নোংপোক-থংবা ভারতপু হেন্না ফবা লম্বী থোং ফাওননবা লেপ্পা লৈতনা হোৎরিবা অসিদা, সিবিল এবিএসনগী কেন্দ্রগী মন্ত্রী শ্রী জ্যোতিরঅদিত্যা এম. সিন্ধিয়া, এম.ও.এস. সিবিল এবিএসন অমসুং এম.ও.আর.তি.ঐচ. জেনেরেল দাঃ ভি. কে. সিংহ (রিতায়র)না ঙসি গুৱাহাতী (আসম)দগী পুনে (মহারাস্ত্র)গী রুত্তা ইন্দিগো এয়রলাইন্সকী অহানবা দাইরেক্ত ফ্লাইত লমথাখ্রে। আসম সরকারগী ত্রান্সপোর্ত, ইন্দস্ত্রী অমসুং কম্মর্স, স্কীল দিবলপমেন্ত, ৱেলফিয়র ওফ মাইনোরিতীগী মন্ত্রী শ্রী চন্দ্র মোহন পতোৱারী, লোক সভাগী পার্লিয়ামেন্তগী মেম্বর শ্রীমতি ক্বিন ওজা, রাজ্য সভাগী পার্লিয়ামেন্তগী মেম্বর শ্রী ভুবনেস্বর কলিতানা থৌরম অসিবু গুৱাহাতীদগী ভর্চুএল ওইনা শরুক য়াখি অমসুং লোক সভাগী পার্লিয়ামেন্তগী মেম্বর শ্রী গিরিশ বালচন্দ্র বপতনা পুনেদগী থৌরম অসিবু শরুক য়াখি। 

ফ্লাইত অসি হৌদোকপদা, শ্রী সিন্ধিয়ানা হায়খি মদুদি “ঐহাক্না ভারতকী অৱাং-নোংপোক্কী খ্বায়দগী চাউরবা সহর – গেতৱে তু নোর্থ ইস্ত হায়নসু খঙনরিবা গুৱাহাতীদা অসিগুম্বা মশক থোক্লবা থৌরম অমা উবা ফংজবা অসি য়াম্না নুঙাইজৈ। গুৱাহাতীগী মতিক মগুন অসি অৱাং-নোংপোক ভারত, নত্ত্রগা ভারত পুম্বা, অমদি মালেম পুম্বদা লোইবা নত্তে, গুৱাহাতীগী সহর অসি থায়নগী স্ক্রিপচরশিংনা অদুমক পল্লি। হৌজিক্কী মতম অসিদসু, কমখ্যা মন্দির, নবগ্রহা মন্দির, উমানন্দা মন্দির অমসুং অতৈ অসিগুম্বা মন্দির লৈবা মরম্না গুৱাহাতীবু মন্দিরগী সহর হায়না কৌরি। মসিগী মথক্তা সহর অসি লৈবাক অসিদা খ্বায়দগী চাউবা চামনাগী কৈথেল অমসু ওইরি। মপাল লমদা চামনা থাদোকপদা ৫৫% অমা গুৱাহাতী খক্তনা পুথোক্লি হায়বা অসি পনবদা ঐহাক্না নুঙাইবা ফাওজৈ। মসিগী মথক্তা, গুৱাহাতী অসি ওইল রিফাইনরীশিং অমসুং আই.আই.তি., তি.আই.এস.এস. অসিনচিংবা এজুকেসন ইন্সতিত্যুৎকী মফম ওইরিবনি”।             

মন্ত্রীনা মখা তাখি, “এয়রক্রাফ মুবমেন্ত ৮৮৫গা লোয়ননা গুৱাহাতীনা লৈবাক অসিগী সহর ২৪ লম্বী ফাওনরি। আসম অমসুং গুৱাহাতীদা লৈরিবা খুদোংচাবশিং অসি য়েংদুনা, ঐখোয়না চহি অমদা পেসেঞ্জর লাখ ৫০দগী কোতি ১.২গী তর্মিনেল কেপাসিতীদা হেনগৎহন্নবা পাকথোক-চাউথোকপগী চাওরবা থৌরাংশু থম্লি। পাকথোক-চাউথোকপগী শেনফম অসি লুপা কোতি ১২৩২ অমা কেন্দ্র সরকারনা পুথোক্কদবনি”।  

রুত অসিদা ফ্লাইতকী থবক হৌখিবা অসিনা গুৱাহাতী অমসুং অকোইবদা লৈরিব প্রজাশিং লোয়ন-লোয়ননা পুনেদগী লাকপা পেসেঞ্জরশিংদা অয়েৎপা লৈতনা সহর অনিগী মরক্তা চৎথোক চৎশিন তৌবা য়ারগনি। দাইরেক্ত ওইনা চৎথোক চৎশিন য়াবগী খুদোংচাবা লৈতবনা, মীয়াম্না লম্বী নত্ত্রগা ত্রেন্দা পুং ৪৫গী শাংলবা খোঙচৎকী অৱাবা মায়োক্নরি। হৌজিক্তি, মীয়াম্না সহর অনি অসিদা য়াম্না লায়না ফ্লাইতকী মতেং লৌদুনা পুং ৩গা মিনিত ১৫ য়ৌবা ঙম্লি। গুৱাহাতী অমসুং পুনেগী মরক্তা থম্লিবা অনৌবা ফ্লাইত অসিনা, মফম অসিগী মীচম প্রজাদা ত্রেদ, কম্মর্স অমসুং তুরিজম হেনগৎহল্লগনি অমসুং মফম অনিগী মরক্তা ইকোনোমীক্কী ওইবা থৌওংশিং হেনগৎলগনি।

মশিং	দিপার্তচর	এরাইবেল	এয়রলাইন	চয়োলগী ওইবা ফ্রিক্বেন্সী	দেপ. (পুংশিং)	এর. (পুংশিং)
১	গুৱাহাতী	পুনে	ইন্দিগো	নুমিৎ খুদিংগী	২২৪০	০২১৫
২	পুনে	গুৱাহাতী	ইন্দিগো	নুমিৎ খুদিংগী	০২৫০	০৬০৫

 

***

(Release ID: 1782356) Visitor Counter : 197