কেন্দ্রগী পোর্তস, শিপ্পিং অমসুং ৱাতরৱেজ অমসুং আয়ুশকী মন্ত্রী, শ্রী সর্বানন্দা সোনোৱালনা (২৭.১২.২১) নিংথৌকাবা নুমিত্তা গুৱাহাতিগী পান্দু শিপ রিপেয়র ফেসিলিতীগী মতাংদা চত্থরিবা থবক্তা খুমাং চাউশিনবগী মতাংদা য়েংশিন্নবা ইনলেন্দ ৱাতরৱেজ ওথোরিতী ওফ ইন্দিয়া (আই.দবল্যু.এ.আই.), কোচিন শিপয়ার্দ লিমিতেদ অমসুং আই.আই.তি., মদ্রাসকী মকোক থোংবা ওফিসিয়েলশিংগা উনখ্রে। মন্ত্রী অসিনা হায়খি মদুদি ফেসিলিতী অসি শাবগী থবক অদু ২০২২গী মেদগী হৌগদবা ওইবনা তেক্নিকেলগী ওইবা থবক মখৈদি লোইশিনখ্রে। প্রোজেক্ত অসি চহি অনি ফাওবগী মনুংদা, হায়বদি ২০২৪ ফাওবদা লোইশিন্নবা পান্দম থম্লি;

অনৌবা শিপ রিপেয়র ফেসিলিতী অসিগী মতাংদা ২০২১গী ওগস্ত ২৬তা লাউথোকখি। মসিগী ফেসিলিতী অসি রিজন অসিগী ইকোনোমী অমুক চাউখৎহনবদা য়াম্না চাউরবা থৌদাং অমা লৌগদৌরিবনি। মসিগী প্রোজেক্ত দিজাইন অমসুং ইমপ্লিমেন্তেশন অসি আই.দবল্যু.এ.আই. অমসুং কোচিন শিপয়ার্দ লিমিতেদ অনিনা খুৎশম্নদুনা তৌখিবনি।  ‘স্লিপৱে’ হায়নসু খঙনবা ফেসিলিতী অসি অসামগী সরকারনা পীবা লম একর ৩.৬৭দা শাগদৌরিবনি।

মন্ত্রী অসিনা মখাতানা খঙহল্লকখি মদুদি নোর্থ ইস্ত রিজন অসিগী ওইনা তুংদা খুমাং চাউশিনবা হায়বসি মসিগী ৱাতরৱেজ অসিনা চাউখৎলকপগী মতুং ইন্না ওইগদৌরিবনি। নেস্নেল ৱাতরৱে ২ – ব্রহমপুত্রা- মসিগা লোইন-লোইননা নেস্নেল ৱাতরৱে ৬ –বরাকতা থবক পাইখৎপা হৌখ্রে, মসিনা রিজন অসিদা ইকোনোমী চাউখৎনবগীদমক্তা কার্গো ত্রাফিক, পেসেঞ্জর ত্রাফিক্কা লোইন-লোইননা তুরিস্ত জেত্তিসশিং থবক ওইনা ওইথোকহনবদা মতেং পাংগদৌরিবনি হায়না মহাক্না হায়খি। মোতর পান্দুনা চেনবা বাবা ৱাতরৱে অমা ওইহন্নবগীদমক্তা কার্গো শিপ চৎথোক-চৎশিন য়ানবা মতিক চানা লুহন্নবগীদমক্তা তুরেল অনিমক্তা লৈরিবা তঙাইফদবা মফমশিংদা তৌথদুনা লুথহনগদবনি হায়না মহাক্না মখাতানা হায়রকখি।

শ্রী সোনোৱালনা হায়খি “কার্গো অমসুং পেসেঞ্জরশিংনা য়াম্না কোম্না অমসুং য়াংনা চৎথোক-চৎশিন য়ানবগীদমক্তা ঐখোয়গী তুরলশিং অসি ৱাতরৱেজ ওইনা শেমগত্তুনা ঐখোয়গী শেনমীৎলোন চাউখৎপগী মতাংদা পুৱারিদা লৈরম্বা অদু অমুক হন্না চাউখৎহনবা ঙমগদৌরিবনি। মসিনা নোর্থ ইস্তর্ন রিজন অপুনবগী ওইনা এক্সপোর্ত সেক্তরদা অনৌবা ইনোৎ অমা হাপ্পদা নত্তনা রিজন অসি থবক ফংহনবদা য়াম্না মরু ওইবা থৌদাং লৌগদৌরিবনি। মসিগী ৱাতরৱেশিং অসি শেমগৎপদা নোর্থি ইস্তকী রাজ্য সরকার পুম্নমক্না মতেং পাংলক্লি। সেন্তর ঐখোয়না রাজ্য সরকারশিংগা লোইননা মীয়াম্না কান্নবা ফংনবা অমসুং চাউখৎনবা খুৎশম্নদুনা পুন্না ৱাখল মান্ননা থবক তৌমিন্নগনি।”

*****