ਆਗਰਾ ਦੇ ਏਰੀਅਲ ਡਿਲਿਵਰੀ ਖੋਜ ਅਤੇ ਵਿਕਾਸ ਸੰਸਥਾਨ (ਏਡੀਆਰਡੀਈ) ਨੇ 18 ਦਸੰਬਰ 2021 ਨੂੰ 500 ਕਿਲੋਗ੍ਰਾਮ ਸਮਰੱਥਾ (ਸੀਏਡੀਐੱਸ-500) ਦੇ ਕੰਟਰੋਲਡ ਏਰੀਅਲ ਡਿਲਿਵਰੀ ਸਿਸਟਮ ਦਾ ਹਵਾਈ ਪ੍ਰਦਰਸ਼ਨ ਕੀਤਾ। ਏਡੀਆਰਡੀਈ, ਆਗਰਾ ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀਆਰਡੀਓ) ਦੀ ਇੱਕ ਖੋਜ ਅਤੇ ਵਿਕਾਸ ਪ੍ਰਯੋਗਸ਼ਾਲਾ ਹੈ ਅਤੇ ਇਹ ਹਵਾਈ ਪ੍ਰਦਰਸ਼ਨ ਆਜ਼ਾਦੀ ਦੇ 75 ਸਾਲ ਪੂਰੇ ਹੋਣ ਦੇ ਸਬੰਧ ਵਿੱਚ ‘ਆਜ਼ਾਦੀ ਕਾ ਅੰਮ੍ਰਿਤ ਮਹੋਤਸਵ’ ਮਨਾਉਣ ਲਈ ਆਯੋਜਿਤ ਗਤੀਵਿਧੀਆਂ ਦੀ ਲੜੀ ਦਾ ਇੱਕ ਹਿੱਸਾ ਹੈ।

ਸੀਏਡੀਐੱਸ-500 ਦਾ ਉਪਯੋਗ ਰੈਮ ਏਅਰ ਪੈਰਾਸ਼ੂਟ (ਆਰਏਪੀ) ਦੀਆਂ ਯੁੱਧ ਅਭਿਆਸ ਸਮਰੱਥਾਵਾਂ ਦਾ ਉਪਯੋਗ ਕਰਕੇ ਪਹਿਲਾਂ ਨਿਰਧਾਰਿਤ ਸਥਾਨ ’ਤੇ 500 ਕਿਲੋਗ੍ਰਾਮ ਤੱਕ ਦੇ ਪੋਲੋਡ ਦੀ ਸਟੀਕ ਡਿਲਿਵਰੀ ਲਈ ਕੀਤਾ ਜਾਂਦਾ ਹੈ। ਇਹ ਆਪਣੀ ਉਡਾਣ ਦੌਰਾਨ ਸਾਰੀ ਲਾਜ਼ਮੀ ਜਾਣਕਾਰੀ ਲਈ ਕੋਆਰਡੀਨੇਟਸ, ਉਚਾਈ ਅਤੇ ਸਿਰਲੇਖ ਸੈਂਸਰ ਵਿੱਚ ਗਲੋਬਲ ਪੋਜੀਸ਼ਨਿੰਗ ਸਿਸਟਮ ਦਾ ਉਪਯੋਗ ਕਰਦਾ ਹੈ। ਸੀਏਡੀਐੱਸ ਆਪਣੀ ਔਨਬੋਰਡ ਇਲੈਕਟ੍ਰੌਨਿਕਸ ਇਕਾਈ ਨਾਲ ਅਪਰੇਟਿੰਗ ਕੰਟਰੋਲ ਪ੍ਰਣਾਲੀ ਰਾਹੀਂ ਨਿਰਧਾਰਿਤ ਲਕਸ਼ ਸਥਾਨ ਵੱਲ ਵੇਪੁਆਇੰਟ ਨੇਵੀਗੇਸ਼ਨ ਦਾ ਉਪਯੋਗ ਕਰਕੇ ਆਪਣੇ ਉਡਾਣ ਪਥ ਨੂੰ ਖੁਦਮੁਖਤਿਆਰ ਰੂਪ ਨਾਲ ਸੰਚਾਲਿਤ ਕਰਦਾ ਹੈ।

ਇਸ ਨੇ ਮਾਲਪੁਰਾ ਦੇ ਡਰੌਪ ਜ਼ੋਨ ਵਿੱਚ 5000 ਮੀਟਰ ਦੀ ਉਚਾਈ ਤੋਂ ਕਾਰਜਪ੍ਰਣਾਲੀ ਦਾ ਸਫਲਤਾਪੂਰਬਕ ਪ੍ਰਦਰਸ਼ਨ ਕੀਤਾ ਹੈ। ਸਿਸਟਮ ਨੂੰ ਏਐੱਨ32 ਜਹਾਜ਼ ਤੋਂ ਪੈਰਾ-ਡਰਾਪ ਕੀਤਾ ਗਿਆ ਸੀ ਅਤੇ ਫਿਰ ਖੁਦਮੁਖਤਿਆਰ ਮੋਡ ਵਿੱਚ ਪੂਰਵਨਿਰਧਾਰਿਤ ਲੈਂਡਿੰਗ ਬਿੰਦੂ ’ਤੇ ਲਿਜਾਇਆ ਗਿਆ ਸੀ। ਭਾਰਤੀ ਸੈਨਾ ਅਤੇ ਭਾਰਤੀ ਵਾਯੂ ਸੈਨਾ ਦੇ ਗਿਆਰਾਂ ਪੈਰਾਟਰੂਪਰਜ਼ ਨੇ ਹਵਾ ਵਿੱਚ ਸੀਏਡੀਐੱਸ-500 ਦਾ ਪਿੱਛਾ ਕੀਤਾ ਅਤੇ ਇਕੱਠੇ ਹੇਠ ਉਤਰੇ।

 ********