرنا ایک بڑی کامیابی ہے، مجھے یقین ہے کہ ہندوستان وزیر اعظم جناب نریندر مودی کی قیادت میں مالیاتی خسارے کو 4فیصد سے نیچے لانے میں کامیاب ہو جائے گا۔

جناب امت شاہ نے کہا کہ خود کفیل ہندوستان کے لیے بجٹ کووڈ-19 وبائی امراض کے بعد عالمی معیشت میں پیدا ہونے والے مواقع سے فائدہ اٹھاتے ہوئے وزیر اعظم جناب نریندر مودی کی قیادت میں ہندوستان کو دنیا کی سرکردہ معیشت بنانے میں مددگار ثابت ہوگا۔

جناب شاہ نے کہا کہ جناب نریندر مودی نے کوآپریٹو سیکٹر میں اے ایم ٹی (متبادل کم از کم ٹیکس) کی شرح کو 18.5 فیصد سے کم کر کے 15 فیصد اور سرچارج کو 12 فیصد سے کم کر کے 7 فیصد کر دیا ہے۔ اس اقدام کے ذریعے کئی دہائیوں سے کوآپریٹو سیکٹر کے ساتھ ہونے والی ناانصافی کو ختم کیا اور اسے باقی شعبوں کے برابر لا کھڑا کیا ہے۔ یہ جناب مودی کے ‘سہکار سے سمردھی’ کے عزم کو پورا کرنے  میں  مددگار ثابت ہوگا۔

 داخلی امور اور تعاون کے مرکزی وزیر نے کہا کہ زیرو بجٹ والی کاشتکاری ، قدرتی کاشتکاری ،  دریاؤں کی مربوط کاری ، ون سٹیشن ون پروڈکٹ اور فارمر ڈرون جیسی کوششیں ہمارے کسانوں کو فائدہ پہنچائیں گی اور زراعت کے شعبے کو جدید اور خود انحصار بنانے کے وزیر اعظم جناب نریندر مودی کے عزم کو پورا کرنے میں اہم کردار ادا کریں گی۔

جناب امیت شاہ نے کہا کہ میں جناب مودی کو 35 فیصد سے بڑھ کر 7.5 لاکھ کروڑ روپے کی سرمایہ کاری کے لیے مبارکباد دیتا ہوں۔ اس کے علاوہ ریاستوں کو دی جانے والی رقم کو 15,000 کروڑ روپے سے بڑھا کر 1 لاکھ کروڑ روپے کر دینا جناب مودی کی وفاقی ڈھانچے کو مضبوط کرنے کی کوششوں کا منہ بولتا ثبوت ہے۔

 داخلی امور اور تعاون کے مرکزی وزیر نے کہا کہ مالی شمولیت کو فروغ دینے کے لیے تمام 1.5 لاکھ ڈاک خانوں کو کور بینکنگ سے جوڑنے سے دیہی لوگوں اور بزرگ شہریوں کو بہت فائدہ ہوگا۔ اس کے ساتھ ہی ڈیجیٹل ادائیگیوں کی حوصلہ افزائی کے لیے 75اضلاع میں 75 ڈیجیٹل بینک بھی قائم کیے جائیں گے۔

جناب امت شاہ نے کہا کہ شمال مشرقی خطہ کی ترقی ہمیشہ مودی حکومت کی اولین ترجیح رہی ہے۔ شمال مشرق کے لیے ‘وزیراعظم  کی ترقیاتی  پہل قدمی ’ کا اعلان ایک خوشحال شمال مشرق کے وزیر اعظم مودی کے وژن کو عملی جامہ پہنانے کے سلسلے میں ایک طویل سفر طے کرے گا۔

 داخلی امور اور تعاون کے مرکزی وزیر نے کہا کہ جناب مودی غریبوں کے معیار زندگی کو بہتر بنانے کے لیے پرعزم ہیں، اس عزم کو تقویت دیتے ہوئے، جناب مودی نے ہر گھر جل یوجنا کے تحت 60,000 کروڑ روپے فراہم کرکے 3.83 کروڑ گھروں کو پینے کا صاف پانی فراہم کیا ہے اور یہ فیصلہ کیا ہے کہ پی ایم آواس یوجنا کے تحت 48,000 کروڑ روپے فراہم کر کے 80 لاکھ غریبوں کو مکان فراہم کریں گے۔

****************

 (ش ح ۔س ب۔رض )

U NO: 972