অৱাং-নোংপোক থংবা লমদমগী অচৌবা ফাইনান্সিএল ইন্সতিত্যুসন অমা ওইরিবা লোয়ননা মখোয়গী হেদ ওফিস দিস্পুর, গুৱাহাতিদা লৈবা অমসুং অৱাং-নোংপোক থংবা লমদম শিনবা থুংবদা ব্রাঞ্চ ওফিসশিং লৈরিবা ১৯৯৫দা লিংখৎখি নোর্থ ইস্তর্ন দিবেলপমেন্ত ফাইনান্স কোর্পোরেসন লিমিতেদ (এন.ই.দি.এফ.আই.) অসি চহি কুন-তরুক মপুং ফাখ্রে। চহি কয়া অসিদা কোর্পোরেসন অসিনা প্রোজেক্ত ৭৫০০ হেনবদা লোনশিং পীখি অমসুং ভারতকী অৱাং-নোংপোক্কী রাজ্য নিপান অসিদা সি.এস.আর.গী থবক-থৌরমশিংগী খুত্থাংদা চাউখৎ-থৌরাংগী থৌরাং কয়া মরুম পাইখৎখি। মখোয়গী তোঙান-তোঙানবা থবক-থৌরমশিংগী খুত্থাংদা অমদি লমদম অসিগী ওন্তপ্রিনোর লিশিং কয়াগী এক্তিব ওইনা থবক তৌমিন্নবা অসিনা এন.ই.দি.এফ.আই. অসি লমদম অসিগী মফম খুদিংদা শোন্নবা মমিং অমা ওইখি।

অৱাং নোংপোক থংবা লমদমগী মশিং য়ামজদবা আর্তিসেনশিং অসি চাউখৎহন্নবা পান্দমগা লোয়ননা তর্ম লোনগী মওংদা শেলগী তেংবাং পীদুনা শেন্থোক লৈহন্নবা থবক পাইখৎনবা, চাউথোক্নবা/মতমগা চুনবা ওইহন্নবা/ মথৌ তাবা ৱার্কিং কেপিতেলগী অমদি সেক্তর অসিগা মরী লৈনবা অতোপ্পা থবক-থৌরমশিংগীদমক এন..দি.এফ.আই.না লমদম অসিগী গ্রাস রুৎ আর্তিসেনশিংদা আত্মনির্ভর হস্তশিল্পকার স্কীম হৌদোকখ্রে। স্কীম অসি ওফিসিএল ওইনা ৯/১২/২০২১দা হৌদোকখি। হৌদোকপগী থৌরম মনুংদা ক্রেদিৎ এসিস্তেন্ত ওইনা আর্তিসেন অমদা লুপা লাখ ১ পুন্না আর্তিসেন ১৭তা পীখি। ক্রেদিৎ ফেসিলিতী অসি কোল্লাতরেল ফ্রী ওই অমসুং সবসিদাইজ ওইবা শেন্দোইগী চাং অসি থা ২৪দা শীংগৎপা য়াবা চহি অমদা ৬% ওই।

চাং নাইনা শীংগৎপগীদমক শেন্দোইগী চাংদা ১%গী ইন্সেন্তিব অমা পী, হায়রিবা অসি আর্তিসেনশিংনা লোনশিং মাইপাক্না শীংগৎপা লোইরবা মতুংদা হন্দোক্কনি।

অপাম্বা আর্তিসেনশিংনা গুআহাতিদা লৈবা এন.ই.দি.এফ.আই.গী রেজিস্তর তৌরবা ওফিস অমসুং মখোয়গী ব্রাঞ্চ ওফিস অমা হেক্তদা (অকুপ্পা মরোল www.nedfi.comদা পীরি) মখাদা পীরিবা ইলিজিবিলিতীগী ক্রাইতেরিয়া অসিগা লোয়ননা এপ্লাই তৌবা য়াগনি:

1. রেজিস্তর তৌরবা/ রেজিস্তর তৌদ্রিবা আর্তিসেন/মীওই
2. ভেলিদ ওইবা ক্বালিফিকেসন পাইবা নত্ত্রগা আর্ত ফোর্ম অমা হেক্তা প্রেক্তিস তৌরিবা
3. অতোপ্পা বেঙ্ক/ফাইনান্সিএল ইন্সতিত্যুসন অমা হেক্তদগী লোন লৌবা লৈতবা
4. বেঙ্ক একাউন্ত

(e) আধার কার্দ (য়াওদ্রবসু য়াই)

*****