ভারতকী নিং-খা তম্বগী চহি ৭৫ শুরকপদা রিপব্লিক দে ২০২২ তারকপনা, নুমিৎ অসিনা লম্বী কয়া অমদা অখন্নবা  কান্নবা লৌরি৷ অজাদি কা অমিৃত মহোতসবকী শরুক ওইনা, অনৌবা থৌরম কয়া অমা রিপব্লিক দে থৌরমগা মরী লৈননা অহানবা ওইনা হৌদোকখ্রে৷ পুন্সিগী তোঙান তোঙানবা শিনফমশিং পাইরিবা মীয়াম্না নুমিৎ অসিদা শরুক য়াদুনা নুমিৎ অসিবু মীয়ামগী নুমিৎ অমা ওইহন্নবা হোৎনখ্রে৷ রিপব্লিক দে থৌরমশিংগী মাংওইননা মখোয়না মরৈবাকপু নুংশিবা অমদি লৈবাক নিংবগী ৱাখল্লোন অদু ফাওহন্নবা হোৎনরি৷

ঐখোয়গী লৈবাক অসিদা লৈরিবা স্কুল কারিবা অঙাংশিংগা লানগী অথৌবশিং, থৌনা ফরবা মীওইশিংগী ৱারি লিশিন্দুনা অঙাংশিং অসিগী মপুক্নিং থৌগৎনবা অখন্নবা প্রোজেক্ত অমা ওইরিবা ভীর গথা অসি হৌদোকখিবনি, অমদি মসিদা লৈবাক পুম্বদগী চাওনা রেস্পোন্স পীরকখ্রে৷ রিপব্লিক দে থৌরমশিংগী শরুকশিংগী অহানবা ওইনা, গলেন্তরী এৱার্দ ৱিন্নরশিং অসিদা বেজ তৌদুনা স্কুল কারিবা মহৈরোইশিংবু প্রোজেক্তশিং/এক্তিবিতীশিং পাংথোক্নবা মপুক্নিং থৌগৎপা য়াই হায়না দিফেন্স মন্ত্রালয়না খনখিবা লৈরে৷ মসিগী মতুং ইন্না, এজুকেসন মন্ত্রালয়গী দিপার্তমেন্ত ওফ স্কুল এজুকেসন অমদি লিতরেসী অমসুং সেন্ত্রেল বোর্দ ওফ সেকেন্দরী এজুকেসন(সি.বি.এস.ই.)না লৈবাক শিনবা থুংবদা ওক্তোবর ২১দগী নবেম্বর ২১ ফাওবা ভীর গথা প্রোজেক্ত শিনখি৷

রাজ্য ২৮ হেনবদা অমদি য়ুনিয়ন তেরিতোরী নিপানদা লৈরিবা মহৈরোইশঙ ৪,৭৮৮দগী মহৈরোই ৮,০৩,৯০০ হেনবনা থৌরম অসিদা শরুক য়াখি অমদি এসেশিং, শৈরেংশিং, লাই-য়েকপা ্মদি মল্তিমেদিয়া প্রজেন্তেসনশিংগী মওংদা মহৈরোইশিংনা মখোয়গী পুক্নিং থৌগৎনিংঙাই ওইরবা ৱারিশিং অদু সেয়র তৌরকখি৷ কয়ারক হন্না য়েংশিল্লবা মতুংদা, ২০২২গী জানুৱারি ০৬তা, 'সুপর ২৫' খনখ্রে অমদি মখোয়বু মাই-পাক্লবশিংনি হায়না লাওথোকখি৷ নেস্নেল লেবেল কম্মিতী অমনা খ্বাইদগী ফবা এন্ত্রীশিং খনখি৷

মাই-পাক্লবশিং অদুদা মীওই অমমমদা লুপা ১০,০০০গী কেজ প্রাইজ অমা পীরগনি অমদি মখোয়না ন্যু দিল্লীদা হল্লক্লবা মতমদা মখোয়বু ২০২২ জানুৱারি ২৫দা মনা পীদুনা ওক্লগনি অমদি রিপব্লিক দে পেরেদদা দিফেন্স মন্ত্রালয়গী অখন্নবা মীথুংলেনশিং ওইনা লৈহল্লগনি৷ দিফেন্স মন্ত্রালয়, এজুকেসন মন্ত্রালয় অমদি মাই গোভনা ভীর গথা প্রোজেক্তকীদমক শরুক য়ারিবা মীওই পুম্নমক্কী থৌনা অমদি হোৎনবা কনবা অদুগীদমক থাগৎপা ফোংদোক্লি৷

সুপর ২৫গী মমিংশিং অদু মখাদা লৈরে:-

 

*******

(Release ID: 1788785) Visitor Counter : 171