ঙাকশেল মন্ত্রালয়
azadi ka amrit mahotsav

রাজপাথতা পাংথোক্কদবা নীংথিরবা গনতন্ত্রা দিবস নুমিৎ ২০২২গী পেরেদনা ‘নীংতম্বগী অমৃত মহোৎসব’কী শরুক অমা ওইনা ভারতকী মিলিতরী অমসুং কলচরগী দাইভর্সিতীগী মপাঙ্গল উৎনবা শেম শাবা লোইরে

Posted On: 25 JAN 2022 1:09PM by PIB Imphal

রাস্ত্রপতি রাম নাথ কোবিন্দনা লৈবাকপু লুচিংদুনা জনুৱারী ২৬, ২০২২দা লৈবাক অসি ৭৩শুবা গনতন্ত্রা দিবস নুমিৎ পাংথোক্কনি। হন্দক্কী গনতন্ত্রা দিবস নুমিৎনা লৈবাক শিনবা থুংবদা ‘নীংতম্বগী অমৃত মহোৎসব’ হায়না পাংথোক্লিবা লৈবাক্কী নীংতম্বগী চহি ৭৫শুরকপা মতমদা তাবনা, থৌরম অসিদি অখন্নবা ওইরগনি। ঙাক-শেল মন্ত্রালয়না থৌরম অসিবু অখন্নবা ওইহন্নবগীদমক্তা জনুৱারী ২৬তা রাজপাথতা পাংথোক্কদবা মরু ওইবা থৌরম অমসুং জনুৱারী ২৯দা বিজয় চোক্তা পাংথোক্কদবা ‘বিতিং দি রিত্রীত’ থৌরমগীদমক্তা অনৌবা থৌরম কয়া শীন-লাঙদুনা থমখ্রে। গনতন্ত্রা দিবসকী নুংঙাইবা ফোংদোকপসি চহি খুদিংগী ওইনা জনুৱারী ২৩-৩০ ফাওবা চয়োল অমা চুপ্না পাংথোকপগী ৱারেপ লৌখ্রবনি। মসিগী থৌরম্না জনুৱারী ২৩, শক্নাইরবা নীংতম লান্মী নেতাজী সুভাস চন্দ্র বোসকী মপোক কুমওন্দগী হৌদুনা অথৌবশিংগী নুমিৎ হায়না পাংথোক্লিবা জনুৱারী ৩০দা লোইশিনগনি।

তোপ তোপ্পা অনৌবা থৌরম কয়া

মপুং ওইবা থৌরম অসিদা অহানবা ওইনা পাংথোক্নবা থৌরাং য়াৎখ্রবশিংগী মনুংদা নেস্নেল কেদেত কোর্না পাংথোকপা “শহিদোন কো শাত শাত নমন”; ভারতকী এয়র ফোর্সনা পাংথোকপা এয়রক্রাফ/হেলিকোপ্তর ৭৫না নোংথক্তা পাইবা; লৈবাক শিনবা থুংনা পাংথোকপা বন্দে ভারতম জগোয় চাংয়েংনবগী খুত্থাংদা খনগৎখ্রবা জগোয় শাবা ৪৮০না উৎপা কলচরেল পরফোর্মেন্স; ‘কালা কুম্ভ’ থৌরমগী মনুংদা শেমখিবা মীতর ৭৫ শাংবা স্ক্রোল ১০ উৎপা অমসুং থৌরম অসিবু য়েংবা লাকপা মীয়াম্না য়েংবা নুংঙাইনবগীদমক্তা অচৌবা এল.ই.দি. স্ক্রীন ১০ খিনবগী থৌওং য়াওরি। ‘বিতিং দি রিত্রীত’ থৌরমগীদমক্তা লৈবাকসিদা পুথোকচবা দ্রোন ১০০০না উৎকদবা দ্রোন শোগা লোয়ননা প্রোজেক্সন মেপিংগী থৌরাংসু য়াৎখ্রে।

পেরেদকী মতম হোংবা

মমাংদা পুং ১০দা হৌরম্বগী রাজপাথকী পেরেদনা পেরেদ অমসুং নোংথক্তা পাইবগী থৌরম ময়েক শেংনা য়েংবা য়াহন্নবগীদমক্তা হন্দক্তি অয়ুক্কী পুঙ্গা ১০.৩০দগী হৌরগনি।

দিজিতেল রেজিস্ত্রেসন

হৌজিক চৎলিবা কোবিদ-১৯গী লাইচৎ য়েংলদুনা অখন্নবা থৌওং খরা শীন লাঙখি। মীয়াম্না য়েংবগী সিত মশিংদা মশক থোক্না হন্থখি অমসুং থৌরম অসিবু ওনলাইন্দা লাইব য়েংনবগীদমক্তা মীয়ামদা মাইগোব পোর্তেলদা (https://www.mygov.in/rd2022/) রেজিস্ত্রেসন তৌনবা পুক্নিংসু থৌগৎখি। মখোয়না মীয়াম্না পাম্নবা কেতগরীগী মনুংদগী খ্বাইদগী নীংথিজবা মার্চিং কন্তিঞ্জেন্ত অমসুং তেব্লো খন্ননবা মশাগী ভোৎ পীবসু য়াগনি।

কোবিতগী ঙাকথোক্নবা থৌরাং

ভেক্সিন দোজ অনি কাপ্লবা অহল/দোজ অমা কাপ্লবা চহি ১৫ অমসুং মথক্কী অঙাংশিং খক্তমক পেরেদ অসি য়েংনবা মফমসিদা চঙবা য়াগনি। চহি ১৫গী মখাদা লৈবা অঙাংশিংদি চঙবা য়ারোই। সোসিএল দিস্তেন্সিংগী কাঙলোন খুদিংমক ইনগনি অমসুং মীয়াম পুম্নমক্না মাস্ক শোইদনা উপকদবনি। লাইচৎ অসি য়েংলদুনা মীরমগী কনিঞ্জেন্সী অমত্তনা হন্দক্কী থৌমসিদা শরুক য়ারোই।

থৌরম য়েংবা লাকপা অখন্নবা মীওইশিং

পেরেদ অসি অয়াম্বা মতমদা য়েংবা ফংজদবা খুন্নাইগী কাঙলুপকী মীওইশিংদা থৌরম অসি য়েংবগী খুদোংচাবা পীনবা অখন্নবা থৌওং শীন লাঙখ্রে। ওতো-রিক্সো থৌবা, য়ুম শাবা মীওই, সফাই কর্মচারী অমসুং ফ্রন্তলাইন হেল্থ ৱর্করগী অখন্নবা কাঙলুপ খরবু গনতন্ত্রা দিবসকী মপুং ওইবা থৌরমগা লোয়ননা ‘বিতিং দি রিত্রীত’ সেরেমোনী য়েংবা অখন্ননা পাউজেল পীখি।

পেরেদ

প্রধান মন্ত্রীনা নেস্নেল ৱার মেমোরিএলদা চৎপগা লোয়ননা গনতন্ত্রা দিবস নুমিৎকী পেরেদ অসি হৌদোক্কনি। মহাক্না লৈবাকপু লুচিংদুনা লৈবাক্কীদমক্তা থৱাই থাখ্রবা অথৌবশিংগী মফমদা লৈ কত্তুনা ইকায় খুম্নগনি। মদুগী মতুংদা, প্রধান মন্ত্রী অমসুং অতোপ্পা মীথুংলেনশিংনা পেরেদ অসিবু মিৎয়েং তানবগীদমক্তা রাজপাথকী সলাম কৎফম দাইস্তা লেংশিনগনি।

চৎনবগীগী মতুং ইন্না, লৈবাক্কী ফিরাল হাইহল্লবা তুংদা নেস্নেল এন্থেম শক্তুনা তোপ ২১গী নোংমৈগী সেল্যুত পীগনি। রাস্ত্রপতি রাম নাথ কোবিন্দনা সলাম কৎলবা মতুংদা পেরেদ হৌগনি। পেরেদ অসিবু পেরেদ কম্মান্দর, লিউতেনেন্ত জেনেরেল বিজয় কুমার মিশ্রা, অতি বিশিস্থ সেবা মেদল, সেকেন্দ-জেনেরেসন আর্মী ওফিসর অমা ওইরিবসিনা লুচিংগনি। মেজর জেনেরেল অলোক কাক্কর, চীফ ওফ স্তাফ, দিল্লী এরিয়ানা পেরেদ অসিগী সেকেন্দ ইন-কম্মান্দ ওইগনি।

মসিগী মতুং তারকপদা, খ্বাইদগী থাক ৱাংবা অমসুং লেমজনীংঙাই ওইরবা গেলেন্তরী এৱার্দ ফংলবশিংনা তুং ইনগনি। মসিগী মনুং চনগদবশিংদি পরম ভির চক্রা অমসুং অশোক চক্রা ফংবশিং য়াওগনি। পরম বির চক্রা ফংলবা সুবেদার মেজর (হোনোরেরী কেপ্তেন) য়োগেন্দ্র সিংহ য়াদব, ১৮ গ্রেনেদিয়র (রিতাইয়র্দ) অমসুং সুবেদার (হোনোরেরী লিউতেনেন্ত) সঞ্জয় কুমার, ১৩ জে.এ.কে. রাইফল অমসুং অশোক চক্রা ফংলবা কোলোনেল দি. স্রীরাম কুমারনা জীপ তোংদুনা দেপ্যুতী পেরেদ কম্মান্দরগী তুং ইনগনি। পরম বির চক্রা অসি য়েক্নবগী মাংদা থৌনা অমসুং মশাবু কত্থোকপগী থৌওং উৎপগীদমক্তা পীবনি। অশোক চক্রা অসিসু মান্নবা থৌওংগীদমক্তা পীবনি, অদুবু মসিদদি য়েক্নবগী মমাংদা পাংথোক্কনি হায়বা লৈতে।

ইন্দিয়ন আর্মী কন্তিঞ্জেন্ত

মমাংদা লৈরম্বা গ্বালিয়র লেন্সরগী য়ুনিফোর্ম শেৎপা অহানবা কন্তিঞ্জেন্তনা মেজর মৃত্যুঞ্জোই সিংহ চাউহান্না লুচিংবা ৬১ কেভেলরীনা ওইগনি। ৬১ কেভেলরী অসি মালেমগী ওইনা শগোল তোংদুনা হৌজিক মথৌ তৌরিবা অমত্তা ঙাইরবা কেভেলরীনি। মখোয় অসি ওগস্ত ১, ১৯৫৩দা রাজ্য তরুক্কী কেভেলরী য়ুনিৎশিং পুন্সিন্দুনা শেমখিবনি।

৬১ কেভেলরীগী শগোল তোংবা কলম অমা, মেকানাইজ কলম ১৪, মার্চিং কন্তিঞ্জেন্ত ৬ অমসুং আর্মী এভিএসনগী এদভান্স লাইত হেলিকোপ্তর (এ.এল.ঐচ.)না নোংথক্তা পাইদুনা ইন্দিয়ন আর্মীগী মীহুৎ ওইগনি। পি.তি.-৭৬ তেঙ্ক অমসুং সেঞ্চুরিয়ন (ওন তেঙ্ক ত্রান্সপোর্তর) অমা অমসুং এম.বি.তি. আর্জুন এম.কে.-১ অনি, এ.পি.সি. তোপাস অমসুং বি.এম.পি.-১ (ওন তেঙ্ক ত্রান্সপোর্তর) অমা অমসুং বি.এম.পি.-২ অনি, ৭৫/২৪ তাৱর গন (ওন ভেহিকল) অমা অমসুং ধনুশ গন সীস্তেম অনি, পি.এম.এস. ব্রিজ অমা অমসুং সর্বত্রা ব্রিজ সীস্তেম অনি, ঐচ.তি.-১৬ (ওন ভেহিকল) অমা অমসুং তরং শক্তি ইলেক্ত্রোনিক ৱারফিয়র সীস্তেম অনি, তাইগর কেত মিসাইল অমা অমসুং অকাশ মিসাইল সীস্তেম অনিনা মেকানাইজ কলমগী অখন্নবা এত্রেক্সন ওইগনি।

রাজপুত রেজিমেন্ত, দি অসম রেজিমেন্ত, দি জম্মু অমসুং কশ্মির লাইত রেজিমেন্ত, দি সিখ লাইত রেজিমেন্ত, দি আর্মী ওর্দনান্স কোর অমসুং পেরাচুত রেজিমেন্ত য়াওনা আর্মীগী মার্চিং কন্তিঞ্জেন্ত তরুক্না শরুক য়াগনি। মদ্রাস রেজিমেন্তেল সেন্তর, কুমাওন রেজিমেন্তেল সেন্তর, মরাথা লাইত রেজিমেন্তেল সেন্তর, জম্মু অমসুং কশ্মির লাইত রেজিমেন্তেল সেন্তর, আর্মী মেদিকেল কোর সেন্তর এন্দ স্কুম, ১৪ গুর্খা ত্রেনিং সেন্তর, আর্মী সপ্লাই কোর সেন্তর এন্দ কোলেজ, বিহার রেজিমেন্তেল সেন্তর অমসুং আর্মী ওর্দনান্স কোর সেন্তরগী অপুনবা বেন্দশিংনা সেলুতিং দাইস ফাওনা চৎকনি।

পাস্ত তু প্রজেন্তঃ ইভোল্যুসন তাক্নবা লান্মীশিংগী য়ুনিফোর্ম অমসুং খুৎলায়

মার্চিং কন্তিঞ্জেন্তকী থীম অসিদি মমাংগী চহি ৭৫ অসিদা ইন্দিয়ন আর্মীদা লাকখিবা য়ুনিফোর্ম অমসুং লান্মীশিংগী খুৎলায়গী ইভোল্যুসন উৎপনা ওইগনি। রাজপুত রেজিমেন্তকী কন্তিঞ্জেন্তনা ইন্দিয়ন আর্মীগী ১৯৪৭কী য়ুনিফোর্ম শেৎকনি অমসুং .৩০৩ রাইফল পায়গনি। অসম রেজিমেন্তনা ইন্দিয়ন আর্মীনা ১৯৬২গী মতমদা শেৎখিবা য়ুনিফোর্ম শেৎকনি অমসুং .৩০৩ রাইফল পায়গনি। জম্মু অমসুং কশ্মির রেজিমেন্তনা ১৯৭১গী মনুংদা শেৎখিবা য়ুনিফোর্ম শেৎকনি অমসুং ৭.৬২ এম.এম.গী সেল্ফ লোদিং রাইফল পায়গনি। সিখ লাইত রেজিমেন্ত অমসুং আর্মী ওর্দনান্স কোরনা হৌজিক্কী মতমদা শেৎলিবা য়ুনিফোর্ম শেৎকনিঅমসুং ৫.৫৬ এম.এম. ইন্সাস রাইফল পায়গনি। পেরাচুত রেজিমেন্তকী কন্তিঞ্জেন্তনা জনুৱারী ১৫, ২০২২দা মীয়ামদা হাংদোকখিবা ইন্দিয়ন আর্মীগী অনৌবা কোম্বেত য়ুনিফোর্ম শেৎকনি অমসুং ৫.৫৬ এম.এম.x৪৫ এম.এম. তেভোর রাইফল পায়গনি।

ইন্দিয়ন নেভী কন্তিঞ্জেন্ত

নেভেল কন্তিঞ্জেন্তনা নহা ওরিবা সেলর ৯৬ অমসুং ওফিসর ৪গা লোয়ননা লেফতেনেন্ত কম্মান্দর আঞ্চল শর্মনা কন্তিঞ্জেন্ত কম্মান্দর ওইনা লুচিংগনি। ইন্দিয়ন নেভীগী দাইমেসন য়াম্বা মতিক অমসুং ‘আত্মানির্ভর ভারত’কী মখাদা নৌনা হাপখিবা মরু ওইবা পথাপশিং উৎপগী পান্দম থমদুনা দিজাইন তৌখিবা নেভেল তেব্লোনা মতুং ইনগনি। তেব্লো অসিদা হৌজিক চত্থরিবা ‘নীংতম্বগী অমৃত মহোৎসব’কী হীরমসু অখন্ননা য়াওগনি।

তেব্লো অসিগী মমাংথংবা শরুক্তা ভারতকী নীংতম ইহৌদা শরুক তমখিবা ১৯৪৬কী নেভেল ইহৌগী শক্তম তাক্লি। ময়াই থংবা শরুক্তা ইং ১৯৮৩দগী ২০২১ ফাওবদা ইন্দিয়ন নেভীনা পায়খৎখিবা ‘মেক ইন ইন্দিয়া’গী থবকশিং উৎকনি। অনৌবা ভিক্রান্তকী মোদেলদা নেভী এল.সি.এ.না মথক্তা পাইবা অমসুং লৈবাকসিদা শাজবা ৱারশিপকী মোদেলনা কোইশিনবগী শক্তমসু উবা ফংগনি। ত্রেলর অসিগী নাকলদা লৈবা মওং-মতৌশিংনা ভারত্তা ইন্দিয়ন নেভেল প্লেৎফোর্ম শাবগী শক্তম উৎকনি।

ইন্দিয়ন এয়র ফোর্স কন্তিঞ্জেন্ত

ইন্দিয়ন এয়র ফোর্স কন্তিঞ্জেন্ততা এয়রমেন ৯৬ অমসুং ওফিসর মরি য়াওগনি অমসুং মখোয়বু স্ক্বাদ্রোন লীদর প্রশান্ত স্বময়ানাথন্না লুচিংগনি। এয়র ফোর্সকী তেব্লো অসি “ইন্দিয়ন এয়র ফোর্স, ত্রান্সফোর্মিং ফোর দি ফ্যুচর’ হায়না মিংথোনগনি। তেব্লো অসিদা পিকথরবা মিগ-২১গী মোদেল, গ্নেত, লাইত কোম্বেত হেলিকোপ্তর অমসুং রাফাএল এয়রক্রাফকা লোয়ননা অস্লেসা রেদারগী মোদেলশিং উৎকনি।

দি.আর.দি.ও.গী তেব্লো

দিফেন্স রিসর্চ অমসুং দিভেলপমেন্ত (দি.আর.দি.ও.)না লৈবাক অসিদা দিফেন্স তেক্নোলোজী চাউখৎলকপগী শক্তম তাকপা তেব্লো অনি পুথোক্কনি। তেব্লোশিং অসি ‘সুইত ওফ ইন্দিজিনিয়সলী দিভেলপ সেন্সর, ৱেপন এন্দ ইলেক্ত্রোনিক ৱারফিয়র সীস্তেম ফোর এল.সি.এ. তেজাস’ অমসুং  ইন্দিয়ন নেভীগী সবমেরিনশিংগীদমক্তা পুথোকখিবা ‘এয়র ইন্দিপেন্দেন্ত প্রোপলসন সীস্তেম’ হায়না মিংথোনগনি।

অহানবা তেব্লোনা লৈবাক অসিদা পুথোকচবা এদভান্স ইলেক্ত্রোনিকেলী স্কেন্দ এরে রেদার; নোংথক্তা কাপ্পা তোঙানবা খুৎলায় মঙা অমসুং ফোর্থ জেনেরেসন এল.সি.এ. (লাইত কোম্বেত এয়রক্রাফ) তেজসকী মতিক হেনগৎহন্নবা ইলেক্ত্রোনিক ৱারফিয়র জেম্মর উৎকনি। অনিশুবা তেব্লোনা লৈবাক অসিদা পুথোকচবা ভারতকী নেভেলগী সবমেরিনশিংবু ঈশিংদা কাপ্নবা এ.আই.পি. সীস্তেম উৎকনি। এ.আই.পি. সীস্তেম অসি অনৌবা ওনবোর্দ হাইদ্রোজেন জেনেরেতর য়াওবা লৈবাক অসিদা পুথোকচবা ফুএল সেলনা পাৱর তৌবনি।

ইন্দিয়ন কোস্ত গার্দ কন্তিঞ্জেন্ত

ইন্দিয়ন কোস্ত গার্দ কন্তিঞ্জেন্ত (আই.সি.জি.) অসি দেপ্যুতী কম্মান্দেন্ত ঐচ.তি. কঞ্জুনাথনা লুচিংগনি। “রেদী, রিলিভেন্ত এন্দ রেস্পোন্সিব”, আই.সি.জি.না জনুৱারী ২০২১দা মীরমগী ঈশিংগী লমদা শ্রী লঙ্কাগী সমুদ্র তোর্বান্দগী চত্থোক্লগা লৈবা মফমদা এম.ভি. এক্স-প্রেস পর্লদা মৈ চাক্লকপবু মুত্থৎনবগীদমক্তা ‘সাগর আরক্সা-২’ কৌবা অচৌবা ওপরেসন অমা পায়খৎখি। আই.সি.জি.গী জহাজ অমসুং এয়রক্রাফনা লমদম অসিদা অচৌবা ইকোলোজিকেল দিজাজতর অমা থোকপদগী কনখি। আই.সি.জি.গী মোত্তো অসিদি “ঐখোয়না ঙাকথোকই” হায়না ৱাহন্থোক লৈবা “ভয়ম রক্সামাহ” হায়বনি।

সি.এ.পি.এফ. অমসুং দিল্লী পুলিস্কী কন্তিঞ্জেন্ত

এসিস্তেন্ত কম্মান্দর অজয় মালিক্না লুচিংবা সেন্ত্রেল রিজর্ব পুলিস ফোর্স (সি.এ.পি.এফ.)কী মার্চিং কন্তিঞ্জেন্ত; ১৫শুবা ওইনা বেস্ত মার্চিং কন্তিঞ্জেন্ত তাখ্রবা দিল্লী পুলিস, এসিস্তেন্ত কম্মিস্নর ওফ পুলিস, ভিভেক ভগৎনা লুচিংবা; এসিস্তেন্ত কম্মান্দেন্ত মোহনিশ বাগ্রীনা লুচিংবা সেন্ত্রেল ইন্দস্ত্রীএল সেক্যুরিতী ফোর্স (সি.আই}এস.এফ.); দেপ্যুতী কম্মান্দেন্ত নিরুপেশ কুমারনা লুচিংবা সশাত্রা সীমা বল (এস.এস.বি.) অমসুং দেপ্যুতী কম্মান্দেন্ত মনোহর সিংহ খীচীনা লুচিংবা বোর্দর সেক্যুরিতী ফোর্স (বি.এস.এফ.) কেমেল কন্তিঞ্জেন্তনা সেলুতিং দাইস লান্না চৎকনি।

এন.সি.সি. কন্তিঞ্জেন্ত

সেনিয়র দিভিসন কেদেত ১০০না শাবা নেস্নেল কেদেত কোর (এন.সি.সি.) বোইস মার্চিং কনতিঞ্জেন্ত অসি পঞ্জাব দাইরেক্তোরেতকী সেনিয়র অন্দর ওফিসর রুপেন্দ্র সিংহ চাউহান্না লুচিংগনি। কর্নাতকা দাইরেক্তোরেতকী সেনিয়র অন্দর ওফিসর প্রামিলানা অপুনবা দাইরেক্তোরেত ১৭কী সেনিয়র ৱিং কেদেত ১০০না শাবা এন.সি.সি. গর্ল্স মার্চিং কন্তিঞ্জেন্তপু লুচিংগনি। ভলন্তিয়র ১০০না শাবা নেস্নেল সর্ভিস স্কিম (এন.এস.এস.)গী মার্চিং কন্তিঞ্জেন্তপুনা অহমেদাবাদ দাইরেক্তোরেতকী দ্যু য়ুনিয়ন তেরিতোরীগী বরাইয়া সিধি রামেশনা লুচিংগনি।

তেব্লো

মখোয়শিং অসিদা রাজ্য/য়ু.তি. ১২ অমসুং মন্ত্রালয়/বিভাগ ৯গী তেব্লোনা তুং ইনগনি অমসুং মখোয় খুদিংনা “নীংতম্বগী অমৃত মহোৎসব”কী থীম ইন্দুনা শাবনি। মখোয়শিং অদুদি মখাদা পীরিঃ

মথং মনাও

রাজ্য/য়ু.তি.

থীম

অরুনাচল প্রদেশ

এঙ্গলো-অবোর (অদি) লান

হরিয়ানা

হরিয়ানাঃ নম্বর ১ ইন স্পোর্ত

ছতিসগর

গোধান ন্যায় য়োজনাঃ য়াইফ নুঙাইগী মাইকৈদা অনৌবা লম্বী অমা

গোৱা

গোৱাগী হেরিতেজকী খুদমশিং

গুজরাত

গুজরাতকী ত্রাইবেল য়াওল্লোইশিং

জম্মু অমসুং কশ্মির

জম্মু অমসুং কশ্মিরগী হোংলক্লিবা শক্তম

কর্নাতকা

কর্নাতকাঃ দি ক্রেদল ওফ ত্রেদিস্নেল হেন্দিক্রাফ

মহারাস্ত্রা

বাইওদাইবর্সিতী অমসুং মহারাস্ত্রাগী স্তেত বাইও সীম্বোলস

মেঘালয়

মেঘালয়গী স্তেতহুদকী চহি ৫০ অমসুং নুপীনা লুচিংবা কো-ওপরেতিব সোসাইতী অমসুং এস.ঐচ.জি.দা ইকায় খুম্নবা

১০

পঞ্জাব

নীংতম ইহৌদা পঞ্জাবকী তেংবাং

১১

উত্তর প্রদেশ

ওরোপ অমসুং কাশি বিশ্বনাথ ধাম

১২

উত্তরাখন্দ

প্রগতি কী ওর বরতা উত্তরাখন্দ

 

মন্ত্রালয়/বিভাগকী তেব্লোশিং মখাদা পীরি” 

 

মথং মনাও

মন্ত্রালয়/বিভাগ

থীম

এজুকেসন মন্ত্রালয় অমসুং স্কিল দিভেলপমেন্ত অমসুং ওন্তোপ্রিনর্শিপ মন্ত্রালয়

নেস্নেল এজুকেসন পোলিসী

সিভিল এভিএসন মন্ত্রালয়

উরান- উরে দেশ কে আম নাগ্রিক

কম্ম্যুনিকেসন মন্ত্রালয়/পোস্ত বিভাগ

ইন্দিয়া পোস্তঃ @রিজোল্বকী চহি ৭৫

  • ৱিমেন ইম্পাৱর্মেন্ত

হোম এফিয়র্স মন্ত্রালয় (সি.আর.পি.এফ.)

সি.আর.পি.এফ.- থৌনা অমসুং কত্থোকপগী সাগা

হাউজিং অমসুং অর্বান এফিয়র্স মন্ত্রালয় (সি.পি.দবল্যু.দি.)

সুভাস @২৫

তেক্সতাইল মন্ত্রালয়

শতলিং দি ফ্যুচর

লো অমসুং জস্তিস মন্ত্রালয়, জস্তিস বিভাগ

এক মুত্থি আস্মাঃ লোক অদালত, ইনক্লুসিব লিগেল সীস্তেম

জল শক্তি মন্ত্রালয়, দ্রিঙ্কিং ৱাতর এন্দ সেনিতেসন বিভাগ

জল জীবন মিসনঃ চেঞ্জিং লাইফ

কলচর মন্ত্রালয়

শ্রী ঔরোবিন্দোগী চহি ১৫০

 

তেব্লোশিং অসিগী মথংদা লৈবাক শিনবা থুংনা পাংথোকপা বন্দে ভারতম জগোয় চাংয়েংনবগী খুত্থাংদা খনগৎখ্রবা জগোয় শাবা ৪৮০না উৎপা কলচরেল পরফোর্মেন্সনা তুং ইনগনি। পেরেদ অসিদা শরুক য়ানবগীদমক্তা ভারত পুম্বদগী চাংয়েংনদুনা খনখিবা অসি হন্দক্কী অসিনা অহানবনি। মসিগী মতুংদা বি.এস.এফ.কী সীমা ভৱানি মোতোরসাইকল তীম অমসুং ইন্দো তিবেতান বোর্দর পুলিস (আই.তি.বি.পি.)গী হিম্ভীরশিংনা মোতোরসাইকল দিস্প্লে উৎকনি।

নোংথক্তা পাইবা (ফ্লাই পাস্ত)

পেরেদ অসিগী খ্বাইদগী অরোইবা অমসুং খ্বাইদগী ঙাইনবা থৌরম অসিদি অহানবা ওইনা পাংথোকপা ফ্লাই পাস্তনা ওইগনি। মসিদা ভারতকী এয়র ফোর্সনা পাংথোকপা এয়রক্রাফ/হেলিকোপ্তর ৭৫না নোংথক্তা পাইদুনা উৎকনি। ‘নীংতম্বগী অমৃত মহোৎসব’কী শরুক অমা ওইনা, ফোর্সনা ফোর্মেসন মশিং কয়া উৎকনি। রাফাইল, সুখোই, জাগুৱার, মি-১৭, সারং, অপাচে অমসুং দাকোতাগুম্বা হৌজিক শিজিন্নরিবা অমদি ভিন্তেজ এয়রক্রাফ/হেলিকোপ্তর কয়ানা রাহত, মেঘনা, এক্লাভ্যা, ত্রিশুল, তিরঙ্গা, বিজইয় অমসুং অমৃতকুম্বা তোঙান-তোঙানবা ফোর্মেসন কয়া উৎকনি। থৌরম অসিনা নেস্নেল এনথেমগা লোয়ননা মচু অহুমগী কয়াগী বেলুন থাদোক্তুনা লোইশিনগনি। আই.এ.এফ.না দুরদর্শনবা অহানবা ওইনা খুৎশম্নদুনা ফ্লাই পাস্তকী মনুংদা কোকপিতকী ভিদিও উৎকনি।

মখাদা পীরিবশিং অসি পেরেদ অসিদা পাংথোক্কদবা অনৌবা থৌওংশিংনিঃ

শহীদোন কো শাত শাত নমন

এন.সি.সি.গী লৈবাক শিনবা থুংবগী ফ্লেগশিপ প্রোগ্রাম, ‘শহীদোন দো শাত শাত নমন’বু জনুৱারী ২৬তা লৈবাকপু ঙাক শেনবদা থৱাই কৎখ্রবশিংবু ইকায় খুম্নবা ওইনা হৌদোক্কনি। অসিগুম্বা অথৌবশিংগী হেক নক্নবা মীওই, নেক্স ওফ কিন (এন.ও.কে.) চাউরাকপা ৫০০০দা এন.সি.সি. কেদেতশিংনা লৈবাক শিনবা থুংবদা প্লেক ওফ গ্রেতিচুদ খুৎশিন্নগনি। মসি প্রধান মন্ত্রী, শ্রী নরেন্দ্র মোদীনা নই-দিল্লীগী নেস্নেল ৱার মেমোরিএলদা অথৌবশিংগী মফমদা ইকায় খুম্নদুনা লৈ কৎপগী মতমগা চপ মান্ননা পাংথোক্কনি। প্রোগ্রাম অসিনা ওগস্ত ১৫, ২০২২ ফাওবদা পাংথোক্কনি। মতমসিগী মনুংদা, এন.সি.সি. ওফিসর/স্তেত দাইরেক্তোরেতকী পর্মানেন্ত ইন্সত্রক্তরশিং য়াওদুনা এন.সি.সি. কেদেতশিংনা নেস্নেল ৱার মেমোরিএলগী ফক্লাংদা মমিং হকখ্রবা অথৌবা ২৬,৪৬৬কী এন.ও.কে.শিংদা খুৎশিন্নদুনা ফেলিসিতেত তৌগনি।

কালা কুম্ভ – রাজপাথপু লৈতেংনবা চাউরবা স্ক্রোল পেন্তিং

অমমমনা মীতর ৭৫ শাংবা অমসুং ফীত ১৫ ৱাংবা স্ক্রোল ১০ অসিবু পেরেদ অসিগী মনুংদা রাজপাথতা উৎকনি। মখোয়শিং অসি দিফেন্স অমসুং কলচর মন্ত্রালয়না পুন্না পাংথোকমিন্নখিবা থৌরম ‘কালা কুম্ভ’ অসিদা শাখিবনি। স্ক্রোলশিং অসি তাঙ্কক অনি থোক্না ভুবনেশ্বর অমসুং চান্দিগরদা লৈবাক শিনবা থুংবগী মমিং লৈরবা অমসুং হৌগৎলক্লিবা নহাশিংনা য়েকখিবনি। নীংতম ইহৌদা মীয়াম্না শকখঙদ্রবা অথৌবশিংদগী ইথিল লৌদুনা ভারতকী নীংথিরবা হেরিতেজ অমসুং ইরমদমসিগী ওইবা অমসুং হৌজিক্কী মতমগী ভিজুএল আর্ত প্রেক্তিস কয়া উৎপনি।

ভারত নাত্যম নিত্য উৎসব

খ্বাইদগী অহানবা ওইনা, পেরেদ অসিদা পাংথোকপা কলচরেল প্রোগ্রামদা শরুক য়াবশিংবু দিফেন্স অমসুং কলচর মন্ত্রালয়না পুন্না পাংথোকখিবা ‘বন্দে ভারতম’গী লৈবাক শিনবা থুংবগী চাংয়েংনবগী থৌরমদগী খনগৎখি। জগোয় শাবা মীওই চাউরাকপা ৩৮৭০না কাংলুপ ৩২৩ থোক্না জিলাগী থাক্তা শরুক য়াদুনা হৌদোকখিবা চাংয়েংনবগী থৌরম অসিনা রাজ্য, জোনেলগী থাক্তা নবেম্বর অমসুং দিসেম্বর থাদা খুমাং চাউশিনখি। অকোনবদা, জগোয় শাবা মীওই ৪৮০বু খনগৎখি। মখোয়না রাজপাথতা চত্থগদৌরিবা পেরেদ অসিদা মখোয়গী হৈ শিংবা উৎকনি।

ভীর গথা – স্কুলগী মহৈরোইশিংনা ইবা থৌনা লৈবগী ৱারী

অতোপ্পা অহানবা থৌদোক অমগা, দিফেন্স মন্ত্রালয়না এজুকেসন মন্ত্রালয়গা খুৎশম্নদুনা লৈবাক শিনবা থুংবগী ‘ভীর গথা’ কম্পিতিসন পাংথোক্তুনা স্কুল মহৈরোইশিংদা গেলেন্তরী এৱার্দ ফংবশিংগী মতাংদা প্রোজেক্ত তৌনবা পুক্নিং থৌগৎখি। লৈবাক শিনবা থুংবগী স্কুল ৪৮০০গী মহৈরোইশিংনা মসিদা শরুক য়াদুনা এসে, শৈরেং, লাই য়েকপা অমসুং মলতিমীদিয়া প্রজেন্তেসনগী খুত্থাংদা মখোয়গী ইথিল পীনীংঙাই ওইরবা ৱারী থাগৎনরকখি। য়েংশিনবগী তাঙ্কক কয়াগী মতুংদা, ২৫ খনগৎখি অমসুং মখোয়বু মায় পাক্লে হায়না লাউথোকখি। মখোয়না লুপা লিশিং ১০,০০০গী শেলগী মনা ফংগনি অমসুং গনতন্ত্রা দিবস নুমিৎকী পেরেদ য়েংবগী খুদোংচাবসু ফংগনি।

সি.এ.পি.এফ.না পাংথোকপা স্তেতিক বেন্দ পরফোর্মেন্স

সেন্ত্রেল আর্ম্দ পুলিস ফোর্সকী কন্তিঞ্জেন্তনা পেরেদ অসি হৌদ্রিঙৈগী মমাংদা রাজপাথকী ফম্নবা কোইশিল্লবা মফমগী মনুংদা স্তেতিক বেন্দ পরফোর্মেন্স পাংথোক্কনি।

এল.ই.দি. স্ক্রীনশিং

পেরেদ অসিবু য়েংবদা হেন্না নুংঙাইহন্নবগীদমক্তা, চাউরবা এল.ই.দি. স্ক্রীন ১০, রাজপাথকী নাকল অমদা ৫/৫ থমদুনা, ইন্সতোল তৌগনি। মমাংগী গনতন্ত্রা দিবস নুমিৎকী খনগৎলবা ফুতেজ য়াওনা আর্ম্দ ফোর্স অমসুং তোঙানবা হীরমগা মরী লৈনবা থৌদোকশিংগী অতেনবা ফিল্ম কয়া আর.দি.সি. ২০২২ ঙাইবা ওইনা কাপকনি।  মসিগী মতুংদা, স্ক্রীনশিং অসিনা পেরেদ অসিবু লাইবতা অমুক্কা থাগনি।

বিতিং দি রিত্রীত সেরেমোনী

জনুৱারী ২৯দা বিজয় চোক্তা পাংথোক্কদবা হন্দক্কী ‘বিতিং দি রিত্রীত’ সেরেমোনী অসিদা মিলিতরী বেন্দশিংনা মার্সিএল ত্যুন খোংবগী মথক্তা অনৌবা থৌওং খরগী থৌরাংসু য়াৎখ্রে। মসিগী মনুংদা দ্রোন শো অমসুং প্রোজেক্সন মেপিং য়াওরি।

দ্রোন শো

লৈবাক অসিদা অনৌবা ‘দ্রোন শো’ অমগী ৱাখল্লোন পুথোক্তুনা মখা তানা কোরিওগ্রাফ তৌদুনা পুথোকখ্রে। মসিগী ‘মেক ইন ইন্দিয়া’ খোঙথাং অসি ইন্দিয়ন ইন্সতিত্যুৎ ওফ তেক্নোলোজী (দিল্লী) অমসুং সাইন্স অমসুং তেক্নোলোজী বিভাগনা শৌগত্তুনা ‘বোতলেব দাইনামিক্স’ কৌবা স্তার্ত-অপ অমনা শীন লাঙবনি। মিনিত ১০ শাংবা শো অসিদা লৈবাক অসিদা শেম-শাজখিবা দ্রোন ১০০০ য়াওগনি। দ্রোন শো অসিগী মনুংদা থৌরম অসিগা চান্নহল্লবা বেকগ্রাউন্দ ম্যুজিক থাগনি।

প্রোজেক্সন মেপ্পিং

নীংতম্বগী চহি ৭৫ শুরকপবু নীংশিংবা ওইনা পাংথোক্কদবা প্রোজেক্সন মেপ্পিং অসি চাউরাক্না মিনিত ৩-৪ শাংগনি অমসুং ‘বিতিং দি রিত্রীত’ থৌরম লোইদ্রিঙৈগী মমাংদা নোর্থ অমসুং সাউথ ব্লোক্কী ফক্লাংশিংদা উৎকনি।

********



(Release ID: 1792770) Visitor Counter : 82