ত্রিপুরাদা সরকার শেম্লবা মতুংদা, মুখ্য মন্ত্রী শ্রী বিপ্লব কুমার দেবনা দ্রগ ফ্রী ত্রিপুরা কেম্পেইন অমা হৌদোকখি অমসুং মমাংদা লৈরম্বা রাজ্য সরকারগী মতেং লৌদুনা দ্রগ ললোনবগী থবক তৌরিবশিংগী মথক্তা অকনবা এক্সন লৌখৎখি

শ্রী বিপ্লব কুমার দেবকী কেম্পেইনা মরম ওইদুনা, ত্রিপুরাদা লৈরিবা নহারোলশিংবু দ্রগতকী লাপথোকহনবা খক্তা নত্তনা, লৈবাক শিনবা থুংনা লৈরিবা খ্বায়দগী চাউরবা দ্রগকী লম্বীশিং থিংজিনখি অমসুং ত্রাইবেল সোসাইতীবু মসিগী দ্রগ দি-এদ্দিক্সন কেম্পেইনগী খ্বায়দগী চাউবা বেনিফিসরী ওইখি

পি.এম. মোদী অমসুং সি.এম. বিপ্লব কুমার দেব জীগী লুচিং মখাদা ২০১৮দগী রাজ্য অসিদা দবল ইঞ্জিন সরকারনা মরম ওইদুনা য়াম্না চাওনা অহোংবা অমা লাক্লি অমসুং ত্রিপুরা সরকারনা এন.শিং অহুম – এন.না নিয়ত, এন.না নীতি অমসুং এন. না নিয়মগা লোয়ননা মাংজিল থাদুনা চৎলি

ত্রিপুরা সরকারনা কোবিদ-১৯ লায়চৎ মনুংদা য়াম্না চাওরবা থৌদাং কয়া অমা লৌখি, ভেক্সিনেসন কেম্পেইনসু নিংথিনা পাংথোক্লি, ইনফ্রাস্ত্রকচরগী লমদসু থবক কয়া অমা পাংথোকখি

শ্রী মোদীগী লুচিং মখাদা ত্রিপুরানা অনৌবা এরা অমদা লাক্লি অমসুং খ্বায়দগী মরুওইবা অমা হায়রগদি ঙসি ইসু তৌখিবা লাকশ্যা -২০৪৭ অসি ত্রিপুরাবু অওনবা পুরক্নবা দোক্যুমেন্ত অমা ওইরি

ঐহাক্না ত্রিপুরাগী নহারোলশিংদা মখোয়গী রাজ্যগী চাউখৎ থৌরাংগী খোঙচৎ অসিদা য়াওনবা, শ্রী মোদীগী লুচিং মখাদা ভারতকী চাউখৎ থৌরাংগী খোঙচৎতা য়াওনবা কন্না হায়জরি অমসুং ভারতনা নিং-খা তম্বগী চহিচাগী থৌরম পাংথোক্লিঙৈ মতম অসিদা, ত্রিপুরানা খ্বায়দগী চাউখৎলবা রাজ্য ওইহনগদবনি

হোম অমসুং কোওপরেসনগী কেন্দ্রগী মন্ত্রী অমিত শাহনা ঙসি ত্রিপুরাগী ৫০শুবা স্তেতহুদ নুমিৎকী থৌরমদা ভীদিও কনফরেন্সিংগী খুত্থাংদা ৱা ঙাংখ্রে। প্রধান মন্ত্রী শ্রী নরেন্দ্র মোদীনা রাজ্য অসিগী মীয়াম্বু মখোয়গী স্তেতহুতদ নুমিৎতা য়াইফ-পাউজেল পীবগী ভীদিও মেসেজ অমসু থৌরম অসিদা থাদোকখি। ত্রিপুরাগী গবর্নর, শ্রী শত্যদেব নরায়ন অর্য়া অমসুং মুখ্য মন্ত্রী বিপ্লব কুমার দেব য়াওনা দিগ্নতরী কয়া অমনসু থৌরম অসিদা শরুক য়াখি।

থৌরম অসিদা, কেন্দ্রগী গৃহ মন্ত্রীনা ত্রিপুরাগী মীয়াম্বু মখোয়গী রাজ্যগী ফাইন্দেসন নুমিৎতা য়াইফ পাউজেল পীদুনা মহাক্কী ৱা ঙাংবা হৌদোকখি অমসুং ত্রিপুরীগী ইমা সুন্দরীদা ইকাই খুম্নবা উৎখি। ত্রিপুরাগা লোয়ননা, মঘালয় অমসুং মনিপুরগী মীয়াম্দা মখোয়গী স্তেতহুদ নুমিৎকী থৌরমদা গৃহ মন্ত্রীনা য়াইফ পাউজেল পীখি। ত্রিপুরা অসি ভারত্তা মশাগী পুৱারী মতিক চানা লৈজবা য়াম্না মরু ওইবা রাজ্য অমনি অমসুং ঙসি রাজ্য অসিনা চহি ৫০ মপুং ফারকপা অসিদা, ঐখোয়না ত্রিপুরাবু চহি ২৫গী মতুংদা করম্বা থাক্তা থমগদগে হায়বা অসি খনগদবনি। মুখ্য মন্ত্রীবু থাগৎপা ফোংদোক্লদুনা শ্রী শাহনা হায়খি মদুদি সনকাল্প-২০৪৭গী খুত্থাংদা মহাক্না ত্রিপুরাগী মীয়ামগী মমাংদা পান্দম অমা থম্লি। ঙসিদি, ভারত সরকারগী পোস্ত দিপার্তমেন্তনা রাজ্য অসিগী কোমেমোরেতিব পোস্তেজ স্তাম্প অমসু ফোংখ্রে। 

কেন্দ্রগী গৃহ মন্ত্রীনা হায়খি মদুদি লৈবাক অসিনা তোখায় হেক তারকপদগী, ত্রিপুরানা অৱাবা কয়া মায়োক্নদুনা লাক্লি অমসুং মতম অদুদা ত্রিপুরাগী মহারাজা, বির বিক্রম কিশোর মনিক্যানা ইন্দিয়ন য়ুনিয়ন্দা পুন্নবা ৱারেপ লৌখি। তোখায় তাবগী মতম অদুদা, ত্রিপুরাগী মহারাজা বির বিক্রম কিশোর মনিক্যানা ইন্দিয়ন য়ুনিয়নগা পুন্নবা লাউথোকখিবা অহানবা নিংথৌ ওইখি। ব্রিতিশনা দিবাইদ অমসুং রুল হেক হৌদোরকদগী, মহারাজানা হান্না ইন্দিয়ন য়ুনিয়ন্দা শৌগৎখি। তেরোরিস্তনা ইস্ত পাকিস্তান্দগী ত্রিপুরাদা চংলকপা মতমদা মহারানী কনচনপ্রভানা সর্দার পতেলদগী মতেং নীখি অমসুং মহাক্না ত্রিপুরাবু আসমদগী এয়র ফোর্স থাদুনা মতেং পাংখি। ঙসি, ত্রিপুরাগী ফাউন্দেসন নুমিৎ অসিদা ত্রিপুরানা ভারত্তা তিন্বদা য়াম্না অথুবা অমসুং মিৎয়েং শান্না উবিদুনা ফিরেপ লৌদুনা মতেং পাংবিখিবা সর্দার পতেলবুসু নিংশিংলি। মহারাজা বির বিক্রম কিশোর মনিক্যানা ত্রিপুরাগী চাউখৎ থৌরাংদা থৌদাং কয়া অমা লৌবিখি। রুদ্রাসাগর পোন্দ ওইগেরা, নীরমহল ওইগেরা মহৈ-মশিং তম্বগীদমক লম একর চা কয়া অমা কৎখি, আগরতলা এয়রপোর্ত শাবদা, রাজা সাহেবনা লম খুদিংদা ত্রিপুরাগী চাউখৎনবগীদমক উরেপ উয়ুং কয়া অমা তমখি অমদি মরম অসিনা প্রধান মন্ত্রী শ্রী নরেন্দ্র মোদীনা আগরতলা এয়রপোর্ত অসি রাজা সাহিবকী মমিং থোনখিবনি। এয়রপোর্ত অসি অহানবা ওইনা লুপা কোতি ৪৩৮ চংনা শাখি। তেলেন্তপু চিংখৎখিবা খ্বায়দগী চাউবা খুদম অমা হায়রগদি ভারতকী শক্নাইরবা সাইন্তিস্ত জগদিশ চন্দ্র বোসনি। ত্রিপুরাগী মহারাজানা মহাকপু শেন-থুমগী মতেং পীরমদ্রবদি, মহাক্না মালেমদা অমসুং লৈবাক অসিদা সাইন্সকী লমদা মশক থোকপা অমা ওইরমদবা য়াই।

শ্রী অমিত শাহনা হায়খি মদুদি লাকশ্যা-২০৪৭ অসি দোক্যুমেন্ত অমা খক্তা নত্তে, অদুবু মসিনা ত্রিপুরাদা লৈবা মীয়ামগী মংলান অমসুং আসা উৎলি, মসি ত্রিপুরাগী তুংগী ব্লুপ্রিন্ত অমনি। মসি তুংদা লাক্কদৌরিবা মীরোলনা উরগদবা ত্রিপুরাগী ব্লুপ্রিন্ত অমনি, মরুওইনা রাজ্য অসিগী চাউখৎ থৌরাং কয়াদা নহারোলশিংনা লৌগদৌরিবা থৌদাং অসিনি। মসিদা মরুওইনা লম তরুক্তা মশক তাক্লি –লৌঊ-শিংউবা, সোসিএল হার্মোনী, এনভাইরোমেন্ত অমসুং ক্লাইমেৎ চেঞ্জ, ইন্দস্ত্রী অমসুং ইনভেস্তমেন্ত, এদমিনিস্ত্রেতিব রিফোর্মস, অমসুং তেলেকম্ম্যুনিকেসনশিং অমসুং লোজিস্তিক্স – অমসুং ত্রিপুরানা মসিগী লম পুম্নমক অসিদা খুমাং চাউশিনগদবগে হায়বগী লিক্লম অমা পীরি। অজাদী কা অমৃত মহোৎসব মনুংদা প্রধান মন্ত্রীনা হায়খি, মদুদি লাক্কদৌরিবা চহি ২৫ অসি ভারত মচা পুম্বনা ৱারেপ লৌবা মতম অমা ওইরগনি, মরমদি লৈবাক অসিনা নিং খা তম্বগী চহিচাগী থৌরম পাংথোক্লিঙৈ মতমদা, মীয়াম্না ভারত অসি লম খুদিংদা করম্বা থাক্তা থমগদগে হায়বা লেপকদবনি। লাক্কদৌরিবা চহি ২৫ অসি ভারত মচা পুম্বা অমসুং ত্রিপুরা মীয়ামগী কন্না হোৎনবগী খ্বায়দগী অৱাংবা থাক ওইরগনি। লৈবাক অসিবু মালেমগী ওইবা মফম অমা কনবা তারবদি, মসিগী চহি ২৫ অসি ৱারেপ লৌবগী মতম ওইহনগদবনি, মসিনা মাংজিল থাগনি। মহাক্না হায়খি মদুদি লৈবাক অসি মতম কুইনা মীরমগী লৈঙাক্কী মখাদা লৈরম্মী অদুবু ঙসিদি লৈবাক অসি নিং খা তম্লে, মীরমগী লৈঙাক্না মরম ওইরদুনা শোৎথহৌরবা মতম অদু মেনখৎনবা চহি ২৫ লৈরি।  মসিগী লকশ্যা-২০৪৭ দোক্যুমেন্ত অসিনা ত্রিপুরাবু য়াম্না চাওবা, চাউখৎলবা, সেক্যুর ওইবা অমসুং মরোমদোম লেপচবা লোমদা য়াম্না শাংনা চৎলগনি।

হোম অমসুং কোওপরেসনগী কেন্দ্রগী মন্ত্রীনা হায়খি মদুদি প্রধান মন্ত্রী নরেন্দ্র মোদীনা দিল্লী অমসুং অৱাং-নোংপোক্কী মরক্তা লৈরিবা থাপনবা অসি হন্থনবা অমসুং ৱাখল্লোনশিং অহোংবা পুরক্নবা অমসুং অৱাং-নোংপোক্কী চাওখৎ থৌরাংগীদমক মতম চুপ্পদা হোৎনরি, মরম অসিনা মহাক্না অস্তালক্সমীগী মমিং পীদুনা রাজ্য নিপাল অসিবু চাউখৎনবা ৱারেপ লৌখি। মতম অমদা অৱাং নোংপোক্কী মফমশিং অসি শেঞ্জা-থুমজাদা মমিং য়াম্না লৈরম্মী, অদুবু ঙসিদি রাজ্য নিপাল পুম্নমক এন.ই.দি.এ. সরকারশিং লৈরে অমসুং দিল্লীদগী রাজ্য নিপাল অসিদা থাদরকপা শেল পুম্বা চাউখৎ থৌরাংদা শিজিন্নরি। মহাক্না হায়খি ত্রিপুরাদা চাউখৎ থৌরাংগী থবক কয়া অমা পায়খৎলে। থবকশিং অসি ত্রিপুরাবু অৱাং-নোংপোক্তা গেতৱে অমা ওইনবসু শেমগৎলি। বঙ্গলাদেশকা লম্বী অমসুং রেল প্রোজেক্ত অমসুং ইন্তর্নেস্নেল ৱাতরৱে কনেক্তিবিতী দজন অমা লৈবা মরম্না লাক্কদৌরিবা নুমিৎশিং অসিদা ত্রিপুরাদা ইনভেস্তমেন্ত কয়া অমা তৌরগনি। আগরতলা-অখৌরা রেল লিঙ্ককী থবকশিং য়াম্না য়াংনা চংশিল্লি। ত্রিপুরা সরকারনা ইং-চিক্না অমসুং তংদু লৈতনা লৈনবা কন্না হোৎনরী, ঙসিদি এক্সত্রিমিজম, ইনফিলত্রেসন, ব্লোকেদস, দ্রগশিং, খুলায় ললোনবা, শেঞ্জা-থুমজা অমসুং কাংলুপ মশেল উংখৎনবগী মহুৎতা ত্রিপুরা অসি হৌজিক্তি চাউখৎ-থৌরাং, কনেক্তিবিতী, ইনফ্রাস্ত্রকচর, শান্ন-খোৎনবা, ইনভেস্তমেনত অমসুং ওর্গানিক ফার্মিংগী মাইকৈলোমদা চংশিল্লক্লি।

কেন্দ্র অমসুং ত্রিপুরাগী সরকারনা তংদু লৈতানা লৈতবা এতমোসফিয়র অমা লোইশিন্দুনা, ২০১৯দা এন.এল.এফ.তি.গা একোর্দ অমা সহি তৌনদুনা শিংথানিঙাই ওইরবা থবক অমা পায়খৎখ্রে। লুপা করোর ১০০গী পেকেজ অমা পীখ্রে অমসুং লুপা করোর ৪০ অমা হান্ননা ত্রিপুরাদা থাদোকখ্রে। ব্রু এগ্রীমেন্তদসু, ভারত সরকারনা চাওরাক্না মীওই ৩৭,০০০গী চহি ৩০শুরবা চয়েৎনবা কোক্নবা চাওরবা পেকেজ অমা পীখি অমসুং ব্রু রিফ্যুজীশিংনা মহৌশাগী পুন্সিদা হল্লক্তুনা ভারত অমসুং ত্রিপুরাগী চাউখৎ থৌরাংদা থৌদাং লৌখি।

শ্রী অমিত শাহনা হায়খি মদুদি কম্ম্যুনিস্ত রেজিম্না ত্রিপুরাবু হন্থবা থাক অমগী রাজ্য ওইহনবা অমসুং মখোয়গী রাইবেলগা হিংসা তৌবা অসিনা কম্ম্যুনিস্তকী রাজনিতী ওইখি, সরকারনা চাউখৎ থৌরাংদা কৈদৌনুংদা মিৎয়েং চংখিদে অমসুং ত্রিপুরাগুম্বা মরুওইবা রাজ্য অসিবু দিকেদ অনি হেন্না চাউখৎ থৌরাংদা মীরাইদুনা থম্বিরমখি। অদুবু শ্রী মোদীদা থাজবা থম্বিদুনা ত্রিপুরাদা ঐখোয়গী সরকারনা মপুং ওইদুনা পৱার পায়রকখি অমসুং ঙসিদি ত্রিপুরা চাউখৎপগী লম্বীদা চংশিল্লক্লি। মসিগী দিকেদ অনি অসগী মনুংদা ঐখোয়গী পার্তীগী ৱার্কর ৪৫০গী মথক্তা খুৎ থারকখি, মীওই কয়া অমগী মপুন্সি মাংখি, মশাগী রাজ্যমক্তদা কনা লৈজদবগুম লৈখি, মখোয়গী মশামক্কী লৈবাক্তা রিফ্যুজী অমগুম্না লেনখি। অদুবু ঙসিদি মসিগী হোৎনজমলগী মহৈ লাক্লে অমসুং ত্রিপুরানা মশাগী চাউখৎ থৌরাংগী লম্বীদা লাক্লে। ত্রিপুরাদা সরকার শেম্লবা মতুংদা, মুখ্য মন্ত্রী শ্রী বিপ্লব কুমার দেবনা দ্রগ ফ্রী ত্রিপুরা কেম্পেইন অমা হৌদোকখি অমসুং মমাংদা লৈরম্বা রাজ্য সরকারগী মতেং লৌদুনা দ্রগ ললোনবগী থবক তৌরিবশিংগী মথক্তা অকনবা এক্সন লৌখৎখি। ত্রিপুরাদা দ্রগ ললোনবশিংগী মফম ওইবা ঙমখিদ্রে। শ্রী বিপ্লব কুমার দেবকী কেম্পেইনা মরম ওইদুনা, ত্রিপুরাদা লৈরিবা নহারোলশিংবু দ্রগতকী লাপথোকহনবা খক্তা নত্তনা, লৈবাক শিনবা থুংনা লৈরিবা খ্বায়দগী চাউরবা দ্রগকী লম্বীশিং থিংজিনখি অমসুং ত্রাইবেল সোসাইতীবু মসিগী দ্রগ দি-এদ্দিক্সন কেম্পেইনগী খ্বায়দগী চাউবা বেনিফিসরী ওইখ্রে।   

কেন্দ্রগী গৃহ মন্ত্রীনা হায়খি মদুদি পি.এম. মোদী অমসুং সি.এম. বিপ্লব কুমার দেব জীগী লুচিং মখাদা ২০১৮দগী রাজ্য অসিদা দবল ইঞ্জিন সরকারনা মরম ওইদুনা য়াম্না চাওনা অহোংবা অমা লাক্লি অমসুং ত্রিপুরা সরকারনা এন.শিং অহুম – এন.না নিয়ত, এন.না নীতি অমসুং এন. না নিয়মগা লোয়ননা মাংজিল থাদুনা চৎলি। ২০১৭-১৮দা ত্রিপুরাগী পর কেপিতা ইনকম অসি লুপা লাখ ১ ওইখি, হায়রিবা অসি ২০২০-২১দা চহি অহুমদা লুপা লাখ ১.৩০দা হেনগৎখি। রাজ্য অমত্তনা চাদা ৩০ হেনগৎপগী রেজিস্তর তৌরকখিদ্রি। লৌমীশিংগী থাগী ইনকম অসি ২০১৫-১৬তা লুপা ৬,৫৮০ ওইখি অমসুং ২০২০-২১দা লুপা ১১,০৯৬তা হেনগৎখি। ত্রিপুরা সরকারনা শ্রী মোদীনা লৌমীশিংগী ইনকম শরুক অনি থোক্না হেনগৎনবা লৌখিবা ৱারেপকী মাইকৈদা থবক তৌরি। রাজ্য অসিদা লুপা করোর ২,০০০রোমগী ইনভেস্তমেন্ত তৌরি অমসুং চাওরাক্না লুপা করোর ১,০০০ অমনা আই.তি. সেক্তরদা থাদরি। খ্বায়দগী অচুম্বা ৱাফম অমা ওইনা রাজ্য অসিদা লো অমসুং ওর্দরগী ফিভম য়াম্না ফগৎলে। রাজ্য অমদা চহি অনিগী মনুংদা য়াম্না শাথিবা ক্রাইম চাদা ২৬ হন্থবা অসি তাংনা থোক্কনি। ত্রিপুরাদা লৌঊ-শিংউবদা য়াম্না চাউখৎলে। প্রধান মন্ত্রী ফসল বিমা য়োজনাগী মখাদা চাওরাক্না লম হেক্তর ৮৬,০০০ লোম কোনশিল্লি। প্রধান মন্ত্রী সম্মান নিধি য়োজনাগী মখাদা লোমীশিংনা লোন লৌবগী তঙাইফদবা লৈতনবা, মখোয়গী বেঙ্ক একাউন্দা হকথেংননা লুপা ৬,০০০তগীনা লাখ ২.৫ ফাওবা চহি খুদিংগী হাপ্লি। ত্রিপুরা শেম্লবা মতুং অহানবা ওইনা লৌমী ৪১,০০০দগী লুপা করোর ১৩০ পীদুনা চেং মেত্রিক তন ৭২,০০০ লৈখি। ত্রিপুরানা ওর্গানিক ফার্মিংদসু লমজিংদুনা চৎলি অমসুং লম হেক্তর ১৫,০০০দা কিহোম, অরোমেতিক চেং, শিং, য়াইঙং অমসুং মোরোক থারি। ওর্গানিক ফার্মিংগী মরুওইবা অসি লাক্কদৌরিবা তুংদা য়াম্না হেনগৎলকখিগনি অমসুং মালেম পুম্বগী ওইনা ওর্গানিক্কী চান-থক্নবগী দিমান্দ অসি হেনগৎলক্লি, হায়রিবা অসিনা তাকপদি য়াম্না লিংবা ফাউন্দেসন অমা লৈরি অমসুং লোমীশিংনা মখোয়গী ওর্গানিক্কী পোত্থোক্তগী শরুক অনি থোক্না মমল ফংবা য়ানা লৈরি। ফার্মরশিংনা পুথোক্লিবা অসি শ্রী মোদীনা হৌদোকখিবা ত্রেন সর্বিসকী খুত্থাংদা য়াম্না লায়না দিল্লী য়ৌবা ঙম্লে। ৱানা শাবা গমলা শেম্দুনা চাওরাক্না বেম্বু আর্তিসান ১০,০০০ ত্রেন তৌনবা থবক হৌরে। মহাক্না হায়খি মুদুদি প্রধান মন্ত্রী অৱাজ য়োজনাগী মখাদা লায়রবা ইমুং ৭,০০,০০০দা য়ুম ফংহনবগী থবকশিং চংশিনখ্রে। কোবিদ-১৯ লায়চৎ হেক থোক্লকপদগী, নরেন্দ্র মোদী সরকারনা ইমুং খুদিংগী মীওই অমমমদা রাসন কে.জি. মঙা লেম্না পীরি। ত্রিপুরা সরকারনা কোবিদ-১৯ লায়চৎ মনুংদা অঙকপা ফংনা থবক কয়া অমা তৌখি। ভেক্সিনেসন কেম্পেইনসু য়াম্না নিংথিনা পাংথোকখি। ইনফ্রাস্ত্রকচরগী লমদসু থবক কয়া অমা পায়খৎখি। কি.মি. ৫৪২গী নেস্নেল হায়ৱে তরুক সেঙসন তৌখি অমসুং থবকশিংসু চংশিল্লি। এক্সপ্রেস ত্রেন তরুক আগরতলাদগী লৈবাক্কী অতোপ্পা মফমশিংদা চেল্লি। প্রধান মন্ত্রীগী সৌভগ্যা য়ৌজনাগী মখাদা, নিং-খা তম্লবা মতুংদা অহানবা ওইনা ইমুং ১,৩৬,০০০দা মৈ ঙালহনবগী থবকসু পায়খৎখ্রে।  অতল জলধরা মিসনগী মখাদা, লেম্না ঈশিং তোতি শম্বগী থবকশিং পায়খৎখি অমসুং ত্রিপুরাগী ইমুং ঙম্নমক অফবা থক্নবা ঈশিং শোইদনা ফংহন্নবা ব্লুপ্রিন্ত অমসু শেমদুনা থমখ্রে।     

কেন্দ্রগী গৃহ মন্ত্রীনা হায়খি মদুদি ত্রিপুরা অসি শ্রী মোদীগী লুচিং মখাদা অনৌবা এরা অমা লাক্লে অমসুং খ্বায়দগী মরুওইবদি ঙসি ইসু তৌখিবা লকশ্যা -২০৪৭ অসি ত্রিপুরাবু অওনবা অমা পুরক্নবা দোক্যুমেন্ত অমনি হায়বা অসিনি। মহাক্না ত্রিপুরাগী নহারোলশিংবু শ্রী মোদীগী লুচিং মখাদা রাজ্যগী অমসুং ভারতকী চাউখৎ থৌরাংগী খোঙচৎতা য়াওনবা কন্না হায়রি অমসুং ভারতনা নিং-খা তম্বগী চহিচাগী থৌরম পাংথোক্লিঙৈ মতম অসিদা, ত্রিপুরানা খ্বায়দগী চাউখৎলবা রাজ্য ওইহনগদবনি।

*****