কেন্দ্রগী পাৱর অমসুং এন.আর.ই.গী মন্ত্রীনা ঙসি শ্রী রেংথানৱেলা থাঙ্গাবু মনিপুর অমসুং মিজোরামগী জে.ই.আর.সি.গী মেম্বর ওইনা, ওফিস পায়বা অমসুং অরোনবা ঙাকপগী ৱাশক লৌহনখ্রে।

কেন্দ্র সরকারনা ইলেক্ত্রিসিতী এক্ত, ২০০৩গী প্রোভিজনশিং অমসুং ভারত সরকারবু মখোয়গী মহুৎ শিন্দুনা জে.ই.আর.সি. অমা শেম্নবগী অয়াবা পীদুনা, মনিপুর অমসুং মিজোরামগী রাজ্য সরকারশিংনা খুৎয়েক পীনখিবা মেমোরেন্দম ওফ এগ্রীমেন্ত অদুগী মতুং ইন্না মিজোরাম অমসুং মনিপুরগীদমক্তা জোইন্ত ইলেক্ত্রিসিতী রেগুলেতরী কমিসন (জে.ই.আর.সি.) শেমখ্রে। মসি মেম্বর অনি লৈবা কমিসননি, মেম্বর খুদিংমক্না  শরুক বারিবা রাজ্য অদুগী মহুৎ শিনগনি। কেন্দ্র সরকারনা এক্ত অদুগী প্রোভিজনশিং অদুগী মখাদা অমসুং এম.ও.এ.গী মতুং ইন্না মনিপুর অমসুং মিজোরামদগী কমিসনগী মেম্বরশিং খনগনি। 

এক্ত অসিগী মখাদা কমিসনগী মরু ওইবা মথৌশিং অদুদি জেনরেশন, সপ্লাই, ত্রান্সমিসন অমসুং রাজ্য অদুগী মনুংদা লৈরিবা অদুগী মতুং ইন্না হোলসেল, বল্ক নত্রগা রিতেল ইলেক্ত্রিসিতী হ্বীলিং তৌবগীদমক্তা তারিফ রেগুলেত তৌবা; দিস্ত্রিব্যুশন লাইসেন্সীশিংগি ইলেক্ত্রিসিতী পর্চেজ রেগুলেত তৌবা, ইন্ত্রা-স্তেত ত্রান্সমিসন অমসুং  ইলেক্ত্রিসিতীগী হ্বীলিং ফেসিলিতেত তৌবা; ত্রান্সমিসন লাইসেন্সীশিং, দিস্ত্রিব্যুশন লাইসেন্সীশিং অমসুং ইলেক্ত্রিসিতী ত্রেদরশিংদা লাইসেন্সশিং ইসু তৌবা; রিন্যুৱেবল সোর্স ওফ ইনর্জীদগী ইলেক্ত্রিসিতী কোজেনেরেশন অমসুং জেনরেশন প্রোমোত তৌবা অমসুং লাইসেন্সীশিং অমসুং জেনরেতিং কমপনীশিংগী মরক্তা লৈরিবা য়ান্নদবশিং অদুবু শন্দাইনবনচিংবশিং অসিবুনি।

এম.ও.এ.দা য়াওরিবা প্রোভিজনশিং অমসুং ইলেক্ত্রিসিতী এক্ত, ২০০৩গী মরী লৈনবা প্রোভিজনশিং অদুগী মতুং ইন্না, শ্রী রেংথানৱেলা থাঙ্গাবু চহি মঙা নত্রগা চহি ৬৫ ফাওবগি মরক্তা অঙনবা মতম অমগীদমক্তা মনিপুরদগী মেম্বর ওইনা খনখ্রে।

শ্রী রেংথাংৱেলা থাঙ্গা অসি ১০.০৬.১৯৬০দা পোকখি। শ্রী রেংথানৱেলা থাঙ্গানা বি.কোম অমসুং এল.এল.বি.গী দিগ্রী পাই। মহাক্না ২০১৪গী এপ্রিলদগী ২০২০গী জুন ফাওবা দিস্ত্রিক্ত অমসুং সেসন জজগী ফম পাইরম্মি অমসুং হায়রিবা ফম অসিদগী ৩০.৬.২০২০দা পোথাখি। মসিগী মমাংদা, মহাক অসি ১৯৯৯দগী ২০১৪ ফাওবা গুৱাহাতিগী হাই কোর্ততা রেজিস্ত্রারগী ফম পাইরম্মি।

*****