“কোবিদকী মায়োক্তা লান্থেংনবা অসি কেন্দ্র অমসুং রাজ্যশিংগী অপুনবা খোঙথাং অমসুং অপুনবা থৌদাংনি, অমসুং ঐখোয়না চুংশিন্নবা ৱাখল্লোন অমগা লোয়ননা পব্লিক হেল্থকী শিংনবা অসি মায়োক্নবদা ঐখোয়না নুংঙাইবা পোকই”। ৱাফম অসি ঙসি হকশেল অমসুং য়াইফ-য়ুম্বালগী কেন্দ্র মন্ত্রী দা. মনসুখ মন্দাবিয়ানা ভর্চ্যুএল ওইনা নোংপোক থংবা রাজ্য মঙা, ওরিশা, বিহার, ছত্তিসগর, ঝার্খন্দ অমসুং নোংচুপ বেঙ্গলগী প্রিন্সিপল সেক্রেতরীশিং/এদিস্নেল চীফ সেক্রেতরীশিং অমসুং ইনফোর্মেসন কম্মিস্নরশিংগা ৱারী-ৱাতাই শাবদা ফোঙদোকখিবনি। ভর্চ্যুএলগী মীফম অসিদা হকশেলগী কেন্দ্রগী রাজ্য মন্ত্রী দা. ভারতি প্রবিন পাৱর য়াওদুনা কোবিদ-১০ লাকশিন্নবা অমসুং মসিগী মেনেজমেন্ত তৌনবগী পব্লিক হেল্থকী শেম-শারিবা অমসুং নেস্নেল কোবিদ১৯ ভেক্সিনেসন কেম্পেনগী খোঙজেল য়েংশিন্নবা পাংথোকখি। থৌরম অদুদা নিতি আয়োগকী মেম্বর (হেল্থ) ওইরিবা দা. ভি.কে. পোলসু শরুক য়াখি।

অৱাংবা থাক্কী য়েংশিন মীফম অসিদা শরুক য়াখিবা রাজ্যগী হকশেল মন্ত্রীশিং অদুদা শ্রী বন্না গুপতা (ঝার্খন্দ), শ্রী তি.এস. সিংহ দিও (ছত্তিসগর) অমসুং শ্রী মঙ্গল পান্দে (বিহার) য়াওখি। রাজ্যগী হকশেল মন্ত্রীশিংনা অমত্তা ওইনা কোবিদ লাইচৎ অসিগী মেনেজমেন্ত তৌবদা ভারত সরকারনা লেপ্পা লৈতনা মতেং পীখিবগীদমক কেন্দ্রগী হকশেল মন্ত্রীবু থাগৎপা ফোঙদোকখি।

কোবিদকী ভেরিয়েন্তদা য়েংদনা, কোবিদ মেনেজমেন্তগী চাংয়েং তৌখ্রবা লালোং অদু অদুমক মখা চত্থনবা ‘তেস্ত-ত্রেক-ত্রীৎ-ভেক্সিনেৎ অমসুং কোবিদকী চুনবা চৎন-লোনচৎ ঙাক্না চৎনবা’ দা. মন্দাবিয়ানা ফোঙদোকখ্রে। “রাজ্য অয়াম্বদা এক্তিব কেসশিং অমসুং পোজিতিবিতী রেৎ অসি হৌখিবা চহি অনি অসিদা হন্থরকপা উবা ফংলবসু ঐখোয়না অদুমক সতর্ক (চেকশিনবা) ওইবা মথৌ তাই অমসুং কোমথোকপা তৌরোইদবনি”, হায়না মহাক্না ফোঙদোকখি। মহাক্না মখোয়দা নুমিৎ খুদিংগী ওইনা কেস পোজিতিবিতী রেৎ মোনিতর তৌনবা অমসুং অয়াম্বা রাজ্যশিংদা আর.তি.পি.সি.আর. তেস্তশিংগী শিয়র নেম্বা অসিনা আর.তি.-পি.সি.আর.গী তেস্তিং রেৎ হেনগৎহন্নবা হায়খ্রে। রাজ্যশিংদা হোস্পিতেলাইজ তৌবা অমসুং লৈখিদবগী মশিং অসি কুপ্না য়েংশিন্নবসু পাউতাক পীখি। “হোস্পিতেলাইজ তৌখিবা কেসশিং, লৈখিদবা অমসুং ভেন্তিলেতর অমদু ওক্সিজেন সপোর্ত্তা লৈরিবশিং অসিদা তীকা থাদোক্লবা অমদি তীকা থাদোক্ত্রিবগী চাং অসি রাজ্যগী থাক্তা য়েংশিনবা মরু ওইবা”, হায়না মখোয়না মহাক্না পাউতাক পীখি।

কেন্দ্রগী হকশেল মন্ত্রীনা হৌজিক লৈরিবা হেল্থকিয়র ইনফ্রাস্ত্রকচর অসি মপাঙ্গল কনখৎহন্নবা অমসুং মথৌ তারকপগী মতুং ইন্না অনৌবা শেমগৎনবা ই.সি.আর.পি.-II ফন্দশিং মপুং ফানা অমসুং নীংথিনা শিজিন্ননবা রাজ্য পুম্নমক্তা মহাক্কী পীখিবা পাউতাক অদু নৌহৌনা থমখি। ই.সি.আর.পি.-IIগী মখাদা পীথখিবা ফন্দশিং অসি মার্চ ৩১, ২০২২দা লেপ্স চৎখিগদবনা, রাজ্যশিংনা চাং নাইনা মসিগী খুমাং চাউশিনবগী চাং য়েংশিন্নবা হায়খ্রে মরমদি মসিগী হেল্থকিয়র ইনফ্রাস্ত্রকচর অসিদা হৌজিক-হৌজিক থেংনরিবা লাইচৎ মনুংদা শীজিন্নদ্রবসু তুংলমচৎতা মীয়ামগী শেবা তৌগনি। মহাক্না মখোয়দা পি.এস.এ. প্লান্তশিং, এল.এম.ও. স্তোরেজ তেঙ্কশিং অমসুং এম.জি.পি.এস.গী ইনস্তোলেসন অমসুং কম্মিসন খোঙজেল য়াংনা লোইশিন্নবা হায়খ্রে।

তীকা থাদোকপা অসিনা পেন্দেমিক মেনেজমেন্তগী খ্বাইদগী মরু ওইবা খুৎলাইনি হায়রদুনা দা. মন্দাবিয়ানা রাজ্যশিংদা ইলিজিবল ওইবা মীওই পুম্নমক, মরু ওইনা চহি কাংলুপ ১৫-১৭ অমসুং অনিশুবা দোজ কাপত্রিবশিংগী ভেক্সিনেসন খোঙজেল য়াংখৎহন্নবা পাউতাক পীখি।

ইসঞ্জীবানিগুম্বা প্লেৎফোর্মশিংগী খুত্থাংদা তেলি-কনসল্তেসনগী মরু ওইবা অদু থম্লদুনা দা. মন্দাবিয়ানা দিস্ত্রিক্ত হোস্পিতাল খুদিংমক্তা তেলি-কনসল্তেসনগী হবশিং থম্নবা অমসুং এ.বি.ঐচ.দবল্যু.সি.পুম্নমক্কী স্পোকশিং থম্বা অথুবদা হেনগৎহন্নবা হায়খি, মদিনা লৈবাক্কী মনুং হঞ্জিনবা মফমশিংদা লৈরিবা মীয়ামদা অমসুং হেল্থকিয়র এক্সেস তৌবদা মতেং ওইরগনি। মসি হৌজিক মায়োক্নরিবা লাইচৎ অসিদা খক্তা নত্তনা নন-কোবিদ হেল্থকিয়রদসু শিজিন্নবা য়ারগনি হায়না মহাক্না ফোঙদোকখি।

হোস্পিতাল ইনফ্রাস্ত্রকচর ফগৎহনবা; তেস্ত তৌবা হেনগৎহনবা; লাইনা শন্দোকপগী চেন অসি থুগাইনবা অকনবা অথিংবা থম্বগী পাম্বৈশিং পাইখৎনবা; অমসুং মীয়ামগী মরক্তা কোবিদকী চুনবা চৎন-লোনচৎ ঙাক্না চৎপা য়াওনা কোবিদ মেনেজেমেন্তগী তোঙান-তোঙানবা হীরমশিংগী মতাংদা কম্প্রিহেন্সিব ওইবা অমসুং কুপ্না খন্ন-নৈনখি। রাজ্যশিংনা য়েংশিন মীফম অদুদা মখোয়না লৌখৎপা খ্বাইদগী অফবা খোঙথাংশিং পাউদমখি। ঝার্খন্দননা ভেক্সিনেসনগীদমক মাইগ্রেন্ত ৱার্করশিংগী দেতা খোমগৎপগী মতাংদা পাউদমখি। ছত্তিসগরনা পোজিতিব ওইবা মীওইশিংদা তীকা থাদোকপা অমদি থাদোক্তবগী নীংথিনা এনলাইসিস তৌখি হায়না পনখি , অমরোমদা বিহারনা স্পীদ পোস্তকী খুত্থাংদা হোম আইসোলেসন্দা লৈরিবা কোবিদ পোজিতিব ওইবা অনাবশিংদা হীদাক-লাংথকশিং ময়ুমগী থোংজিল ফাওবা দেলিভরী তৌবগী মখোয়গী থৌরাং অদু ফোঙদোকখি।

মীফম অদুদা কেন্দ্রগী হকশেল সেক্রেতরী শ্রী রাজেশ ভুশন, আই.সি.এম.আর.গী দি.জি. দা. বলরাম ভার্গবা, এ.এস. (হকশেল মন্ত্রালয়) দা. মনোহর অঙ্গনানি, এম্স ন্যু দিল্লীগী দিরেক্তর দা. রন্দীপ গুলেরিয়া, জে.এস. (হকশেল মন্ত্রালয়) শ্রী দব অগর্ৱাল, দিরেক্তর (এন.সি.দি.সি.) দা. সুজীত কুমার সিংহ, অমসুং রাজ্যদগী মকোক থোংবা ওফিসিএলশিংনা শরুক য়াখি।

****