‘ৱান দিস্ত্রীক্ত ৱান প্রদক্ত’ (ও.দি.ও.পি.) খোঙথাংগী মখাদা পোত্থোকশিং পুখৎনবা কেন্দ্র অমসুং রাজ্য পুন্না থবক তৌমিন্নবা হেনগৎনবা – কম্মর্স অমসুং ইন্দস্ত্রী মন্ত্রালয়গী দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদনা ২০২২গী জানুৱারী ২১দা স্তেত কনফরেন্স অমা পাংথোকখ্রে। কনফেন্স অসিদা দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (দি.পি.আই.আই.তি.)গী এদ্দিসনেল সেক্রেতরী, শ্রীমতি সুমিতা দাউরানা ময়ায় তাংবল লৌখি অমসুং রাজ্য পুম্বগী ইন্দস্ত্রী দিপার্তমেন্তগী প্রিন্সিপাল সেক্রেতরী অমসুং অতোপ্পা মরুওইবা ওফিসরশিংনা শরুক য়াখি।    

দি.পি.আই.আই.তি.গী এদ্দিসনেল সেক্রেতরী শ্রীমতি সুমিতা দাউরানা হৌজিক ফাওবদা ও.দি.ও.পি.গী মখাদা লৌখৎখিবা মায় পাকখিবগী থবকশিং অমসুং রাজ্য শিনবা থুংনা লৌখৎখিবা খ্বায়দগী ফবা থবকশিংদা মিৎয়েং চংবা অখন্নবা ৱারোল পীবগা লোয়ননা মিতিং হৌদোকখি।

মসিদা জম্মু অমসুং কশ্মিরগী, প্রিন্সিপাল সেক্রেতরী ইন্দস্ত্রীজ শ্রী রঞ্জন প্রকাস থাকুরনা ‘চেঞ্জিং নেরেতিব ফোর দ মেনুফেকচরিং সেক্তর ইন জম্মু অমসুং কশ্মির’দা য়াম্না কুপ্না ৱারোল পীদুনা মখা তাখি। মসিগা লোয়ন লোয়ননা, জম্মু অমসুং কশ্মিরদা লৌখৎলিবা খোঙথাংশিং মরুওইনা হৈজুগা অমসুং সেমগী ত্রেদতা খুদোংচানবগীদমক পায়খৎলিবা মায় পাকপশিংদা খন্নখি। দুবই এক্সপো ২০২০দা জম্মু অমসুং কশ্মিরগী ও.দি.ও.পি.না লৌখৎখিবা খোঙথাংগী রিপ্রজেন্তেসন অমসুং লৈবা-য়োনবা লোয়ন-লোয়ননা ত্রেদ দিসকসন্দা মিৎয়েং থম্নবা পাংথোকখিবা খন্নবশিংসু পুথোকখি। লৈহৌরিবা অতৈ রাজ্যশিংসু অথুবা মতমদা ইন্তর্নেস্নেলগী থাক অমদা শরুক য়াননবা খুদোংচাবা পীরগনি।    

উত্তর প্রদেশ রাজ্যসু য়ু.পি. ও.দি.ও.পি. মোদেলগী শিংথানিঙাই ওইনা মায় পাকপগী পুক্নিং চিংশিন্নিঙাই ওইরক্লি হায়রিবা অসিদা রাজ্য অসিগী দিস্ত্রীক্ত পুম্বদগী আর্তিসানশিং অমসুং প্রদুসরশিং ৱান দিস্ত্রীক্ত ৱান প্রদক্ত (ও.দি.ও.পি.)গী মখাদা পুখৎলি অমসুং মতেং তৌরি। উত্তর প্রদেশকী মাইক্রো স্মোল এন্দ মেদিয়ম এন্তরপ্রাইসেস (এম.এস.এম.ই.) অমসুং এক্সপোর্ত প্রমোসনগী এদ্দিসনেল চীফ সেক্রেতরী শ্রী নাবনীত সহেগলনা প্রজেন্তেসন অদু উৎখি।

য়ু.পি.না প্রদক্ত সিনোনিমস লোয়ননা মসিগী খুত্থাংদা ইকোনোমিক দিবলপমেন্তগী হব অমা ওইনা দিস্ত্রীক্ত খুদিংদা শেম্নবগী পান্দম মাংদা পুখৎতুনা অমসুং মায় পাক্না হাপ্নবা রাজ্যগী তেমপ্লেৎ অমা পীরি।

ত্রিপুরাগী ইন্দস্ত্রী অমসুং কম্মর্সকী দিপার্তমেন্তগী এদ্দিসনেল দাইরেক্তর, শ্রীমতি স্বাপনা দেবনাথনা ‘প্রমোতিং রিমোৎ দিস্ত্রীক্ত অমসুং বুস্তিং লোকেল ইকোনোমী’গী রোদমেপ অমা পীখি।  মসিদা রাজ্য সরকার অমসুং ও.দি.ও.পি. তীমগী মরক্তা মায় পাক্না পুন্না তৌমিন্নগদবগী ৱা খন্নবা অমসুং ত্রিপুরাগী দিস্ত্রীক্ত ৮দগী পোত্থোক ফগৎহনবা অমসুং এক্সপোর্ত পুখৎনবগী মথংগী খোঙথাংশিং য়াওরি।

রাজ্যশিংদগী প্রজেন্তেসনশিং মখা তারকপা ওইনা, দি.পি.আই.আই.তি.গী মখাদা ইনভেস্ত ইন্দিয়ানা ও.দি.ও.পি.গী খোঙথাংশিং খুদোংচাবা পীদুনা দি.পি.আই.আই.তি.গী মখা লৈরিবা থবকশিংগী স্কোপ, হৌজিক ফাওবদা লৌখৎখিবা থবকশিং অমসুং বেলেন্স রিজনেল ইকোনোমিক দিবলপমেন্তগী মিৎয়েং মাংদা পুথোকপগী প্রজেন্তেসন অমা পীখি। 

ইনভেস্ত ইন্দিয়ানা ত্রেদ ফেসিলিতেসন, কেপাসিতী বিল্দিং অমসুং প্রদক্ত দিবলপমেন্তগী খুত্থাংদা ইকোনোমিক এমপৱারমেন্তগী হান্ননা লৈখ্রা ৱারী খরা উৎখি।

মরু ওইবা খুদম খরা য়াওরি মদুদি রাজস্থানগী রাজসমান্দ দিস্ত্রীক্তা মোলেলা আর্তিসানগী দিজাইন ত্রেনিং; আসমগী কামরুপতগী মুগা সিল্ক ৱীবরগী স্কীল ত্রেনিং, মেঘালয়দগী ৱেস্ত জেন্তিয়া হিলসতগী লাকাদোং য়াইঙংগী চহি-চহিগী ত্রেদ ফেসিলিতেসন অমসুং দিস্ত্রীক্ত শিনবা থুংনা ও.দি.ও.পি. পোত্থোকশিং পুখৎপা অমসুং দুবই এক্সপো ২০২০গুম্বা ইন্তর্নেস্নেল ইভেন্তদা কেতগরী অসিনি।

ই-কম্মর্স ওনবোর্দিংদা ও.দি.ও.পি.গী থবক অমসুং ও.দি.ও.পি.গী দেদিকেতেৎ স্তোরফ্রন্তশিংগী খুত্থাংদা ৱেবকী খুত্থাংদা য়োনবা হেনগৎনবা খুঙ্গংগী আর্তিসানশিংদা মতেং পীনবা অচৌবা ই-কম্মর্স প্লেয়রশিংগা লোয়ননা নকশিন্ননা থবক তৌমিন্ননবা ৱাফমসু খন্নখি।

ও.দি.ও.পি.গী খোঙথাংগা লোয়ননা মখা তাবা স্তেত এনগেজমেন্তগী রোদমেপসু পুথোকখি। রাজ্যশিংদগী সেল্লর দেতাদগী শিয়রিংগী খুত্থাংদা, ও.দি.ও.পি.গী তীম্না বাইয়র লীদকা লোয়ননা ত্রেদ ফেসিলিতেসন মাংদা পুথোক্কনি। মখা তানা, ও.দি.ও.পি. খোঙথাংগা লোয়ননা থবক তৌমিন্ননবা রাজ্য খুদিংগী নোদাল ওফিসরশিং অমমম হাপ্লিবা অসিনা তুংগী থবক থৌরম কয়াদা মান্ননা মায় পাক্কনি হায়বগী থাজবা লৈরি।

কনফরেন্স অসি শরুক য়ারিবশিং অমসুং মসিদা অরুনাচল প্রদেশকী ইন্দস্ত্রীগী প্রিন্সিপাল সেক্রেতরী হাগে তারী য়াওনা মহাক্কী রাজ্যদা চপ মান্ননা মখোয়না য়াম্না পামজনা শরুক য়াবা অমসুং থৱায় য়াওনা শৌগৎপা উৎতুনা তরাম্না ওকখি। প্রিন্সিপাল সেক্রেতরী পুম্বসু কন্তেক্তকী মরীক চুম্বা অমসুং ও.দি.ও.পি.গী মখাদা হৌজিক চৎথরিবা থবকশিংদা পাউ ফাওননবা অমসুং অপদেৎ য়াম্না থৱায় য়াওনা শিয়র তৌখি।

দি.পি.আই.আই.তি.গী দাইরেক্তর, শ্রী বি. রমনজানেয়ুলুনা ভোত ওফ থেঙস অমসুং ক্লোজিং রিমার্কসকা লোয়ননা কনফরেন্স অসি লোইশিনখি। মহাক্না রাজ্যশিং অমসুং য়ুনিয়ন তেরিতোরীশিংগী ইন্দস্ত্রীজ দিপার্তমেন্তশিংদা আত্মানির্ভর ভারতকী পান্দমলোমদা ইকোনোমী চাউখৎনবা ও.দি.ও.পি.গী খোঙথাং অসিবু লৈবাক অসিগী কাচিন কোয়া শিনবা থুংনা মায় পাক্না পাংথোক্নবগীদমক মতেং তৌনবা কন্না হায়খি। মহাক্না শরুক য়ারিবশিংদা মসিসু হায়খি ‘ৱান দিস্ত্রীক্ত ৱান প্রদক্ত’ খোঙথাং অসি চহিগী ওইবা পব্লিক এদমিনিস্ত্রেসনদা থোইদোক হেন্দোকপগী প্রধান মন্ত্রীগী এৱার্দকী ওইনা লৌদুনা সিবিল সর্বেন্তকী পর্ফোমেন্সতা কেতগরী ওইনা য়াওহন্নবা হায়খি।

মায় পাক্লবা স্তেতকী কনফরেন্স অসি ও.দি.ও.পি. খোঙথাংগী মপা লৈতনা মায় পাকপা শকখঙবা ওইনা লৌরি, অমরোমদা মসি আত্মানির্ভর ভারত অমসুং #VocalforLocalগী মিৎয়েংলোমদা মখা তানা শাফু কন্না থবক তৌবগী অহানবা খোঙথাং ওইনা শকখঙলি।

********