ପ୍ରତିରକ୍ଷା ମନ୍ତ୍ରଣାଳୟ
ସ୍ୱଦେଶୀ କୌଶଳରେ ବିକଶିତ ପାରମ୍ପରିକ କ୍ଷେପଣାସ୍ତ୍ର ‘ପ୍ରଳୟ’ର ଦ୍ୱିତୀୟ ସଫଳ ପରୀକ୍ଷଣ
Posted On:
23 DEC 2021 12:13PM by PIB Bhubaneshwar
ଓଡ଼ିଶାର ଡ. ଅବଦୁଲ କଲାମ ଦ୍ୱୀପରୁ ୨୦୨୧ ଡିସେମ୍ବର ୨୩ରେ ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ (ଡିଆରଡିଓ) ସ୍ୱଦେଶୀ କୌଶଳରେ ବିକଶିତ ପାରମ୍ପରିକ ଭୂପୃଷ୍ଠ-ରୁ-ଭୂପୃଷ୍ଠ କ୍ଷେପଣାସ୍ତ୍ର ‘ପ୍ରଳୟ’ର ସଫଳତା ପୂର୍ବକ ଦ୍ୱିତୀୟ ପରୀକ୍ଷଣ କରିଛି । ପ୍ରଥମ ଥର ପାଇଁ, ଲଗାତର ଦୁଇଦିନରେ ଗୋଟିଏ ବାଲିଷ୍ଟିକ କ୍ଷେପଣାସ୍ତ୍ରର ଦୁଇଥର ପ୍ରକ୍ଷେପଣ ପରୀକ୍ଷା କରାଯାଇଛି । ପ୍ରକ୍ଷେପଣ ପରୀକ୍ଷା ସମସ୍ତ ମିଶନ ଉଦ୍ଦେଶ୍ୟ ପୂରଣ କରିଥିଲା । ଏହି ପ୍ରକ୍ଷେପଣ କ୍ଷେପଣାସ୍ତ୍ରର ଉଭୟ ବିନ୍ୟାସରେ ଥିବା ବ୍ୟବସ୍ଥାକୁ ପ୍ରମାଣିତ କରିଛି ।
ଆଜିର ପ୍ରକ୍ଷେପଣରେ, ‘ପ୍ରଳୟ’ କ୍ଷେପଣାସ୍ତ୍ରର ପରୀକ୍ଷଣ ଭାରୀ ପେଲୋଡ୍ ଓ ବିଭିନ୍ନ ରେଞ୍ଜ ନିମନ୍ତେ କରାଯାଇଛି, ଯାହାଦ୍ୱାରା ଅସ୍ତ୍ରଶସ୍ତ୍ରର ସଠିକତା ଓ ଘାତକତାକୁ ପ୍ରମାଣ କରାଯାଇ ପାରିବ । ଏହି ପ୍ରକ୍ଷେପଣର ତଦାରଖ ସମସ୍ତ ରେଞ୍ଜ ସେନ୍ସର ଓ ଉପକରଣ ଦ୍ୱାରା କରାଯାଇଛି, ଯେଉଁଥିରେ ଟେଲିମେଟ୍ରି, ରାଡାର ଓ ଇଲେକ୍ଟ୍ରୋ-ଅପ୍ଟିକ ଟ୍ରାକିଙ୍ଗ ବ୍ୟବସ୍ଥା ସାମିଲ ରହିଛି, ଯାହା କି ପୂର୍ବତଟରେ ମୁତୟନ ହୋଇଛି ଏବଂ ପ୍ରଭାବ କେନ୍ଦ୍ର (ଇମ୍ପାକ୍ଟ ପଏଣ୍ଟ) ନିକଟରେ ଡାଉନ ରେଞ୍ଜ ଜାହାଜ ଉପସ୍ଥିତ ରହିଛି ।
ପ୍ରତିରକ୍ଷା ମନ୍ତ୍ରୀ ଶ୍ରୀ ରାଜନାଥ ସିଂହ ପରୀକ୍ଷଣରେ ଏହି ଲଗାତର ସଫଳତା ପାଇଁ ଡିଆରଡିଓ ଏବଂ ଏହାର ସହଯୋଗୀ ଟିମଗୁଡ଼ିକୁ ଅଭିନନ୍ଦନ ଜଣାଇଛନ୍ତି । ପ୍ରତିରକ୍ଷା ଗବେଷଣା ଓ ବିକାଶ ବିଭାଗ ସଚିବ ଓ ଡିଆରଡିଓ ଅଧ୍ୟକ୍ଷ ଡ. ଜି ସତୀଶ ରେଡ୍ଡୀ ସହଯୋଗୀ ଟିମକୁ ପ୍ରଶଂସା କରି କହିଛନ୍ତି, ଏହି ସଫଳ ପ୍ରକ୍ଷେପଣ ପରୀକ୍ଷା ଦ୍ୱାରା ପ୍ରତିରକ୍ଷା ଗବେଷଣା ଓ ବିକାଶ କ୍ଷେତ୍ରରେ ସଶକ୍ତ ଡିଜାଇନ ଓ ବିକାଶ ସାମର୍ଥ୍ୟଗୁଡ଼ିକୁ ଦେଶ ପ୍ରମାଣିତ କରିଛି ।
SR
(Release ID: 1784574)
Visitor Counter : 196