ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯ
azadi ka amrit mahotsav

ಟೆಲಿ ಮೆಡಿಸಿನ್ ತಂತ್ರಜ್ಞಾನವು ಭಾರತದ ಭವಿಷ್ಯದ ಆರೋಗ್ಯ ವ್ಯವಸ್ಥೆಯ ಮುಖ್ಯ ಆಧಾರಸ್ತಂಭವಾಗಲಿದೆ ಎಂದು ಕೇಂದ್ರ ಸಚಿವ ಡಾ ಜಿತೇಂದ್ರ ಸಿಂಗ್ ಹೇಳಿದ್ದಾರೆ

ಡಾ ಜಿತೇಂದ್ರ ಸಿಂಗ್ ವಾರಾಣಸಿಯ  ಬಿಎಚ್ ಯು ನಲ್ಲಿ ಟೆಲಿ-ಡಿಜಿಟಲ್ ಹೆಲ್ತ್ ಪೈಲಟ್ ಕಾರ್ಯಕ್ರಮವನ್ನು ಪ್ರಾರಂಭಿಸಿದರು

ವಾರಾಣಸಿ, ಗೋರಖ್‌ಪುರ ಮತ್ತು ಮಣಿಪುರದ ಕಾಮ್‌ಜಾಂಗ್‌ನ ಮೂರು ಜಿಲ್ಲೆಗಳಲ್ಲಿ ಪ್ರಾರಂಭವಾಗುವ ಯೋಜನೆಯು ಆರಂಭಿಕ ಹಂತದಲ್ಲಿ 60,000 ರೋಗಿಗಳನ್ನು ಒಳಗೊಂಡಿರುತ್ತದೆ.

ಭಾರತೀಯ ಜನಸಂಖ್ಯೆಗೆ ಎಲೆಕ್ಟ್ರಾನಿಕ್ ಹೆಲ್ತ್ ರೆಕಾರ್ಡ್ (EHR) ಉತ್ಪಾದಿಸುವ ಯೋಜನೆ ಇದಾಗಿದೆ ಎಂದು ಸಚಿವರು ಹೇಳಿದ್ದಾರೆ

ಟೆಲಿ-ಮೆಡಿಸಿನ್ ನಿಂದ ಪ್ರತಿ ವರ್ಷ ಭಾರತಕ್ಕೆ 4-5 ಶತಕೋಟಿ US ಡಾಲರ್‌ ಮೊತ್ತ ಉಳಿತಾಯ: ಡಾ ಜಿತೇಂದ್ರ ಸಿಂಗ್

Posted On: 31 DEC 2021 4:49PM by PIB Bengaluru

ವಿಜ್ಞಾನ ಮತ್ತು ತಂತ್ರಜ್ಞಾನ (ಸ್ವತಂತ್ರ ಉಸ್ತುವಾರಿ); ಕೇಂದ್ರ ರಾಜ್ಯ ಸಚಿವರು, ಭೂ ವಿಜ್ಞಾನ; MoS PMO, ಸಿಬ್ಬಂದಿ, ಸಾರ್ವಜನಿಕ ಕುಂದುಕೊರತೆಗಳು, ಪಿಂಚಣಿಗಳು, ಪರಮಾಣು ಶಕ್ತಿ ಮತ್ತು ಬಾಹ್ಯಾಕಾಶ, ರಾಜ್ಯ ಸಚಿವರು ಆಗಿರುವ ಡಾ. ಜಿತೇಂದ್ರ ಸಿಂಗ್ ಅವರು, ಇಂದು ಟೆಲಿ-ಮೆಡಿಸಿನ್ ತಂತ್ರಜ್ಞಾನ ಭಾರತದ ಭವಿಷ್ಯದ ಆರೋಗ್ಯ ವ್ಯವಸ್ಥೆಯ ಮುಖ್ಯ ಆಧಾರಸ್ತಂಭವಾಗಲಿದೆ ಎಂದು ಹೇಳಿದ್ದಾರೆ.

ವಾರಾಣಸಿಯ ಬಿಎಚ್ ಯು ನಲ್ಲಿ ಟೆಲಿ-ಡಿಜಿಟಲ್ ಹೆಲ್ತ್‌ಕೇರ್ ಪೈಲಟ್ ಕಾರ್ಯಕ್ರಮವನ್ನು ಪ್ರಾರಂಭಿಸಿದ ಡಾ. ಜಿತೇಂದ್ರ ಸಿಂಗ್, ಟೆಲಿ-ಮೆಡಿಸಿನ್‌ನಂತಹ ನವೀನ ಆರೋಗ್ಯ ಪರಿಹಾರಗಳು ಭಾರತಕ್ಕೆ ಪ್ರತಿ ವರ್ಷ 4-5 ಶತಕೋಟಿ ಅಮೆರಿಕ ಡಾಲರ್‌ ಮೊತ್ತ ಉಳಿತಾಯವಾಗಲಿದೆ ಮತ್ತು ಅರ್ಧದಷ್ಟು ವೈಯಕ್ತಿಕ ಹೊರರೋಗಿ ಸಮಾಲೋಚನೆಗಳನ್ನು ಬದಲಾಯಿಸಬಹುದು ಎಂದಿದ್ದಾರೆ.
 ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ಡಿಜಿಟಲ್ ಹೆಲ್ತ್ ಮಿಷನ್ ಎಲ್ಲರಿಗೂ ಆರೋಗ್ಯ ವಿತರಣೆಯನ್ನು ಅನುವು ಮಾಡಿಕೊಡಲಿದೆ ಮತ್ತು ಕೈಗೆಟುಕುವಂತೆ ಮಾಡಲಿದೆ ಎಂದು ಸಚಿವರು ಹೇಳಿದ್ದಾರೆ.
 ವಿಶೇಷವಾಗಿ ಗ್ರಾಮೀಣ ಮತ್ತು ಪ್ರವೇಶಿಸಲಾಗದ ಭೂಪ್ರದೇಶದಲ್ಲಿ ವಾಸಿಸುವ ಬಡವರಿಗೆ ಇದು ಅನುಕೂಲವಾಗಲಿದೆ ಎಂದು ಅವರು ಹೇಳಿದರು.
 ದೇಶದಲ್ಲಿ ಟೆಲಿಮೆಡಿಸಿನ್ ವೆಚ್ಚದ ಪರಿಣಾಮಕಾರಿತ್ವವನ್ನು ಸಾಬೀತುಪಡಿಸಿದ್ದು, ಸಮಾನವಾದ ವೈಯಕ್ತಿಕ ಭೇಟಿಗಳಿಗಿಂತ ಸುಮಾರು 30% ಕಡಿಮೆಯಾಗಿದೆ.

 

ಟೆಲಿಮೆಡಿಸಿನ್ ತಂತ್ರಜ್ಞಾನವು ದೇಶದಲ್ಲಿ ಸ್ವಲ್ಪ ಸಮಯದವರೆಗೆ ಚಾಲ್ತಿಯಲ್ಲಿದ್ದರೂ, ಕೋವಿಡ್ ನಂತರದ ಯುಗದಲ್ಲಿ ಮತ್ತು ಭಾರತದಲ್ಲಿ ಡಿಜಿಟಲ್ ಹೆಲ್ತ್ ಇಕೋಸಿಸ್ಟಮ್‌ಗೆ ಪ್ರಧಾನಿ  ಮೋದಿ ಅವರ ತಳ್ಳುವಿಕೆಯ ಹಿನ್ನೆಲೆಯಲ್ಲಿ ಇದು ಬಲಗೊಳ್ಳಲಿದೆ ಎಂದು ಡಾ ಜಿತೇಂದ್ರ ಸಿಂಗ್ ಹೇಳಿದರು.

 ಭಾರತದ ಕೆಲವು ಭಾಗಗಳಲ್ಲಿ ಲಸಿಕೆಗಳನ್ನು ಡ್ರೋನ್  ಮೂಲಕ ಮಾಡಿರುವ ವಿತರಣೆಯನ್ನು ಉಲ್ಲೇಖಿಸಿದ ಸಚಿವರು, ತಂತ್ರಜ್ಞಾನದಲ್ಲಿ ಕ್ಷಿಪ್ರ ಪ್ರಗತಿಯೊಂದಿಗೆ, ರೋಬೋಟಿಕ್ ಸರ್ಜರಿ ಕೂಡ ಶೀಘ್ರದಲ್ಲೇ ರಿಯಾಲಿಟಿ ಆಗಲಿದೆ ಮತ್ತು ಭವಿಷ್ಯದ ವೈದ್ಯರು ಟೆಲಿ-ಡಾಕ್ಟರ್‌ಗಳ ಸಾಮರ್ಥ್ಯವನ್ನು ಹೆಚ್ಚಿಸಲಿದ್ದಾರೆ ಎಂದು ಹೇಳಿದರು.

1,457 ಭಾರತೀಯ ನಾಗರಿಕರಿಗೆ ಒಬ್ಬರಂತೆ ಭಾರತದಲ್ಲಿ ಅತ್ಯಂತ ಕಡಿಮೆ ವೈದ್ಯ-ರೋಗಿ ಅನುಪಾತವನ್ನು ಸೂಚಿಸಿದ ಡಾ .ಜಿತೇಂದ್ರ ಸಿಂಗ್ ಅವರು, ಟೆಲಿ-ಮೆಡಿಸಿನ್ ಇನ್ನು ಮುಂದೆ ಒಂದು ಆಯ್ಕೆಯಾಗಿಲ್ಲ ಆದರೆ ಅಗತ್ಯವಾಗಿದೆ. ಭಾರತದ ಜನಸಂಖ್ಯೆಯ ಸುಮಾರು ಶೇ.65 ರಷ್ಟು ಜನರು ಗ್ರಾಮೀಣ ಹಳ್ಳಿಗಳಲ್ಲಿ ವಾಸಿಸುತ್ತಿದ್ದಾರೆ, ಅಲ್ಲಿ ವೈದ್ಯ-ರೋಗಿ ಅನುಪಾತವು 25,000 ನಾಗರಿಕರಿಗೆ ಒಬ್ಬ ವೈದ್ಯರಂತೆ ಕಡಿಮೆಯಾಗಿದೆ ಮತ್ತು ಆದ್ದರಿಂದ ಅವರು ಪಟ್ಟಣಗಳು ​​​​ಮತ್ತು ಮೆಟ್ರೋಪಾಲಿಟನ್ ನಗರಗಳಲ್ಲಿನ ವೈದ್ಯರಿಂದ ಉತ್ತಮ ವೈದ್ಯಕೀಯ ಸಲಹೆಯನ್ನು ಪಡೆಯಬೇಕು ಎಂದು ಅವರು ಹೇಳಿದರು.
 ಟೆಲಿಮೆಡಿಸಿನ್, ರೋಗಿಗಳಿಗೆ ಅವರ ಸಮಯ ಮತ್ತು ಹಣವನ್ನು ಉಳಿಸಲು ಸಹಾಯ ಮಾಡುತ್ತದೆ, ಆದರೆ ಅದೇ ಕರೆಗೆ ತಮ್ಮ ರೋಗಿಗಳಿಗೆ ತ್ವರಿತವಾಗಿ ಸಹಾಯ ಮಾಡುವ ಮತ್ತು ಪ್ರಮುಖ ಕಾಯಿಲೆಗಳಿರುವ ರೋಗಿಗಳಿಗೆ ತ್ವರಿತವಾಗಿ ಚಿಕಿತ್ಸೆ ನೀಡುವಲ್ಲಿ ಸಕ್ರಿಯವಾಗಿ ತೊಡಗಿಸಿಕೊಳ್ಳುವ ವೈದ್ಯರಿಗೆ ಸಹಾಯ ಮಾಡುತ್ತದೆ.


 ವಾರಾಣಸಿ, ಗೋರಖ್‌ಪುರ ಮತ್ತು ಕಾಮ್‌ಜಾಂಗ್‌ನ ಮೂರು ಜಿಲ್ಲೆಗಳಲ್ಲಿ ಪ್ರಾರಂಭವಾಗುವ ಯೋಜನೆಯು ಆರಂಭಿಕ ಹಂತದಲ್ಲಿ 60,000 ರೋಗಿಗಳನ್ನು ಒಳಗೊಂಡಿರುತ್ತದೆ ಮತ್ತು ಮುಂಬರುವ ವರ್ಷಗಳಲ್ಲಿ ಇಡೀ ದೇಶವನ್ನು ಆವರಿಸುವಂತೆ ಕ್ರಮೇಣವಾಗಿ ವಿಸ್ತರಿಸಲಾಗುವುದು ಎಂದು ಡಾ. ಜಿತೇಂದ್ರ ಸಿಂಗ್ ಹೇಳಿದರು. ತಂತ್ರಜ್ಞಾನ ಮಾಹಿತಿ, ಮುನ್ಸೂಚನೆ ಮತ್ತು ಮೌಲ್ಯಮಾಪನ ಮಂಡಳಿ (TIFAC), ಕೇಂದ್ರದಲ್ಲಿ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯ ಸ್ವಾಯತ್ತ ಸಂಸ್ಥೆಯಾಗಿದ್ದು, IIT ಮದ್ರಾಸ್-ಪ್ರವರ್ತಕ್ ಫೌಂಡೇಶನ್ ಟೆಕ್ನಾಲಜೀಸ್ ಮತ್ತು CDAC ಮೊಹಾಲಿ ಸಹಯೋಗದೊಂದಿಗೆ ಪ್ರಾಯೋಗಿಕ ಟೆಲಿ-ಡಯಾಗ್ನೋಸ್ಟಿಕ್ಸ್ ಯೋಜನೆಯನ್ನು ವಿನ್ಯಾಸಗೊಳಿಸಿದೆ. ಇದು ಭಾರತೀಯ ಜನಸಂಖ್ಯೆಗೆ ಎಲೆಕ್ಟ್ರಾನಿಕ್ ಹೆಲ್ತ್ ರೆಕಾರ್ಡ್ (EHR) ಅನ್ನು ಸಹ ರಚಿಸುತ್ತದೆ.

ಈ ಯೋಜನೆಯು ಸ್ಕೇಲೆಬಲ್ ಪೈಲಟ್ ಪ್ಲಗ್ ಮತ್ತು ಪ್ಲೇ ಮಾದರಿಯಾಗಿದ್ದು, ದೂರದ ಪ್ರದೇಶಗಳಲ್ಲಿ ವಾಸಿಸುವ ಹಿಂದುಳಿದ ಮಹಿಳೆಯರು ಮತ್ತು ಮಕ್ಕಳಿಗೆ ಕೈಗೆಟುಕುವ ವೆಚ್ಚದಲ್ಲಿ ಗುಣಮಟ್ಟದ ವೈದ್ಯಕೀಯ ಸೇವೆಯನ್ನು ಒದಗಿಸಲು ಉದ್ದೇಶಿಸಲಾಗಿದೆ. ಪ್ರಮುಖ ಚಟುವಟಿಕೆಗಳಲ್ಲಿ ರೋಗಿಗಳ ಪರೀಕ್ಷೆ ಸೇರಿವೆ: 

ಧರಿಸಬಹುದಾದ ಸಾಧನಗಳನ್ನು ಹೊಂದಿಅವರು, ಮಹಿಳೆಯರು/ಮಕ್ಕಳು, ಆರೋಗ್ಯ ದತ್ತಾಂಶ ದಾಖಲೆಯನ್ನು ಇ-ಸಂಜೀವನಿ ಕ್ಲೌಡ್ ಮೂಲಕ ವಿಶ್ಲೇಷಣೆಗಾಗಿ ವೈದ್ಯರ ಪೂಲ್‌ಗೆ ವರ್ಗಾಯಿಸುವುದು ಮತ್ತು ಏಕಕಾಲದಲ್ಲಿ EHR ಅಭಿವೃದ್ಧಿಗಾಗಿ. ವಿಶ್ಲೇಷಿಸಲಾಗುವ ನಿಯತಾಂಕಗಳು: ಇಸಿಜಿ, ಹೃದಯ ಬಡಿತ, ರಕ್ತದೊತ್ತಡ, ಲಿಪಿಡ್ ಪ್ರೊಫೈಲ್, ಹಿಮೋಗ್ಲೋಬಿನ್ ಮತ್ತು ಭ್ರೂಣದ ಡಾಪ್ಲರ್.

ಡಾ ಜಿತೇಂದ್ರ ಸಿಂಗ್ ಅವರು, ತಮ್ಮ ಸಂಸದರ-ಎಲ್‌ಎಡಿ ನಿಧಿಯಿಂದ ತಮ್ಮ ಲೋಕಸಭಾ ಕ್ಷೇತ್ರವಾದ ಉಧಮ್‌ಪುರ-ಕಥುವಾ-ದೋಡಾದಲ್ಲಿ ಟೆಲಿ-ಸಮಾಲೋಚನೆ ಸೌಲಭ್ಯವನ್ನು ಸ್ಥಾಪಿಸಿದ್ದಾರೆ ಮತ್ತು ಅದರೊಂದಿಗೆ ಸಂಪರ್ಕ ಹೊಂದಿದ ಎಲ್ಲಾ ಪಂಚಾಯತ್‌ಗಳೊಂದಿಗೆ ಜಿಲ್ಲಾ ಆಸ್ಪತ್ರೆ ಉಧಮ್‌ಪುರದಲ್ಲಿ ಅದನ್ನು ಮೇಲ್ವಿಚಾರಣೆ ನಿರಂತರವಾಗಿ ಮಾಡಲಾಗುತ್ತಿದೆ ಎಂಬುದನ್ನು ಸ್ಮರಿಸಬಹುದು. 

ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು ಆರೋಗ್ಯ ಕ್ಷೇತ್ರಕ್ಕೆ ಹೆಚ್ಚಿನ ಆದ್ಯತೆ ನೀಡಿದ್ದಾರೆ ಮತ್ತು ಈ ವರ್ಷದ ಬಜೆಟ್ ಆರೋಗ್ಯ ರಕ್ಷಣೆಯ ಮೇಲಿನ ವೆಚ್ಚವನ್ನು 137% ರಷ್ಟು ಹೆಚ್ಚಿಸಿದೆ. ಇದು ಜಿಡಿಪಿಯ 2.5%-3% ರಷ್ಟು ಉದ್ಯಮದ ನಿರೀಕ್ಷೆಗಳಿಗೆ ಅನುಗುಣವಾಗಿದೆ ಎಂದು ಡಾ ಜಿತೇಂದ್ರ ಸಿಂಗ್ ಹೇಳಿದರು. ಕೋವಿಡ್-19 ಲಸಿಕೆಗಳಿಗೆ 35,000 ಕೋಟಿ ರೂಪಾಯಿ ಸೇರಿದಂತೆ ಈ ಆರ್ಥಿಕ ವರ್ಷದಲ್ಲಿ ಭಾರತವು ಆರೋಗ್ಯ ರಕ್ಷಣೆಗಾಗಿ 2.23 ಲಕ್ಷ ಕೋಟಿ ರೂಪಾಯಿಗಳನ್ನು ಖರ್ಚು ಮಾಡಲಿದೆ ಎಂದು ಸಚಿವರು ಮಾಹಿತಿ ನೀಡಿದರು.

ಪ್ರಧಾನಿ ಆಯುಷ್ಮಾನ್ ಭಾರತ್ ಹೆಲ್ತ್ ಇನ್ಫ್ರಾಸ್ಟ್ರಕ್ಚರ್ ಮಿಷನ್, ಆಯುಷ್ಮಾನ್ ಭಾರತ್ ಜನ ಆರೋಗ್ಯ ಯೋಜನೆ, ಆಯುಷ್ಮಾನ್ ಆರೋಗ್ಯ ಮತ್ತು ಸ್ವಾಸ್ಥ್ಯ ಕೇಂದ್ರಗಳು, ಪ್ರಧಾನ ಮಂತ್ರಿ ಭಾರತೀಯ ಜನೌಷಧಿ ಪರಿಯೋಜನಾ (ಪಿಎಂಬಿಜೆಪಿ) ಮತ್ತು ಆಯುಷ್ಮಾನ್ ಭಾರತ್ ಡಿಜಿಟಲ್ ಮಿಷನ್‌ನಂತಹ ಮೋದಿ ಸರ್ಕಾರ ಪ್ರಾರಂಭಿಸಿದ ವಿವಿಧ ಆರೋಗ್ಯ ರಕ್ಷಣಾ ಯೋಜನೆಗಳು ಆರೋಗ್ಯ ಸೌಲಭ್ಯಗಳನ್ನು ಪ್ರವೇಶಿಸುವಂತೆ ದೇಶದ ಲಕ್ಷಾಂತರ ಬಡವರಿಗೆ ಕೈಗೆಟುಕುವಂತೆ ಮಾಡಿದೆ ಎಂದು ಸಚಿವರು ಹೇಳಿದರು.

***



(Release ID: 1786636) Visitor Counter : 56