দিল্লী-এন.সি.আর.দা মরু ওইনা ওইমিক্রোন ভেরিয়েন্তকী কোবিদ-১৯ কেসশিংগী মশিংদা হন্দক হেনগৎলক্লিবা অসি য়েংলগা, য়ুনিয়ন হোম সেক্রেতরীনা য়ুনিয়ন হোম সেক্রেতরীনা সভাপতি ওইদুনা দিল্লী এন.চি.আর.দা কোবিদ-১৯গী লৈরিবা ফিভম অমসুং চেকশিন-থৌরাংগী মতাংদা রিভ্যু তৌনবা ঙরাং মীফম অমা পাংথোকখ্রে, মসিদা দিল্লী অমসুং য়ুমথংনবদা লৈরিবা উত্তর প্রদেশ অমসুং দিস্ত্রিক্ত মাপলসু য়াওরি।

এন.সি.আর. রিজনগী য়াম্না কুংনা শাবা অর্বান স্ত্রকচরগী মতাংদা য়েংলগা, হোম সেক্রেতরীনা মরু ওইনা খঙহল্লকখি মদুদি ভাইরস অসিবু লাকশিন্নবা দিল্লী অমসুং এন.সি.আর. রিজনগী মরী লৈনবা ওথোরিতীশিংনা পুল্লপ পুনশিন্নবগী মথৌ তাই হায়না হায়খি। কোবিদ-১৯গী লাইচৎ অসিবু লাকশিন্নবা দিল্লী-এন.সি.আর. রিজনদা অপুনবগী ওইবা স্ত্রেতেজী অমা লৈবগী মথৌ তাই হায়না মহাক্না পল্লকখি।

মসিগী মীফম অসিদা মহাক্না খঙহল্লকখি মদুদি ওমিক্রোন ভেরিয়েন্ত অসি য়াম্না লৌনগল্লি, কেসশিং অসিনা মওং অমা হেক্তদা হেনগৎলকপা মতমদা তৌবা য়াবা অঙম্বা মখৈ অমত্তা চিত্থদনা তৌগদবনি অমসুং মোনিতরিং অমসুং কন্তেনমেন্ত মেকানিজম মখাতানা কনখৎহন্নবা খুদক্কী ওইবা খোংথাংশিং লৌখৎকদবনি হায়না মহাক্না হায়রকখি। রাজ্য অমসুং লোকেল এদমিনিস্ত্রেশন্না কোবিদ-১৯গা চুনবা চৎনা-কাংলোনশিং; মদুদি ফেস মাস্কশিং উপ্পা অমসুং মীয়ামগী ওইবা মফমশিং অমসুং মীয়াম তিনবা মফমশিংদা সোসিয়েল দিস্তেন্সিং ঙাক্না চৎপা হায়বনিচিংবা কয়া অসি য়াম্না চেকশিন্না চৎহনগদবনি হায়না মহাক্না তাক্লকখি।  

মহাক্না দিল্লী-এন.সি.আর.গী দিস্ত্রিক্ত খুদিংমক্তা লৈরিবা হেল্থ ইনফ্রাস্ত্রকচর অদু মথৌ তারকপা মতমদা মায়োক্নবা ঙম্নবা খুদক্তা ফগৎহন্নবা তৌগদবনি হায়না হায়রকখি। মখাতারকপদা, হায়রিবশিং অসিদা ওক্সিজেন সপ্লাই ইক্যুইপমেন্তশিং অদু নিংথিনা মথৌ তৌবা ওইগদবনি অমসুং তঙাইফদনা চংবা হিদাক-লাংথকশিং হেন্না লাংশিন্দুনা থমগদবনি হায়না মহাক্না হায়খি।

য়ুনিয়না হোম সেক্রেতরীনা দিল্লী-এন.সি.আর. দিস্ত্রিক্তশিংদা তেস্তিং তৌবগী চাং খরা ৱাৎপা মফমশিংদা তেস্তিং তৌবগী চাং হেনগৎহনগদবনি হায়না হায়খি। ভাইরস অসিনা শন্দোরকপদগী লাকশিংন্নবা অমসুং থিংননবা পাম্বৈশিং অমসুং মেকানিজমশিং অদু অমুক হন্না নিংথিনা মথৌ তৌগদবনি।

মীফম অদুদা দা. ভি.কে. পোল, মেম্বর (হেল্থ) নিতিআয়োগ, অমসুং কেন্দ্র সরকারগী অতোপ্পা সেনিয়র ওফিসিয়েলশিং অমসুং দিল্লীগী এন.সি.তি. অমসুং য়ুমলোন্নবা দিস্ত্রিক্তশিংগী দিস্ত্রিক্ত এদমিনিস্ত্রেশনদগী ওফিসিয়েলশিংগা লোইননা উত্তর প্রদেশ, হরিয়ানা অমসুং দিল্লীগী রাজ্যশিংগী চীফ সেক্রেতরিশিং/এ.সি.শিংনা শরুক য়াখি।

*****