این ٹی پی سی نے  سمہادری میں  (وشاکھا پٹنم کے قریب)  این ٹی پی سی گیسٹ ہاؤس میں   الیکٹرولا ئزر کے استعمال  سے ہائیڈروجن   تیار کرنے کی خاطر مائیگروگرڈ  پر مبنی ایک علیحدہ  فیول –سیل    کے پروجیکٹ  کو  منظوری دی ہے۔  یہ  گرین ہائیڈر وجن پر مبنی توانائی کو  ذخیرہ کرنے کا بھارت کا پہلا پروجیکٹ ہے ۔  یہ ملک میں  بڑے پیمانے پر ہائیڈروجن توانائی کو ذخیرہ کرنے کا  پیش خیمہ ہے اور   یہ ملک کے کلیدی مقامات پر مختلف آف – گرڈ  ذخیرہ کرنے  کے لئے  بہت چھوٹے گرڈو ں   سے متعلق مطالعے کے  لئے بھی مفید ثابت ہوگا۔

اس میں  قریبی فلوٹنگ سولر پروجیکٹ  سے   بجلی حاصل کرتے ہوئے جدید 240 کے ڈبلیو سولڈ آکسائڈ   الیکٹرولائزر   کو استعمال  کرکے  ہائیڈروجن  پیدا کی جائے گی۔دن کے اوقات میں  پیدا کی گئی ہائیڈروجن کو  ہائی پریشر پر اسٹور کیا جائے گا اور   50  کے ڈبلیو  سولڈ آکسائڈ فیو ل سیل  کو استعمال کرتے ہوئے   کارآمد بنایا جائے گا۔  یہ نظام  شام  پانچ بجے سے صبح سات بجے تک  ایک بالکل علیحدہ نظام کے طورپر کام کرے گا۔

اس منفرد  پروجیکٹ کا ڈیزائن این ٹی پی سی نے خود تیار کیا ہے ۔ یہ بھارت کے لئے ایک منفرد پروجیکٹ ہے اور  ملک کے  دوردراز کے علاقوں جیسے لداخ ، جموں وکشمیر وغیرہ  کو کاربن سے  پاک  رکھنے  میں مدد کرے گا اور ڈیزل جنریٹروں    پر انحصار کو ختم کرے گا۔یہ پروجیکٹ    محترم وزیر اعظم کے ویژن کے خطوط پر ہے ،جس کے تحت  2070 تک  ملک کو کاربن سے  پاک بنانا اور لداخ کو کاربن سے  پاک خطہ بنانا ہے۔

*************

ش ح۔و ا۔رم

U-14297