شمال مشرقی خطے میں  ایک اہم مالی ادارے  ،  شمال مشرقی ڈیولپمنٹ فائنانس کارپوریشن لمٹیڈ (این ای ڈی  ایف آئی )نے 1995 میں اپنے قیام کے بعد سے کامیابی کے  26 سال مکمل کرلئے ہیں۔اس کا ہیڈ آفس  گواہاٹی کے دسپور میں  ہے اور  اس کے برانچ  دفاترتمام شمال مشرقی خطے میں ہیں۔ ان سالوں  میں کارپوریشن نے  7500سے زیادہ پروجیکٹوں کے لئے قرضے فراہم کئے ہیں اور شمال مشرقی بھارت کی  8 ریاستوں  میں  سی ایس آر  سرگرمیوں  کے ذریعہ کئی  ترقیاتی اقدامات  کئے ہیں۔ اس خطے میں ہزاروں  صنعت  کاروں کے ساتھ سرگرمی سے مصروف رہنے اور اپنی مختلف سرگرمیوں کے ذریعہ این ای ڈی ایف آئی اس خطے  میں ا یک نامی  ادارہ  بن گیا ہے  اور اس کی شہرت  میں خاطر خواہ اضافہ ہوا ہے ۔

شمال مشرقی خطے کے چھوٹے دستکاروں  یا کاریگروں کی ترقی کو فروغ دینے کے مقصدسے این ای ڈی ایف آئی  سیکٹر سے جُڑی سرگرمیوں  ، کام کرنے کے لئے  پونجی کی ضرورت  اور سیکٹر کے قیام  کے لئے آمدنی  پیداکرنے کی سرگرمیوں کے واسطے  قرض کی شکل میں  مالی امداد فراہم کرتا ہے۔این ای ڈی ایف آئی نے اس خطے میں  بنیادی  سطح کے دستکاروں  کے لئے آتم نربھر ہستھ شلپ کاراسکیم متعارف کرائی ہے۔  یہ اسکیم  9دسمبر  2021  کو باقاعدہ شروع کی گئی تھی۔ اسکیم کے  شروع کرنے کی تقریب کے دوران   17دستکاروں  کو  قرض  کے طورپر امداد فراہم کی گئی اور  فی دستکارکو ایک لاکھ روپے فراہم کئے گئے ۔قرض  کی سہولت میں کافی آسانی دی گئی ہے  اور 6فیصد سالانہ کی شرح سود میں  نرمی دی گئی ہے جس کی  24  مہینوںمیں ادائیگی کی جاسکتی ہے۔

*************

ش ح۔ح ا۔رم

U-14069