আয়ুশ অমসুং পোর্তস, শিপ্পিং অমসুং ৱাতরৱেজকী কেন্দ্র মন্ত্রী শ্রী সর্বনন্দা সোনোৱালনা ঙসি ভর্চুএল মেদিয়মগী খুত্থাংদা আয়ুশ মিনিস্তর শ্রী সর্বানন্দা সোনোৱালনা মনিপুরগী মোরেদা ফমুং ৫০ লৈবা আয়ুশ হোস্পিতাল অমা শঙ্গাখ্রে অমদি মনিপুরদা আয়ুশ ইন্দস্রীগী দিবেলপমেন্ত অমসুং প্রমোসনগীদমক অচৌবা ইনিসিয়েতিবশিং লাউথোকখ্রে। প্রস ব্রিফিং অমদা ৱা ঙাংলদুনা কেন্দ্র মন্ত্রীনা হায়খি মদুদি মিনিস্ত্রী অসিনা রাজ্য অসিদা আয়ুশ দিস্পেন্সরী ১৫, ফমুং ১০ লৈবা হোস্পিতাল ১০, স্কুল হর্বল গার্দেন ১০০, জিলা খুদিংদা নর্সরী ১৬ অমদি হেল্থ অমসুং ৱেলনেস সেন্তর ৫০ দিবেলপ তৌনবা ৱারেপ লৌরে।  

কেন্দ্র মন্ত্রীনা ইম্ফালদা ‘ফাইতোফার্মাস্যুতিকেল মিসন তু প্রমোৎ দি দোকুমেন্তেসন, সাইন্তিফিক ভেলিদেসন এন্দ ইভালুয়েসন ওফ ত্রেদিস্নেল হেল্থকেয়র প্রেক্তিসেস ওফ নোর্থ-ইস্ত ইন্দিয়া’দা পাংথোকপা থৌরম অমদা অখন্নবা মীথুংলেন ওইনা শরুক য়ারি। মনিপুরগী মুখ্য মন্ত্রী শ্রী এন. বিরেন সিংহ, কেন্দ্রগী রাজ্য মন্ত্রী দা. আর.কে. রঞ্জন সিংহ, এদভাইজর তু সি.এম. (হেল্থ), মনিপুর, দা. এস. রঞ্জন সিংহসু থৌরমদা শরুক য়াখি।

থৌরম অদুদা ৱা ঙাংলদুনা মন্ত্রীনা ফোংদোকখি মদুদি মহাক্না থাজবা থম্লি মদুদি মসিগী স্কিমশিং অসি মপুং ফানা পায়খৎলবা মতুং আয়ুশ ইন্দস্ত্রীবু চাওখহন্নবগীদমক অহেনবা তেংবাংশিং পীখিগনি। মহাক্না থাজবা ফোংদোকখি মদুদি স্কিমশিং অসিনা মনিপুরগী মীয়াম্বু হিদাক লাংথক্কী পাম্বীশিং দিবেলপ তৌবা, তুংদা অহেনবা গ্রোথ পুরকপা অমসুং এমপ্লোইমেন্ত জেনরেৎ তৌবদা পুক্নিং থৌগৎলনি। কেন্দ্র মন্ত্রীনা মখা তাখি মদুদি “ভারত্তা ফংলিবা হিদাক লাংথক্কী পাম্বী ৬০০০কী মনুংদা মনিপুরদা ১০০০ হেন্না ফংলি। ঐখোয়না মসিগী কানবা লৌগদবনি।”

কেন্দ্র মন্ত্রীনা মখা তাখি মদুদি “মনিপুরগী নুপীশিং অসি কম্ম্যুনিতীদা তোপ তোপ্পা অমসুং অচেৎপা শক্তম অমা লৈজৈ। ঐহাক্না নুপীশিংবু মাংলোমদা চংশিন্নবা অমদি হিদাক লাংথক্কী পাম্বীশিং অসি প্রমোৎ তৌনবা খোংথাং লৌখৎনবা হায়জরি। ঐহাক্না ময়ামদা থাজবা পীরি মদুদি ঐখোয়না অদোমগী পোত্থোকশিংগীদমক কৈথেলশিং ফংহনগনি মদুনা ওন্তরপ্রিনরশিপকী স্পিরিৎ দিবেলপ তৌবা খক্তা নত্তনা আত্মনির্ভর মনিপুর অমা ওইহন্দুনা লৌমীশিংসু কানবা ফংহল্লগনি অমদি মখোয়গী ফার্ম ইনকম শরুক অনি ওইহনবগী পান্দম অদু য়ৌরগনি। ”

****