ఈ రోజు ఉదయం 7 గంటల వరకు ఉన్న తాత్కాలిక సమాచారం ప్రకారం; గత 24 గంటల్లో ఇచ్చిన 76,54,466 డోసులతో కలిపి, 137.46 కోట్ల డోసులను ( 1,37,46,13,252 ) టీకా కార్యక్రమం అధిగమించింది. 1,44,53,135 సెషన్ల ద్వారా ఇది సాధ్యమైంది.

ఈ రోజు ఉదయం 7 గంటల వరకు ఉన్న తాత్కాలిక సమాచారం ప్రకారం:

గత 24 గంటల్లో 7,469 మంది రోగులు కోలుకున్నారు. దీంతో, కోలుకున్న రోగుల మొత్తం సంఖ్య (మహమ్మారి ప్రారంభమైనప్పటి నుంచి) 3,41,78,940 కు పెరిగింది.

దేశవ్యాప్త రికవరీ రేటు 98.38 శాతానికి చేరింది. 2020 మార్చి నుంచి గరిష్ట స్థాయి.

కేంద్రం-రాష్ట్రాలు, కేంద్ర పాలిత ప్రాంతాల నిరంతర, సహకార ప్రయత్నాల కారణంగా, వరుసగా 52వ రోజు కూడా 15,000 కంటే తక్కువ రోజువారీ కొత్త కేసులు నమోదయ్యాయి.

గత 24 గంటల్లో 7,081 కొత్త కేసులు నమోదయ్యాయి. 

దేశవ్యాప్త క్రియాశీల కేసుల సంఖ్య 83,913. ఇది 570 రోజుల కనిష్ట స్థాయి. పాజిటివ్ కేసుల శాతం (0.24) కూడా 2020 మార్చి నుంచి కనిష్ట స్థాయి.

దేశవ్యాప్తంగా కరోనా పరీక్షల సామర్థ్యాన్ని పెంచుతూనే ఉన్నారు. గత 24 గంటల్లో మొత్తం 12,11,977 పరీక్షలు చేశారు. దేశవ్యాప్తంగా ఇప్పటివరకు 66.41 కోట్లకు పైగా ( 66,41,09,365 ) పరీక్షలు నిర్వహించారు.

వారపు పాజిటివిటీ రేటు 0.61 శాతంగా ఉంది. గత 35 రోజులుగా 1 శాతం కంటే తక్కువగా నమోదవుతోంది. రోజువారీ పాజిటివిటీ రేటు 0.58 శాతంగా ఉంది. రోజువారీ పాజిటివిటీ రేటు గత 76 రోజులుగా 2 శాతం కంటే తక్కువగా, 111 రోజులుగా 3 శాతం కంటే తక్కువగా నమోదవుతోంది. 

****