ইলেক্সন কমিসন
ই.সি.আই.না মনিপুরদা লাক্কদৌরিবা এসেমব্লী ইলেক্সনশিংগীদমক্তা পোল প্রিপেয়র্দনেসকী মতাংদা রিভ্যু তৌখ্রে
পোলিতিকেল পার্তীশিং, চীফ সেক্রেতরী, দি.জি.পি., স্তেত পুলিস, নোদেল ওফিসর অমসুং সি.ই.ও. মনিপুরগা লোইননা ভর্চুৱলগী ওইবা মীফম অমা পাংথোকখ্রে
Posted On:
05 JAN 2022 9:41PM by PIB Imphal
চীফ ইলেক্সন কমিস্নর, শ্রী সুশিল চন্দ্রনা ঙসি ইলেক্সন কমিস্নর শ্রী রাজিব কুমার অমসুং শ্রী অনুপ চন্দ্র পান্দেগা লোইননা মনিপুরদা লাক্কদৌরিবা এসেমব্লী ইলেক্সনশিংগীদমক্তা পোল প্রিপেয়র্দনেস য়েংশিন্নবা ভর্চুৱলগী মীফম অমা পাংথোকখ্রে। মনিপুরদা স্তেত এসেমব্লীগী তার্ম অসি ২০২২গী মার্চতা লোইরগনি অমসুং রাজ্য অসিদা এ.সি. ৬০ (জেনরেল এ.সি. ৪০; এস.সি.১ অমসুং এস.তি. ১৯)গী ইলেক্সনগী মতম লেপখ্রে।
![https://static.pib.gov.in/WriteReadData/userfiles/image/image001Q27L.jpg](https://static.pib.gov.in/WriteReadData/userfiles/image/image001Q27L.jpg)
রিভ্যু মীতিং অদুদা, পোলিতিকেল পার্তিশিংগী মীহুৎশিং মিং ওইনা পল্লবদা ওল ইন্দিয়া ত্রিনামুল কোংগ্রেস, ভারতিয়া জন্তা পার্তী, কম্যুনিস্ত পার্তী ওফ ইন্দিয়া, কম্যুনিস্ত পার্তী ওফ ইন্দিয়া (মার্কসিস্ত), ইন্দিয়ন নেস্নেল কোংগ্রেস, নেস্নেলিস্ত কোংগ্রেস পার্তী, নাগা পিপলস ফ্রন্ত (এন.পি.এফ.), নেস্নেল পিপলস পার্তী, পিপলস দেমোক্রেতিক এলাইন্সনা ভীদিও কনফরেন্সিংগী খুত্থাংদা কমিসনগা উনখি। পোলিতিকেল পার্তীশিং অসিনা থংগৎলকখিবা মরু ওইবা ৱাফমশিং অদুদা ভোতরশিংবু ইনফ্লুয়েন্স তৌনবা শেল, শক্তি, ইলিসিৎ লিকর, নার্কোতিক দ্রগশিং অমসুং কিহনবনচিংবা কয়া য়াওরি। পোলিতিকেল পার্তীশিংনা অরান অথুপ য়াওদবা মীখল অমা পাংথোক্নবা কেন্দিদেতশিংনা তৌরিবা ইলেক্সন এক্সপেন্সগী মতাংদা চেকশিন্না য়েংশিবীনবগীদমক্তা হায়জরকখ্রে। প্রি-পুল ভাবোলেন্সকী মতাংদা নুংনাংবা উৎলদনা, পোলিতিকেল পার্তিশিংনা মীখলগী থৌরমশিংদা সেক্যরিতী ফোর্সশিং মতিক চানা থম্নবা অমসুং মসিগা মরী লৈনবা পাম্বৈ কয়া অমা থম্নবা দিমান্দ তৌরকখ্রে। পোলিতিকেল পার্তীশিংনা মীয়ামদা অশোই-অঙাম য়াওদনবা কোবিদ প্রোতোকোলশিং হকচিন্না চৎহন্নবগী মতাংদসু ৱাফম খরা পুখৎলকখি।
কমিসননা মীহুৎশিং অদুদা থাজবা পীরকখি মদুদি ইলেক্সন পার্তীশিংগী সজেসনশিং, ইসুশিং অমসুং কন্সের্নশিং অদুবু মখোয়না খঙজিল্লে অমসুং ই.সি.আই.না রাজ্য অসিদা অরান-অথুপ য়াওদবা, পার্তিসিপেতিব, ইনক্লুসিব, ইন্দ্যুসমেন্ত ফ্রী অমসুং কোবিদ সেফ ওইবা ইলেক্সন অমা পাংথোক্নবা কথৱাই-হকচাং য়াওনা তৌগনি।
ভোতরশিংবু ইনফ্লুয়েন্স তৌনবা শেল কা-হেন্না শিজিন্নবা অমসুং অতোপ্পা ইন্দ্যুসমেন্তশিংগী মতাংদা নুংনাংবা পোক্লিবা অদুগী মতাংদা কমিসন্না অমুক্কসু হন্না খঙ্ল্লকখি মদুদি অরান-অথুপ য়াওদবা মীখল অমা পাংথোকপদা থুগাইনবা শেলবু অরানবা মওংদা শিজিন্নবা নত্রগা মসল পাৱর নত্রগা স্তেত মেসিনরীগী পার্তিসান বিহেব্যরগীদমক্তা তোলেরেন্স অমত্তা লৈতে। সি.ই.সি., শ্রী সুশিল চন্দ্রনা লান্না চৎলিবা ওফিসিয়েলশিংদা অহকপা এক্সন লৌখৎলগনি হায়না পল্লকখি। রাজ্য অসিদা ইন্দ্যুসমেন্ত-ফ্রী ওইবা ইলেক্সন পাংথোক্নবা চেকশিন্না য়েংশিন্নবগীদমক্তা এক্সপেন্দিচর ওবজার্বরশিং থাদোক্লগনি হায়না মহাক্না মখা তারকখি। শ্রী চন্দ্রনা এম.সি.সি. ভায়োলেশনশিংগী অথুবা মতমদা রেদ্রেসল পীনবগীদমক্তা কমপ্লেনশিং রেজিস্তর তৌনবগীদমক্তা ই.সি.আই.গী সি.ভিজিল এপ মেকানিজমগী মতাংদসু তাক্লকখি, মসিগা লোইন-লোইননা মসিগী মতাংদা ওইবা তোল ফ্রী নম্বর ১৯৫০গী মতাংদসু হায়রকখি।
![https://static.pib.gov.in/WriteReadData/userfiles/image/image002IMJP.jpg](https://static.pib.gov.in/WriteReadData/userfiles/image/image002IMJP.jpg)
ই.সি.আই.না অরান-অথুপ য়াওদবা অমসুং ইরাং লৈতবা পোলিং পাংথোক্নবগীদমক্তা মশক খঙদোক্লবা ভলনরেবল ওইবা পোলিং এরিয়াশিংদা মথৌ তাবা খুদিংমক্তা ৱেবকাস্তিং/ভীদিওগ্রাফী, সি.এ.পি.এফ. পার্সোনেলশিং থাদোকপা অমসুং মাইক্রো ওবজার্ভরশিংগী পাম্বৈশিং শিজিন্নগনি হায়না কমিসন্না মীহুৎশিং অদুদা থাজবা পীরকখি।
কমিসন্না পল্লকখি মদুদি রাজ্য অসিদা অহানবা ওইনা এবসেন্তী ভোতরশিং, মসিদা য়াওরিবশিং অদুদি ৮০+ সেনিয়র সিতিজনশিং, পি.দবল্য.দি. ইলেক্তরশিং, অমসুং কোবিদ-১৯ সসপেক্তশিং নত্রগা নারবা মীওইশিংগীদমক্তা ইলেক্সন মনুংদা পোস্তেল বেলোত ফেসিলিতীগী খুদোংচাবা অসি পীরগনি। পোস্তেল বেলোত ফেসিলিতী অসি ওপ্সনেল ফেসিলিতীনি অমসুং মসিনা ভোতিংদা তোতেল সেক্রেসী লৈহনগনি। কেন্দিদেতশিংগী মীহুৎশিং অদু থৌওং লৈগনি অমসুং তৌরিবা থৌওং পুম্নমক ভীদিও নমগনি। রাজ্য অসিদা মীয়ামগা মীমান্নদ্রবা মীওই ১৪,৫৬৫ অমসুং সেনিয়র সিতিজন (৮০+) ৪১,৮৬৭গী মধক্তা খঙদোকখ্রে।
মসিগী মখা তারকপদা, কমিসন্না চীফ সেক্রেতরী অমসুং স্তেত নোদেল ওফিসরগা লোইননা এদমিনিস্ত্রেতিব, লিজিস্তিক্স, বজেত, লো অমসুং ওর্দর অমসুং ইলেক্সনগা মরী লৈনবা এরেঞ্জমেন্তশিংগী মতাংদা খন্নখ্রে। কমিসন্না চীফ সেক্রেতরী অমসুং দাইরেক্তর জেনরেল ওফ পুলিসকা লোইননা পোল প্রিপেয়র্দনেস আমসুং লো অমসুং ওর্দরগা মরী লৈনবা ৱাফমশিংগী মতাংদা রিভ্যু তৌখ্রে।
![https://static.pib.gov.in/WriteReadData/userfiles/image/image003T1OY.jpg](https://static.pib.gov.in/WriteReadData/userfiles/image/image003T1OY.jpg)
রিভ্যু মীতিং অদুদা, কমিসন্না মরু ওইনা অসোই-অঙাম য়াওদবা ইলেক্সন অমা পাংথোক্নবা পোলিং স্তাফ পুম্নমক ১০০% ভেক্সিনেশন তৌহনবা, পোলিং স্তেশনশিংদা নিংথিনা সেনিতাইজ তৌহনবা অমসুং সোসিয়েল দিস্তেন্সিং ঙাক্না চৎপগী মতাংদা খন্নখি। সি.ই.সি., শ্রী চন্দ্রনা রাজ্য অসিদা ভেক্সিনেশনগী চাং য়াম্না নেম্বগী মতাংদা মহাক্কী কন্সর্ন অদু মনিপুরগী চীফ সেক্রেতরীদা খঙহনখি অমসুং মসিবু হেন্না য়াংশিন হন্নবগীদমক্তা হায়খি।
কোবিদ সোসিয়েল-দিস্তেন্সিং নোর্মশিং অদু য়েংলগা, কমিসন্না অখন্ননা হান্নগী লৈরম্বা নোর্মশিং অদু অমুক হন্না য়েংশিনখি। মসিনা মরম ওইরগা পোলিং স্তেশনদা লৈগদবা ইলেক্তরগী মশিংগী নোর্ম অদু ১৫০০দগী ১২৫০দা হন্থখ্রে। মসিনা পোলিং স্তেশন অমদা লৈগদবা ইলেক্তরশিংগী মশিং অদু য়াম্না হন্থহল্লগনি। পোলিং স্তেশন খুদিংমক্তা অস্যোরদ মিনিমম ফেসিলিতীশিং খুদম ওইনা থক্নবা ঈশিংগী ফেসিলিতী, ঈশিংগী ফেসিলিতী লৈবা তোইলেতশিং, রেমপশিং, হ্বীলচেয়রশিং, ইলেক্ত্রিসিতী, শেদনচিংবশিং লৈহন্নবা সি.ই.ও.দা খঙহল্লখ্রে। কমিসন্না আল্তর্নেতিব এরেঞ্জমেন্তশিংগীদমক্তা কম্যুনিকেশন শেদো পোলিং স্তেশনশিং খঙদোক্নবা খঙহল্লকখ্রে। লো অমসুং ওর্দর ইসুশিং অদু য়েংশিল্লদুনা, কমিসন্না রাজ্য অসিদা লৈরিবা লাইসেন্স পীরবা খুৎলাইশিং অদুবু লৌশিন্নবা খঙহল্লকখ্রে। লিকর, দ্রগশিং, লেম্না অচা-অথক য়েন্থোকপা অমসুং শেল য়েন্থোকপগী মতাংদা চাকশিন্না য়েংশিনবা অমসুং আইননা য়াদবা থবক-থৌওংশিংনা মরম ওইরগা ইলেক্তোরেল প্রোসেসতা অকাইবা লৈহন্দনবা হায়খ্রে। সি.ই.সি.না য়াদবা মওংদা বোর্দর ৱাংবা লান্না চংথোক-চংশিন তৌবা অমসুং লোন্না চংশিল্লকপা থিংনবা ইন্তর্নেস্নেল বোর্দরদা চেকশিন্না য়েংশিন্দুনা লৈনবা হায়রকখ্রে।
কমিসন্না ইলেক্তোরেল প্রোসেস মনুংদা লাকপা কমপ্লেনশিং অদু য়াম্না য়াংনা ৱারোইশিন পুরক্নবা অমসুং মসিগী মতাংদা রোবস্ত মেকানিজম লৈহন্নবা সি.ই.ও.দা খঙহল্লকখ্রে। স্পেসিয়েল সম্মরী রিভিজন ২০২২গী মতুং ইন্না ঙসি ইলেক্তোরেল রোল ফোংখ্রে, অমসুং রাজ্য অসিদা পুন্না ইলেক্তর ২০,৩৪,৯৬৬ লৈ হায়না পনখিল রাজ্য অসিদা লৈরিবা জেন্দর রেসিও অসি ২০১৭দা লৈরম্বা ১০৪৬তগী ১০৬৫তা হেনগৎলকখ্রে অমসুং রাজ্য অসিদা ফার্সত তাইম ইলেক্তর (চহি ১৮-১৯) ৩৮,৩৮৪ এনরোল তৌখ্রে, হায়রিবা অসি ২০১৭গী ০.৫৬%গা চাংদম্নবা অপুনবা ইলেক্তরগী মশিংগী ২.৬% ওই।
রিভ্যু মীতিং অসিদা ইলেক্সন কমিসন ওফ ইন্দিয়াগী সেনিয়র ওফিসিয়েলশিংনসু শরুক য়াখি।
*****
(Release ID: 1787916)
Visitor Counter : 171