ఇండియన్ ఆర్మీ ఈ రోజు ఏఎస్‌ఐజిఎంఓ (ఆర్మీ సెక్యూర్ ఇండిజీనియస్ మెసేజింగ్ అప్లికేషన్) పేరుతో సమకాలీన సందేశ అప్లికేషన్‌ను ప్రారంభించింది. ఇది కొత్త తరం, అత్యాధునిక, వెబ్ ఆధారిత అప్లికేషన్య ఇది పూర్తిగా అంతర్గతంగానే సైన్యానికి చెందిన కార్ప్స్ ఆఫ్ సిగ్నల్స్ అధికారుల బృందం అభివృద్ధి చేసింది.

గత 15 సంవత్సరాలుగా వినియోగంలో ఉన్న ఆర్మీ వైడ్ ఏరియా నెట్‌వర్క్ (ఏడబ్లుఏఎన్) మెసేజింగ్ అప్లికేషన్‌కు బదులుగా ఈ అప్లికేషన్ ఆర్మీ అంతర్గత నెట్‌వర్క్‌లో అమలు చేయబడుతోంది. అప్లికేషన్ ఆర్మీ యాజమాన్యంలోని హార్డ్‌వేర్‌పై ఫీల్డ్ చేయబడింది మరియు భవిష్యత్ అప్‌గ్రేడ్‌లతో జీవితకాల మద్దతును అందిస్తుంది. బెస్పోక్ మెసేజింగ్ అప్లికేషన్ అన్ని భవిష్యత్ వినియోగదారు అవసరాలను తీరుస్తుంది మరియు మెరుగైన వినియోగదారు అనుభవాన్ని కలిగి ఉంటుంది. ఇది బహుళ స్థాయి భద్రత, సందేశ ప్రాధాన్యత మరియు ట్రాకింగ్, డైనమిక్ గ్లోబల్ అడ్రస్ బుక్ మరియు ఆర్మీ అవసరాలను తీర్చడానికి వివిధ ఎంపికలతో సహా అనేక రకాల సమకాలీన లక్షణాలను కలిగి ఉంది.

భవిష్యత్ అవసరాలను తీర్చగల ఈ మెసేజింగ్ అప్లికేషన్ సైన్యానికి చెందిన నిజ సమయ డేటా బదిలీ మరియు సందేశ అవసరాలను తీరుస్తుంది, ప్రత్యేకించి ప్రస్తుత భౌగోళిక రాజకీయ భద్రతా వాతావరణం నేపథ్యంలో మరియు భారత ప్రభుత్వం యొక్క మేక్ ఇన్ ఇండియా చొరవకు అనుగుణంగా ఉంటుంది.

భారత సైన్యం ఆటోమేషన్‌ను ప్రధానంగా అవలంభిస్తోంది. ముఖ్యంగా కొవిడ్-19 వ్యాప్తి తర్వాత మరియు పేపర్‌లెస్ పనితీరు వైపు గణనీయమైన చర్యలు తీసుకుంటోంది. అసిగ్మా ఈ ప్రయత్నాలకు మరింత ప్రోత్సహిస్తుంది మరియు ఆర్మీ తన క్యాప్టివ్ పాన్ ఆర్మీ నెట్‌వర్క్‌లో ఇప్పటికే ఉపయోగిస్తున్న ఇతర అప్లికేషన్‌ల హోస్ట్‌కి జోడిస్తుంది.

 

****