কেন্দ্রগী গৃহ অমসুং কোওপরেসন মন্ত্রী শ্রী অমিত শাহনা কেন্দ্রগী বজেৎ অসিনা তুংলমচৎকীদমক খল্লি হায়খি অমসুং মসিনা ভারতকী শেন্মীৎলোনগীদমক অচৌবা অওনবা পুরক্কদবা বেজৎ অমনি হায়বা তাক্লগনি ফোঙদোকখ্রে। ত্বিত মথং-মথং তৌরদুনা শ্রী অমিত শাহনা মোদী সরকারনা পুথোকপা বজেৎ অসিনা ভারতপু আত্মনির্ভর ওইহল্লগনি অমসুং নীংখা তম্বগী চহি ১০০ শুরকপগী অনৌবা ভারতকীদমক য়ুম্ফম থোল্লগনি অমসুং মসিগীদমক ঐহাক্না প্রধান মন্ত্রী শ্রী নরেন্দ্র মোদী অমসুং শেল-থুম মন্ত্রী শ্রীমতি নির্মলা সীতারামনবু থাগৎচরি।

বজেৎকী সাইজ লুপা করোর লাখ ৩৯.৪৫ হেনগৎহনবা অসিনা কোবিদ-১৯ লাইচৎ মনুংদসু ভারতকী শেন্মীৎলোন অসি লাপ্তনা চাউখৎলি হায়বা উৎলি হায়না কেন্দ্রগী গৃহ অমসুং কোওপরেসন মন্ত্রীনা ফোঙদোকখি। ফিস্কেল দেফিসিৎকী তার্গেৎ অসিবু ৬.৯%দগী ৬.৪%দা হন্থহল্লিবা অসি অচৌবা মাইপাকপা অমনি, প্রধান মন্ত্রী শ্রী নরেন্দ্র মোদীগী লুচিং মখাদা ফিস্কেল দেফিসিৎপু ৪%গী মখাদা পুরকপা ভারতনা ঙমগনি হায়না ঐহাক্না থাজৈ।

কোবিদ-১৯ লাইচৎকী মতুংদা গ্লোবেল ইকনোমিক্কী লমদা থোরক্লিবা খুদোংচাবশিং অসি লৌদুনা আত্মনির্ভর ভারত অমগীদমক বজেৎ অসিনা ভারতপু প্রধান মন্ত্রী শ্রী নরেন্দ্র মোদীগী লুচিং মখাদা মালেমগী মাংজিল থারিবা ইকনোমী অমা ওইহনবদা মতেং ওইরগনি হায়না শ্রী অমিত শাহনা ফোঙদোকখ্রে।

শ্রী শাহনা হায়খি শ্রী নরেন্দ্র মোদীনা কোওপরেতিব সেক্তরদা এ.এম.তি. (অল্তর্নেৎ মিনিম্ম তেক্স) রেৎ অসি ১৮.৫%দগী ১৫%দা হন্থহনখি অমসুং ১২%দগী ৭%দা সরচার্জ তৌদুনা দিকেদ কয়া কোওপরেতিব সেক্তরদা পীরমখিবা অৱাবা অদু কোকহল্লি অমসুং অতোপ্পা সেক্তরশিংগা চাং মান্ননা থম্লি। মসিনা শ্রী নরেন্দ্র মোদীগী ‘সরকার সে সমরিদ্ধি’ হায়বা ফিরেপ অদু থুংহনবদা মতেং ওইরগনি।
জেরো বজেৎ ফার্মিং, নেচরেল ফার্মিং, রিভর লিঙ্কিং, ৱান স্তেসন-ৱান প্রদক্ত অমসুং ফার্মর দ্রোনশিং অসিগুম্বা খোঙথাংশিং অসিনা ঐখোয়গী লৌমী ইচিল-ইনাওশিংদা কান্নবা পীরগনি অমসিং প্রধান মন্ত্রী শ্রী নরেন্দ্র মোদীগী এগ্রিকলচর সেক্তর মোদর্ন অমসুং আত্মনির্ভর ওইহন্নবা ফিরেপ অদু থুংহনবদা মরু ওইবা থৌদাং অমা লৌরগনি হায়না কেন্দ্রগী গৃহ অমসুং কোওপরেসন মন্ত্রীনা ফোঙদোকখ্রে।

শ্রী অমিত শাহনা শ্রী নরেন্দ্র মোদীনা কেপিতেল ইনভেস্তমেন্তদা ৩৫% হেনগৎহন্দুনা লুপা করোর লাখ ৭.৫ ওইহনখিববু ঐহাক্না থাগৎচরি হায়না ফোঙদোকখি। লোয়ননা,
রাজ্যশিংদা পীখিবা শেনফমদা লুপা করোর ১৫,০০০দগী লুপা করোর লাখ ১দা হেনগৎহনবা অসিনা শ্রী নরেন্দ্র মোদীনা ফেদরেল স্ত্রকচর মপাঙ্গল কনখৎনবা হোৎনৈ হায়বগী খুদম অমা ওইরি হায়খ্রে।
গৃহ অমসুং কোওপরেসন মন্ত্রীনা ফাইনান্সিএল ইনক্লুজন প্রমোৎ তৌনবা পোস্ত ওফিস লাখ ১.৫বু কোর বেঙ্কিং তৌবা অসিনা খুঙ্গংগী মীয়াম অমদি সিনিয়র সিতিজেনশিংদা চাউনা কান্নবা পীরগনি হায়খ্রে। মসিগা ইরোইননা, দিজিতেল পেমেন্তশিং থৌগৎনবা জিলা ৭৫তা দিজিতেল বেঙ্ক ৭৫সু হাংলগনি।

কেন্দ্রগী মন্ত্রী শ্রী অমিত শাহনা হায়খি অৱাং-নোংপোক থংবা লমদমগী চাউখৎ-থৌরাং অসি মোদী সরকারগী খ্বাইদগী মরু ওইবা মীৎয়েং থম্লিবা হিরম অমা মতম চুপ্পদা ওইদুনা লাকখি। অৱাং-নোংপোক্কীদমক ‘পি.এম. দিবেলপমেন্ত ইনিসিএতিব’ লাউথোকপা অসিনা অৱাং-নোংপোক চাউখৎনবা পি.এম.গী বিজন অসি মঙফাওনহনবদা চাউনা মতেং ওইরগনি।

কেন্দ্রগী গৃহ অমসুং কোওপরেসন মন্ত্রীনা শ্রী মোদীনা লায়রবশিংগী হিংবগী মওং অসি ফগৎহন্নবা ৱাখল চপ য়ুংনা লেপখি, মসিগী ফিরেপ অসিবু ইনোৎ হাপ্লদুনা শ্রী মোদীনা হর ঘর জল য়োজনাগী মখাদা লুপা করোর ৬০,০০০ কাইথদুনা য়ুম করোর ৩.৮৩দা অফবা থক্নবা ঈশিং ফংহনখি অমসুং পি.এম. আৱাজ য়োজনাগী মখাদা লুপা করোর ৪৮,০০০ কাইথদুনা লায়রবা ইমুং লাখ ৮০দা য়ুমশিং ফংহন্নবা ৱারেপ লৌখি হায়না ফোঙদোকখ্রে।

*****