ٹوکیو اولمپیئن اور اولمپکس میں ملک کی نمائندگی کرنے والی پہلی ہندوستانی تیغ زن، بھوانی دیوی 2022 میں چار بین الاقوامی مقابلوں میں شرکت کے لیے تیار ہیں۔ مقابلوں میں بھوانی کی شرکت کو آسان بنانے کے لیے نوجوانوں کے امور کھیلوں کی وزارت نے سالانہ کیلنڈر برائے تربیت و مقابلہ (اے سی ٹی سی) کے ذریعہ مجموعی طور پر 8.16 لاکھ روپے کی رقم منظور کی ہے۔

بھوانی، جس نے اس سال کے شروع میں ٹوکیو گیمز کے راؤنڈ آف 32 میچ میں شکست کھانے سے پہلے اپنا پہلا راؤنڈ انفرادی میچ جیتا تھا، انٹرنیشنل تیغ زنی فیڈریشن میں مقابلہ کرنے سے پہلے 4 جنوری سے تبلیسی، جارجیا میں تربیتی کیمپ میں حصہ لیں گی۔ اس کے بعد وہ 28 سے 29 جنوری تک بلغاریہ کے شہر پلوڈیو میں ہونے والے عالمی کپ میں حصہ لے گی۔ بھوانی، جو فی الحال خواتین کے انفرادی زمرے میں دنیا میں 55 ویں نمبر پر ہیں، اس کے بعد یونان اور بیلجیئم میں بالترتیب 4 سے 5 مارچ اور 18 سے 19 مارچ تک ہونے والے ایف آئی ای ورلڈ کپ میں حصہ لیں گی۔

نوجوانوں کے امور اور کھیلوں کی مرکزی وزارت نے اس سال کے شروع میں، مالی سال 2021-22 کے لیے فینسنگ ایسوسی ایشن آف انڈیا (ایف اے آئی) کو مارچ 2022 تک 3 کروڑ روپے کی ACTC رقم منظور کی تھی۔ ACTC میکانزم کے مطابق، حکومت ہند NSFs کے طویل مدتی تخمینوں کے بعد، قومی اور بین الاقوامی مقابلوں/کیمپوں کی فہرست اور کھلاڑیوں کے تربیتی پروگراموں کے لیے، ہر مالی سال میں تمام تسلیم شدہ قومی کھیلوں کی فیڈریشنوں (NSFs) کو گرانٹ جاری کرتی ہے۔

                                               **************

ش ح۔ ف ش ع- س ا  

U: 14780