হৌখিবা পুং ২৪দা ভেক্সিন দোজ ২৯,৯৩,২৮৩ কাপখিবগা লোইননা ভারতকী কোবিদ-১৯গী ভেক্সিনেসন কভরেজ অসি ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না করোর ১৪১.৭০ (১,৪১,৭০,২৫,৬৫৪) হেনখ্রে। মসি সেসন ১,৫০,৫৭,১৪২গী খুত্থাংদা কাপখি।

ঙসি অয়ুক পুং ৭ ফাওবগী প্রোভিজনেল রিপোর্তকী মতুং ইন্না অপুনবা মশিং অসি খাইদোকপদা অশুম্না লৈরি:

হৌখিবা পুং ২৪ অসিদা মীওই ৭,১৪১ নাবা ফগৎখিবা অসিনা নাবা ফগৎখিবা মীওইশিংগী অপুনবা মশিং অসি ৩,৪২,৩৭,৪৯৫দা হেনগৎহনলে (লাইচৎ হেক হৌরকপদগী)।

মসিনা মরম ওইরগা ভারতকী ফগৎলকপগী চাং অসি ৯৮.৪০% দা লৈদুনা ২০২০ মার্চতগী খ্বায়দগী ৱাংবা ওইরি।

কেন্দ্র অমদি রাজ্য/য়ু.তি. সরকারশিংগী লেপ্পা নাইদনা অমদি পুন্না হোৎনমিন্নবনা থংন-থংননা হৌখিবা নুমিৎ ৬০নি অসিদা নোংমগী ওইবা অনৌবা রিপোর্ত তৌরকপা কেস মশিং অসি ১৫,০০০দগী তাদুনা লাক্লি।

হৌখিবা পুং ২৪দা অনৌবা কেস ৬,৫৩১ রিপোর্ত তৌরকখি।

হৌজিক্কী ওইনা ভারতকী এক্তিব কেসলোদ ৭৫,৮৪১দা লৈরি। এক্তিব কেস মশিং অসি লৈবাকসিগী অপুনবা পোজিতিব কেসকী মশিংগী ০.২২% ওইদুনা ২০২০গী মার্চতগী খ্বায়দগী নেম্বা ওইরি।

লৈবাক শিনবা থুংনা তেস্তিং কেপাসিতী মখা তানা হেনগৎকনি। হৌখিবা পুং ২৪ অসিদা লৈবাক অসিদা পুন্না তেস্ত মশিং ৭,৫২,৯৩৫ তৌখি‍। হৌজিক ফাওবদা ভারতনা পুন্না তেস্ত মশিং করোর ৬৭.২৯ (৬৭,২৯,৩৬,৬২১) হেন্না তৌখ্রে‍।

নাকল অমরোমদা লৈবাক শিনবা থুংনা তেস্তিং কেপাসিতী হেনগৎহনখিবগা লোইননা চয়োলগী ওইবা পোজিতিবিতী রেত ০.৬৩%দা লৈদুনা হৌখিবা নুমিৎ ৪৩ নি অসিদা ১%দগী তানা লৈরি। নোংমগী ওইবা পোজিতিবিতী রেত অসি ০.৮৭%দা লৈরি। হৌজিক্কী ওইনা নোংমগী ওইনা পোজিতিবিতী রেত অসি হৌখিবা নুমিৎ ৮৪নিদা ২%দগী তানা অমসুং থংন-থংননা নুমিৎ ১১৯নি অসিদা ৩%গী মখাদা লৈরি‍।

****