লেন্দমার্ক ওইনা মায় পাকপা অমদা, নহাশিংগী ভেক্সিনেসন দ্রাইবকী ৩শুবা নুমিৎতসু চহি কাংলুপ ১৫-১৮গী মরক্তা লৈবা নহাশিংদা কোবিদ-১৯ ভেক্সিন দোজ কোতি ১ (১,২৪,০২,৫১৫) হেন্না কাপথোকখ্রে। ভারতনা ঙসি কোবিদ-১৯ ভেক্সিনেসন কবরেজ কোতি ১৪৮.৫৮ (১,৪৮,৫৮,১৯,৪৯১)  লানখ্রে। ঙসি নুমিদাংগী পুং ৭ ফাওবদা,ভেক্সিন দোজ লাখ ৮২ (৮২,২৬,২১১) হেন্না কাপখ্রে৷ নুমিদাং অথেংবদা নুমিৎ অদুগী ফাইনেল ওইবা রিপোর্তশিং পীশিল্লকপদা নোংমগী ভেক্সিনেসন তেল্লী অসি হেনগৎলক্লবা য়াই হায়না পানরি৷

ত্বীত অমদা, কেন্দ্রগী হকশেল মন্ত্রী দাঃ মনসুখ মন্দাবিয়ানা নহাশিংবু ভেক্সিনেসনগী থৱায় য়াওবগীদমক থাগৎপা ফোংদোকখ্রে অমসুং হায়রিবা মায় পাকপা অসিদা হরাওবা ফোংদোকখ্রে। মহাক্না ইলিজিবল ওইরবা নহাশিংবু অথুবা মতমদা ভেক্সিন কাপথোক্নবসু কন্না হায়খি।

পোপুলেসন প্রাইয়োরিতী গ্রুপশিংদা বেজ তৌদুনা কাপখিবা ভেক্সিন দোজকী অপুনবা কোভরেজ অদু মখাদা লৈরে:

পোপুলেসন প্রাইয়োরিতী গ্রুপশিংদা কাপখিবা ঙসিগী ভেক্সিনেসন এক্সর্সাইসতা ফংলিবা এচিবমেন্দ অদু মখাদা লৈরে:

লৈবাক অসিদা লৈরিবা খ্বাইদগী ফিভম শোক্নিংঙাই ওইরিবা মীওই কাংলুপশিংবু কোবিদ-১৯দগী ঙাকথোক্নবগী খুৎলাই অমা ওইনা শিজিন্নরিবা ভেক্সিনেসন এক্সর্সাইস অসি অৱাংবা থাক্তা চাং নাইনা লেপ্পা-লৈতনা য়েংশিল্লি৷

****