بجلی  اور نئی  اور قابل تجدید توانائی کے  مرکزی وزیر جناب آر کے سنگھ نے آج  لوک سبھا  میں ایک تحریری جواب میں یہ جانکاری  فراہم کی ہے۔

بھارت ،  قابل تجدید توانائی کی تنصیب شدہ صلاحیت کے حامل ملکوں میں دنیا میں چوتھا سے سب سے بڑی صلاحیت  والا ملک ہے۔ 30  نومبر  2021  تک ملک میں کُل  150.54  گیگا واٹ  قابل تجدید  توانائی  کی صلاحیت  (بڑے پن بجلی پروجیکٹ سمیت)  نصب کی جا چکی ہے۔ اس کے علاوہ  سال 22-2021  کے دورن (اکتوبر  2021  تک)  قابل تجدید  توانائی سے متعلق  مختلف  ذرائع سے  کُل  219817.17  ملین  یونٹ بجلی تیار کی گئی ہے۔

 ملک میں قابل تجدید توانائی  کے زیادہ  تر پروجیکٹ، بولیاں لگانے کے شفاف  عمل کے ذریعہ منتخبہ ، نجی  شعبے کے متعلقہ فریقوں (ڈیولپرس) کے ذریعہ قائم کئے جار ہے  ہیں۔ حکومت نے بولیاں لگانے سے متعلق  معیاری  رہنما خطوط  جاری کئے ہیں تاکہ  بجلی  کی ترسیل کے لائسنس کے حامل ادارے،  مقابلہ جاتی شرحوں پر بجلی  کی حصولیابی کرسکیں۔

مرکزی حکومت کے رہنما خطوط کے مطابق  چھوٹے  ڈیولپرس کے مفادات  کے تحفظ کے مقصد  سے، ریاستیں اور مرکز کے زیر انتظام علاقے  اُن  (5 میگاواٹ سے کم صلاحیت والے) شمسی پروجیکٹوں سے اور  (25 میگاواٹ  سے کم صلاحیت والے)  ہوا  سے بجلی  تیار کرنے والے پرو جیکٹوں سے بجلی کی حصولیابی کرسکتے ہیں، جن کا مقابلہ جاتی بولیاں لگانے سے متعلق  رہنما خطوط کے تحت احاطہ نہیں کیا گیا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح-  ع م - ق ر)

U-14597