মন্ত্রীমন্দল
রুপে দেবিৎ কার্দশিং অমদি ভেল্যু নেম্বা ভিম-য়ু.পি.আই. ত্রান্সেক্সনশিং(পি২এম) য়োকখৎনবগী ইন্সেন্তিব স্কিম অমা মন্ত্রী-মন্দলনা অয়াবা পীখ্রে
চহি অমগী ওইবা ফাইনান্সিয়েল আউতলে অসি লুপা কোতি ১,৩০০নি
মোদ অসিগা লোইননা ফোর্মেল বেঙ্কিং অমদি ফাইনান্সিয়েল সিস্তেমগী মপান্দা লৈরিবা অনবেঙ্ক অমদি মর্জিনেলাইজ ওইরবা মীয়ামদা পেমেন্তগী দিজিতেল মোদশিং অসি য়ৌহনবা ঙম্লগনি
Posted On:
15 DEC 2021 4:03PM by PIB Imphal
লৈবাক অসিদা রুপে দেবিৎ কার্দশিং অমদি ভেল্যু-নেম্বা(লুপা ২,০০০ য়ৌনা)ভিম-য়ু.পি.আই. ত্রান্সেক্সনশিং[পর্সন-তু-মর্চেন্ত(পি২এম)] য়োকখৎনবগী স্কিম অমা প্রধান মনত্রী শ্রী নরেন্দ্র মোদীনা সভাপতি ওইদুনা ফমখিবা কেন্দ্রগী মন্ত্রী-মন্দলনা ঙসি অয়াবা পীখ্রে৷
স্কিম অসিগী মখাদা, ২০২১গী এপ্রীল ০১দগী হৌদুনা চহি অমগী ওইনা লুপা কোতি ১,৩০০গী শেনফম থাদদুনা রুপে দেবিৎ কার্দশিং অমদি ভেল্যু নেম্বা ভিম-য়ু.পি.আই. পেমেন্ত মোদীশিং অসি শিজিন্নদুনা ভেল্যু ওফ ত্রান্সেক্সনশিং(পি২এম)গী পর্সেন্তেজ থিদুনা সরকারনা এক্বাইরিং বেঙ্কশিংবু পুক্নিং থৌগৎলগনি৷
প্রজাগী সেগমেন্তশিং অমদি সেক্তর পুম্নমক্তা রুপে দেবিৎ কার্দশিং অমদি ভিম-য়ু.পি.আই. দিজিতেল ত্রান্সেক্সনশিং য়োকখৎপদা অমদি লৈবাক অসিদা দিজিতেল পেমেন্তশিং মখাতানা ফিভম ফনা লৈহনবদা অমসুং অফবা দিজিতেল পেমেন্ত ইকোসিস্তেম শেমগৎপদা স্কিম অসিনা এক্বাইরিং বেঙ্কশিংদা লাইথোকহল্লগনি৷
মসিনা ফোর্মেল বেঙ্কিং অমদি ফাইনান্সিয়েল সিস্তেমগী মপান্দা লৈরিবা অনবেঙ্ক অমদি মর্জিনেলাইজ ওইরবা মীয়ামদা পেমেন্তশিংগী দিজিতেল মোদশিং অসি য়ৌহনবদসু মতেং পাংলগনি৷
ঙসিগী ভারতনা মালেম অসিদা খ্বাইদগী ইফিসিয়েন্ত ওইবা পেমেন্ত মার্কেৎশিংগী মনুংদা অমা ওইরি৷ হায়রিবা দিবেলপমেন্তশিং অসি ভারত সরকারগী ইনিসিয়েতিবশিংঅমদি দিজিতেল পেমেন্ত ইকোসিস্তেমদা লৈরিবা তোঙান তোঙানবা প্লেয়রশিংগী ইন্নোবেসনগী আউতকমনি৷ স্কিম অসিনা মখাতানা ফিনতেক স্পেসতা ইন্নোবেসনশিং, রিসর্স অমসুং দিবেলপমেন্ত মখাতানা পাংথোক্লগনি অমদি লৈবাকশিংগী তোঙান তোঙানবা শরুকশিংদা দিজিতেল পেমেন্ত অসি মখাতানা নিংথিনা লৈহনবদা সরকারবু মতেং পাংলগনি৷
বেকগ্রাউন্দ:
লৈবাক অসিদা দিজিতেল ত্রান্সেক্সনশিং মখাতানা হেনগৎহন্নবা সরকারগী বদজেৎ এনাউন্সমেন্তশিং(এফ.ৱাই. ২০২১-২২) অসিগা মরী লৈননা স্কিম অসি চৎনখ্রে৷
******
(Release ID: 1782146)
Visitor Counter : 179
Read this release in:
Assamese
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam