نئی دلّی ، 30 دسمبر  / حکومت ہند نے گزٹ نوٹیفکیشن نمبر 20 مورخہ 2 جنوری 2018 کے ذریعے انتخابی بانڈ اسکیم 2018 کو نوٹیفائی کیا ہے۔ اسکیم کے التزامات  کے مطابق، انتخابی بانڈز کوئی بھی شخص خرید سکتا ہے (جیسا کہ گزٹ نوٹیفکیشن کے آئٹم نمبر 2(ڈی ) میں بیان کیا گیا ہے ) ،  جو ہندوستان کا شہری ہے یا ہندوستان میں شامل یا قائم ہے۔ ایک فرد انتخابی بانڈز یا تو اکیلے یا مشترکہ طور پر دوسرے افراد کے ساتھ کسی فرد کی حیثیت سے خرید سکتا ہے۔ عوامی نمائندگی ایکٹ 1951 (1951 کا 43 واں ) کی دفعہ 29(اے ) کے تحت رجسٹرڈ سیاسی جماعتیں ، جنہوں نے لوک سبھا یا ریاستی قانون ساز اسمبلی کے پچھلے عام انتخابات میں پولنگ ووٹوں کا کم از کم ایک فیصد حاصل کیا ہے ، ہی انتخابی بانڈ حاصل کرنے کی اہل ہوں گی۔ بانڈ کی نقدی  کی شکل میں وصولیابی صرف اہل سیاسی جماعتوں  کے ذریعہ مجاز بینک میں  موجود بینک  کھاتے کے ذریعے  کی جاسکے گی۔

اسٹیٹ بینک آف انڈیا (ایس بی آئی) کو فروخت کے انیسویں مرحلے میں یکم جنوری ، 2022 ء سے 10 جنوری ، 2022 ءتک  اپنی 29 مجاز برانچوں (جو منسلک فہرست کے مطابق) میں انتخابی بانڈز جاری کرنے اور ان کیش کرنے کا اختیار دیا گیا ہے ۔

انتخابی بانڈز جاری ہونے کی تاریخ سے پندرہ کیلنڈر دنوں کے لئے جائز   ہوں گے اور اگر بانڈ  جائز  مدت کے ختم ہونے کے بعد جمع کرایا جاتا ہے تو کسی بھی وصول کنندہ سیاسی جماعت کو کوئی ادائیگی نہیں کی جائے گی۔ ایک اہل سیاسی جماعت کی طرف سے اس کے اکاؤنٹ میں جمع کئے گئے بانڈز اسی دن جمع کر دئے  جائیں گے۔

          بینک شاخوں کی تفصیل درج ذیل ضمیمے میں دیکھی جا سکتی ہے :

(as per list enclosed as per the ANNEXURE

Please Enclose Annexure Link

 ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 ( ش ح ۔  م م   ۔ ع ا  )  

U. No. 15004