অকোইবগী ফিভম অমসুং ঊমংগী মন্ত্রালয়

ফোরেস্ত সর্ভে রিপোর্ত ২০২১ পুথোকখ্রে; হৌখিবা চহি অনিগী মনুংদা লৈবাক্কী অপুনবা ফোরেস্ত কভর স্কক্বার কিমি. ২২৬১ হেনগৎখি


লম পাক-চাউবগী ওইনা মধ্য প্রদেশনা লৈবাক্কী মনুংদা খ্বাইদগী চাউবা ফোরেস্ত লৈ

আন্ধ্র প্রদেশ (স্কক্বার কিমি. ৬৪৭)না ফোরেস্ত কভর খ্বাইদগী ৱাংনা হেনগৎখি অমসুং তেলঙ্গানা (স্কক্বার কিমি. ৬৩২) অমসুং ওরিশা (স্কক্বার কিমি. ৫৩৭)না তুং ইনখি।

রাজ্য/য়ু.তি. ১৭কী ফোরেস্ত কভরগী মনুং চনবা অপুনবা লমগী শরুক্না চাদা ৩৩গী চাংদগী হেনখি।

লৈবাক্কী উমংগী অপুনবা কার্বোন স্তোক অসি মিলিয়ন ৭৯.৪ হেনগত্তুনা পুন্না মিলিয়ন তোন ৭২০৪ ওইগনি হায়না পানরি

লৈবাক্কী মেংগ্রুব কভরগী পাক চাউবসিদা স্কক্বার কিমি. ১৭ হেনগৎপগী ফিভম উদুনা অপুনবা ওইনা স্কক্বার কিমি. ৪৯৯২ ওইখি

সরকারগী মিৎয়েং অসিদি উমংবু পাক চাউবগী হীরমদা য়োকখৎপদা নত্তনা মগুন হাপকৎপগী থৌওংসু য়াওরিঃ শ্রী ভুপেন্দর য়াদব

Posted On: 13 JAN 2022 2:51PM by PIB Imphal

ইনভাইরনমেন্ত, ফোরেস্ত অমসুং ক্লাইমেত চেঞ্জকী কেন্দ্র মন্ত্রী, শ্রী ভুপেন্দর য়াদবনা লৈবাক্কী ফোরেস্ত অমসুং উগী পোত্থোকশিং য়েংশিনবগী শক্তি পীখ্রবা ফোরেস্ত সর্ভে ওফ ইন্দিয়া (এফ.এস.আই.)না শেম শাবা ‘ইন্দিয়া স্তেত ওফ ফোরেস্ত রিপোর্ত ২০২১’ ঙসি ফোঙখ্রে।

থিজিন হুমজিনবদা ফংবা ৱারোলশিং মীয়ামদা পাউদম্লদুনা, মন্ত্রীনা লৈবাক্কী ফোরেস্ত অমসুং উগী অপুনবা কভর অসি মিলিয়ন হেক্ত্যার ৮০.৯ ওইরি অমসুং মসিনা লৈবাক্কী অপুনবা পাক-চাউবগী শরুক্কী ২৪.৬২%নি হায়না ফোংদোকখি। ইং ২০১৯গী পাউদমগা চাংয়েংনবদা, লৈবাক্কী ফোরেস্ত অমসুং উগী অপুনবা কভর অসিদা স্কক্বার কিমি. ২২৬১ হেনগৎপগী ফিভম উবা ফংলি।

হন্দক্কী এসেসমেন্ত অসিনা রাজ্য/য়ু.তি. ১৭কী ফোরেস্ত কভরগী মনুং চনবা অপুনবা লমগী শরুক্না চাদা ৩৩গী চাংদগী হেনবসিদা নুংঙাইবা ফোংদোক্লদুনা প্রধান মন্ত্রী শ্রী নরেন্দ্রনা লুচিংবা সরকারগী মিৎয়েং অসিদি উমংবু পাক চাউবগী হীরমদা য়োকখৎপদা নত্তনা মগুন হাপকৎপগী থৌওংসু য়াওরি হায়বা ৱাফম ফোংদোকখি।

আই.এফ.এস.আর. ২০২১না ফোরেস্ত কওভর, ত্রী কভর, মেংগ্রুব কভর, গ্রোৱিং স্তোক, ভারতকী উমংগী কার্বন স্তোক, লাম্মৈ চাকপা য়েংশিনবা, তাইগর রিজর্ব এরিয়াগী ফোরেস্ত কভর, এস.এ.আর. দেতা শিজিন্নদুনা লৈমায় মথক্তা লৈবা বাইওমাসকী চাং ওনবা অমসুং ভারতকী উমংগী ক্লাইমেত চেঞ্জ হোৎস্পোতশিংগী ই-পাউ কয়া পীরি।

হন্দক থেংনরকখিবা মরু ওইবা ৱারোলশিং

 

  • লৈবাক্কী ফোরেস্ত অমসুং উগী অপুনবা কভর অসি মিলিয়ন হেক্ত্যার ৮০.৯নি অমসুং মসিনা লৈবাক্কী অপুনবা পাক-চাউবগী শরুক্কী ২৪.৬২%নি। ইং ২০১৯গী পাউদমগা চাংয়েংনবদা, লৈবাক্কী ফোরেস্ত অমসুং উগী অপুনবা কভর অসিদা স্কক্বার কিমি. ২২৬১ হেনগৎখি। মসিগী মনুংদগী, ফোরেস্ত কভর হেনগৎপগী পাক চাউবনা স্কক্বার কিমি. ১৫৪০ অমসুং ত্রী কভরগীনা স্কক্বার কিমি. ৭২১নি।
  • ওপন ফোরেস্ততা হেনগৎলকপা অমসুং মসিগী চাংগা য়েংনবদা অকুঙবা ফোরেস্তনা তুং ইন্দুনা ফোরেস্ত কভর হেনগৎপগী ফিভম উবা ফংখি। ফোরেস্ত কভর হেনগৎপদা মকোক থোংবা রাজ্য অহুমদি আন্ধ্র প্রদেশ (স্কক্বার কিমি. ৬৪৭) অমসুং তুং ইনবা ওইনা তেলঙ্গানা (স্কক্বার কিমি. ৬৩২) অমসুং ওরিশা (স্কক্বার কিমি. ৫৩৭) নি।
  • মধ্য প্রদেশনা লম পাক-চাউবগী ওইনা লৈবাক্কী খ্বাইদগী য়াম্বা ফোরেস্ত কভর লৈ অমসুং অরুনাচল প্রদেশ, ছতিসগর, ওরিশা অমসুং মহারাস্ত্রনা তুং ইনখি। অপুনবা লমগী পাক চাউবগা চাংদম্নবদা লৈবা ফোরেস্ত কভরগী শরুক্কী ওইনা মকোক থোংবা রাজ্য ৫দি মিজোরম (৮৪.৫৩%), অরুনাচল প্রদেশ (৭৯.৩৩%), মেঘালয় (৭৬.০০%), মনিপুর (৭৪.৩৪%) অমসুং নাগালেন্দ (৭৩.৯০%)নি।
  • রাজ্য/য়ু.তি. ১৭কী ফোরেস্ত কভরগী মনুং চনবা অপুনবা লমগী শরুক্না চাদা ৩৩গী চাংদগী হেনখি। হায়রিবা রাজ্য/য়ু.তি.শিংগী মনুংদগী রাজ্য/য়ু.তি. মঙা, মিং ওইনা পল্লবদা লক্ষদ্বীপ, মিজোরম, অন্দমান অমসুং নিকোবর ইথৎ, অরুনাচল প্রদেশ অমসুং মেঘালয়না ফোরেস্ত কভরগী শরুক ৭৫% হেন্না লৈ অমসুং লেমহৌরিবা রাজ্য/য়ু.তি. ১২, মিং ওইনা পল্লবদা মনিপুর, নাগালেন্দ, ত্রিপুরা, গোৱা, কেরলা, সিক্কিম, উত্তরাখন্দ, ছতিসগর, দদ্রা অমসুং নগর হবেলী অমসুং দামন & দ্যু, অসম, ওরিশানা চাদা ৩৩দগী ৭৫গী চাংগী ফোরেস্ত কভর লৈ।
  • লৈবাক্কী মেংগ্রুব কোভরগী পাক চাউবসিদা ইং ২০১৯দা পাংথোকখিবা মমাংগী এসেসমেন্তকা চাংদম্নবদা স্কক্বার কিমি. ১৭ হেনগৎপগী ফিভম উদুনা অপুনবা ওইনা স্কক্বার কিমি. ৪৯৯২ ওইখি। মেংগ্রুব কোভর হেনগৎপগী ফিভম উবা ফংখিবা মকোক থোংবা রাজ্য অহুমদি ওরিশা (স্কক্বার কিমি. 8) অমসুং তুং ইনবা ওইনা মহারাস্ত্রা (স্কক্বার কিমি. ৪) অমদি কর্নাতকা (স্কক্বার কিমি. ৩)নি।
  • লৈবাক্কী উমংগী অপুনবা কার্বোন স্তোক অসি ইং ২০১৯দা পাংথোকখিবা মমাংগী এসেসমেন্তকা চাংদম্নবদা মিলিয়ন ৭৯.৪ হেনগত্তুনা পুন্না মিলিয়ন তোন ৭২০৪ ওইগনি হায়না পানরি। কার্বন স্তোক্কী চহিগী ওইনা হেনগৎপগী চাং অসি মিলিয়ন তোন ৩৯.৭নি।

মেথোদোলোজী

এফ.এস.আই.না ভারত সরকারগী দিজিতেল ইন্দিয়াগী মঙলান অমসুং দিজিতেল দেতা ইন্তিগ্রেসন তৌবগী মথৌ তাবশিংগী মতুং ইন্না ইং ২০১১গী সেন্সস্তা পাউদমখিবগুম্না জিওগ্রাফিকেল এরিয়াশিংগী পাক শন্না চান্নহন্নবগীদমক্তা দিজিতেল ওপন সেরিজ তোপো সীতশিংগা লোয়ননা সর্ভে ওফ ইন্দিয়ানা পীবা জিলাগী থাক ফাওবগী তোঙানবা এদমিনিস্ত্রেতিব য়ুনিৎশিংগী ভেক্তর বাউন্দরী লেয়রগী পথাপ্পু এফ.এস.আই.না শিজিন্নবা হৌখি।

মিদ রিজোল্যুসন সেতিলাইত দেতা শিজিন্নদুনা লৈবাক শিনবা থুংবগী ফোরেস্ত কভরগী বাইনিএল এসেসমেন্ত তৌবগী থৌওং অসি জিলা, রাজ্য অমসুং লৈবাক্কী থাক্তা ফোরেস্ত কভরদা অহোংবা লৈরকপা অমসুং ফোরেস্ত কভর য়েংশিন্নবগীদমক্তা ১:৫০,০০০গী ইন্তর্প্রিতেসন স্কেলগা লোয়ননা মীতর ২৩.৫গী স্পাতিএল রিজোল্যুসন লৈবা ইন্দিয়ন রিমোৎ সেন্সিং সেতিলাইত দেতা (রিসোর্সসেত-২)দগী ফংবা লিস-৩গী দেতাগী ৱাহন্থোক পীবগী থৌওংদা য়ুম্ফম ওইবনি।

মসিগী ৱারোলশিং অসিনা জি.ঐচ.জি. ইনভেন্তরী, গ্রোৱিং স্তোক, কার্বন স্তোক, ফোরেস্ত রিফরেন্স লেভেল (এফ.আর.এল.) অমসুং ফোরেস্তকী প্লান্নিং অমদি সাইন্তিফিক ওইনা শেন্নবগী সি.বি.দি. গ্লোবেল ফোরেস্ত রিসোর্স এসেসমেন্ত (জি.এফ.আর.এ.)গী মখাদা লৈবা য়ু.এন.এফ.সি.সি.সি.গী পান্দমগীদমক্তা মালেমগী ওইনা পাউদম্বগুম্বা মালেমগী থাক্তা লৈবা তোঙান-তোঙানবা ইনভেন্তরী, রিপোর্তগী ইনপুৎ পী।

লৈবাক শিনবা থুংবগী সেতিলাইত দেতাশিং অসি ওক্তোবর-দিসেম্বর ২০১৯গী মতমগী ওইনা এন.এস.আর.সি.দগী ফংবনি। সেতিলাইত দেতাগী ৱাহন্থোক হনবগী থৌওংগী মতুংদা নীংথিনা পাংথোকপা গ্রাউন্দ ত্রুথিংনা মখা অমুক তাই। অতোপ্পা কোলেতরেল সোর্সতগী ফংবা ই-পাউশিং অসি ৱাহন্থোক হল্লবা মমিশিংগী মরিক চুম্বা হেনগৎহন্নবা অমুক্কা হন্না শিজিন্নৈ।

হন্দক পাংথোক্লিবা এসেসমেন্ত অসিগী মরিক চুম্বগী চাং অসি মশক থোক্না ৱাংই। ফোরেস্ত কভর ক্লাসিফিকেসন তৌরিবসিগী চুম্বগী চাং অসি ৯২.৯৯%নি হায়না লৌনরি। ফোরেস্ত অমসুং নন-ফোরেস্ত ক্লাস খায়বগী মরিক চুম্বগী চাং অসি ৮৫%গী চাংদগী হেনবা মালেম্না য়ানরবা ক্লাসিফিকেসন তৌবগী চাংগা চাংদম্নবদগী হেন্দুনা ৯৫.৭৯% ওই হায়না লৌনরি। মসিগা লোয়ননা মনুং হুৎপা ক্যু.সি. অমসুং ক্য.এ.গী থৌওং অমসু পাংথোকখি।

আই.এস.এফ.আর. ২০২১গী অতোপ্পা মশক থোকপা হীরমশিং

হৌজিক্কী আই.এস.এফ.আর. ২০২১ অসিদা, এফ.এস.আই.না ভারতকী তাইগর রিজর্ব, কোরিদোর অমসুং নোংশা য়োকখকৎপগী মফমশিংগী ফোরেস্ত কভর এসেস তৌবগা মরী লৈনবা অনৌবা চেপ্তর অমসু হাপচিল্লে। হীরম অসিগা মরী লৈননা, তাইগর রিজর্ব, কোরিদোর অমসুং নোংশা য়োকখকৎপগী মফমশিংগী মনুংগী ফোরেস্ত কভরদা দিকেদ ১০গী মতমশিংগী মনুংদা অহোংবা লাকপশিং য়েংশিনবনা চহি কয়া অসিদা থবক পায়খৎখিবা মফম য়োকখৎপা অমসুং শেন্নবগী থৌওংশিংনা কয়া য়াম্না কান্নবা ফংখিবগে হায়বা য়েংশিনবদসু তেংবাংলি।

দিকেদ কয়াগী ওইনা য়েংশিনবগী ওইনদি, তাইগর রিজর্বকী মনুং চনবা মফম খুদিংগী আই.এফ.এস.আর. ২০১১ (ইং ২০০৮দগী ২০০৯ ফাওবগী দেতা পেরিয়দ) অমসুং হৌজিক চত্থরিবা সাইকল (আই.এফ.এস.আর. ২০২১গী ইং ২০১৯দগী ২০২০ ফাওবগী দেতা পেরিয়দ) গী মনুংদা ফোরেস্ত কভরদা অহোংবা লৈখিবশিং নৈনখি।

এফ.এস.আই.গী অনৌবা খোঙথাং অমদি ‘লৈমায়গী মথক্তা লৈবা বাইওমাস’কী ইস্তিমেত শেমখিবা থৌওং য়াওবা চেপ্তর অমগী মওংদা শন্দোক্না তাকখি। এফ.এস.আই.না স্পেস এপ্লিকেসন সেন্তর (এস.এ.সি.), আই.এস.আর.ও., অহমেদবাদকা খুৎশম্নদুনা সীন্থেতিক এপর্চর রেদার (এস.এ.আর.) দেতাগী এল.-বেদ শিজিন্নদুনা পেন-ইন্দিয়াগী থাক্তা অবভ গ্রাউন্দ বাইওমাস ইস্তিমেত তৌবগী অখন্নবা স্তদী অমা হৌদোকখি।  অসম অমসুং ওরিশাগী রিজল্ত (এ.জি.বি. মেপকা লোয়ননা) অসি আই.এফ.এস.আর. ২০১৯দা হান্ননা পীখ্রবনি। লৈবাক শিনবা থুংবগী এ.জি.বি. ইস্তিমেত (অমসুং এ.জি.বি. মেপ) অসিগী ইন্তেরিম রিজল্ত অসিদি আই.এফ.এস.আর. ২০২১দা অনৌবা চেপ্তর অমা ওইনা পীথোক্লি। হেন্না কুপথবা রিপোর্ত অসিদি স্তদী অসিনা মপুং ফারবা মতুংদা ফোঙগনি।

এফ.এস.আই.না বির্লা ইন্সতিত্যুৎ ওফ তেক্নোলোজী অমসুং সাইন্স (বিৎস) পিলানী, গোৱা কেম্পসকা খুৎশম্নদুনা ‘ভারতকী উমংগী ক্লাইমেত চেঞ্জ হোৎস্পোত মেপ্পিং তৌবা’ হায়বসিদা য়ুম্ফম ওইদুনা স্তদী অমা পাংথোকখ্রে। পুন্না পাংথোকমিন্নবা স্তদী অসি ভারতকী ফোরেস্ত কভরগী ক্লাইমেতিক হোৎস্পোত মেপ তৌবগী পান্দমগা লোয়ননা পাংথোকখিবনি। থৌওং অসি তুংগী চহি অহুমগী মতম (ইং ২০৩০, ২০৫০ অমসুং ২০৮৫)গী অইং-অশা অমসুং নোং তাবগী দেতা ওইবা য়াই হায়না কম্প্যুতর মোদেল শিজিন্নদুনা মাংজৌননা লেপথোকপা দেতাদা য়ুম্ফম ওইদুনা পাংথোকপনি।

রিপোর্ত অসিদা রাজ্য/য়ু.তি.শিংগী তোঙানবা পেরামীতরগী ৱারোল কয়াসু য়াওরি। চিং, ত্রাইবেল দিস্ত্রিক্ত অমসুং অৱাং নোংপোক লমদমগুম্বা ফোরেস্ত কভরগী অখন্নবা হীরমগী ৱারোলসু রিপোর্ত অসিদা তোঙান্না পল্লি।

রিপোর্ত অসিদা য়াওরিবা ই-পাউশিং অসিনা লৈবাক অসিগী ফোরেস্ত অমসুং উগী পোত্থোকশিংগী পোলিসী, থৌরাং য়াৎপা অমসুং তুং কোইনা চৎহন্নবা শেন্নবগী মমল য়াম্লবা ৱারোল কয়া পীগনি হয়বগী থাজবা থম্লি।

মপুং ফাবা রিপোর্ত অসি পীরিবা য়ু.আর.এল. অসিদা ফংগনিঃ https://fsi.nic.in/forest-report-2021-details

***



(Release ID: 1789767) Visitor Counter : 376