নুপী অমসুং অঙাংশিংগী চাউখৎ থৌরাং মন্ত্রালয়
azadi ka amrit mahotsav

জনুৱারী ২৪দা প্রধান মন্ত্রীনা প্রধান মন্ত্রী রাস্ত্রীয়া বাল পুরস্কার এৱার্দীশিংগা ৱারী শানরগনি

Posted On: 21 JAN 2022 7:27PM by PIB Imphal

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী থোংদা ২০২২গী জনুৱারী ২৪দা প্রধান মন্ত্রী রাস্ত্রীয়া বাল পুরস্কার (পি.এম.আর.বি.পি.) এৱার্দীশিংগা ৱারী শানরগনি। থৌরম অদুদা কেন্দ্রগী ৱুমেন অমসুং চাইল্দ দিবলপমেন্ত মন্ত্রী শ্রীমতী স্মরিতী জুবিন ইরানি অমসুং রাজ্য মন্ত্রী দা. মুঞ্জপরা মহেন্দ্রভাইসু শরুক য়াগনি। থৌরম অসি অয়ুক পুং ১১.৩০দগী হৌরগা https://pmindiawebcast.nic.inদা ৱেবকাস্ত তৌগনি।

প্রধান মন্ত্রী রাস্ত্রীয়া বাল পুরস্কার অসি ভারত্তা লৈবা চহি মঙাদগী হেনবা অমদি চহি ১৮ ফাওবগী মনুংদা লৈবা (মরী লৈনবা চহী অদুগী ওগস্ত ৩১ ফাওবদা) অঙাংশিংবু ইনোভেসন, স্কোলেস্তিক এচিবমেন্তশিং, স্পোর্তস, আর্ত অমসুং কলচর, সোসিএল সর্বিস অমসুং ব্রেবরী হায়রিবা লম ৬ অসিদা থোইদোক হেন্দোকপা এবিলিতীশিং অমসুং অউতস্তেন্দিং এচিবমেন্তদা রিকোগনিসন অমা ওইনা পীবনি। এৱার্দ ফংলবা খুদিংমক্তা মেদল অমা, শেল ওইনা লুপা ১,০০,০০০ অমসুং সর্তিফিকেৎ পীরি।

মসিগী এৱার্দশিং অসি রাস্ত্রপতি ভবনদা পাংথোকপা থৌরম অমদা ইকায় খুম্নরবা রাস্ত্রপতিনা লান্থোকই। প্রধান মন্ত্রীনা চহি খুদিংগী মসিগী এৱার্দ ফংলবা খুদিংমক্কসু উনদুনা ৱারী শান্নৈ। পি.এম.আর.বি.পি.গী এৱার্দিশিং অসি চহি খুদিংগী রিপব্লিক দে পেরেদতসু শরু য়াই। অদুম ওইনমক, লৈবাক অসিদা ওইরিবা কোবিদ-১৯গী ফিভমগী য়েংলগা চহি অসিগী ওইনা নই দিল্লীদা এৱার্দ সেরেমোনী শিন লাংবগী ওইথোকপা লেত্রে। জনুৱারী ২৪দা পাংথোক্কদৌরিবা নেস্নেল গর্ল চাইল্দ দেগী তাঞ্জা অমসুং অজাদি কা অমৃৎ মহোৎসবকী শরুক ওইনা, প্রধান মন্ত্রী শ্রী নরেন্দ্র মোদীনা পি.এম.আর.বি.পি.-২০২২গী ৱিনরশিংগা লোয়ননা ভর্চুএল্লি ৱারী শানরগনি। অঙাংশিংনা মখোয়গী মমা-মপাশিংগা লোয়ননা অমদি মখোয়গী জিলাগী মরী লৈনবা দিস্ত্রিক্ত মেজিস্ত্রেৎশিংনা মখোয়গী দিস্ত্রিক্ত হেদ ক্বাতরশিংদগী থৌরম অসি শরুক য়াগনি।

থৌরম মনুংদা প্রধান মন্ত্রীনা ব্লোক চেন তেক্নোলোজী শিজিন্নদুনা পি.এম.আর.বি.পি. ২০২২গী ৱিনরশিংদা দিজিতেল সর্তিফিকেৎশিং পীগনি। কোবিদকী ফিভমনা মরম ওইদুনা মমাং চহিদা সর্তিফিকেৎশিং পীবা ঙমখিদ্রবা পি.এম.আর.বি.পি.-২০২১গী ৱিনরশিংদসু সর্তিফিকেৎশিং লান্থোক্কনি। পি.এম.আর.বি.পি.গী এৱার্দীশিংদা সর্তিফিকেৎশিং পীনবগীদমক অহানবা ওইনা ব্লোক চেন তেক্নোলোজী শিজিন্নরি।

****



(Release ID: 1791748) Visitor Counter : 50